الخميس، نوفمبر 06، 2014

كلكم حبايبي

مدونتي الحبيبة

امبارح كان عيد ميلاد محمد وانا صار لي سنتين عاملة اضراب عن الكتابة عن هذه المناسبات...لكن بالامس لقيت نفسي لا اراديا عم بكتب .
هلا كلهم ولادي و كلهم نور عيوني و فتافيت قلبي وشقاشيق روحي و من هالحكي ....لكن ما بعرف ليه يوم عيد ميلاد محمد بتكون مشاعري فياضه اكتر شي؛بيجوز لأنه البكر ,بيجوز لانه عندي احساس بتأنيب الضمير تجاهه انه ما اخذ حقه الكافي من امومتي و هو بيبي و تشعتل معي كتير لما كنت موظفة, و بيجوز انا بغاوز معه اكتر  ,,,شو بيعرفني!!!
 المهم امبارح فتحت الفيسبوك ع اساس اني اكتبله كل عام وانت بخير وبس
لقيت حالي استفضت و قلبتها دراما على الآخر ......
مع انها الخاطرة مش احلى من اللي كنت اكتبه عندك هون في مثل هيك مناسبات بس جماعة الفيسبوك انبسطواو حبوها كتير .الله يسعدهم ويفرحهم بأحبابهم.
المهم انه بالرغم من كل التعليقات الحلوه و الاشادات و التبريكات انا جواتي كنت ممغوصة انه ليه ما كتبت هالحكي على مدونتي حبيبتي ...انا خاينه :(
صحيح أنه كتبت كتير خواطر عالفيسبوك قبل هيك و لاقت استحسان واشادة لكن ما كنت احس بتأنيب ضمير زي اللي حصل لي امبارح ....فكرت كتير ليش هيك صار؟
اكتشفت أنه أي شي بيخص ولادي أنتي لكِ الاولويه فيه لأنه بحسك زيك زيهم ...أنتي وحده من العيلة و معزتك كبيرة و الله العالم !
الشيطان شاطر ...الله يخزيه!!!
انا اسفة  .
المهم هذا اللي صار بالحرف و بوعدك أني ما أعيدها ...من هون و طالع أنتي أولا و الفيسبوك ثانياً.

حدث في مثل هذا اليوم من عام 1995 ...في الساعة 8:40 دقيقة صباحا في مستشفى الملكة علياء العسكري و بأشراف الدكتور محمد حماد و طبيب الاطفال عماد القضاة و قابلة توليد "لئيمة" نسيت اسمها ...حدث ان الامور تعسرت شوي واضطر الطبيب لاجراء معين نتج عنه جرح في راس البيبي لا زال أثره موجود الى اليوم...ولكن الامور تيسرت و الحمدلله بعد ان ارتعبت اكبر رعبة بحياتي!
....حدث أنه تشقلبت حياتي..و صار ليلي نهاري و لم أهتم.
واستبدلت قهوتي المدللة باليانسون المقيت و لم اهتم.
..و حلت بودرة الاطفال مكان علبة المكياج
و الbaby oil بدل كريم الايدي على تسريحتي و لم اهتم .
و صار للبامبرز أولوية قبل الخبز في بيتنا و لم نهتم ...
حدث أنه تغيرت نظرتي الى الحياة و نسيت نفسي و اعدت ترتيب اولوياتي ...و لم أهتم.
حدث أني أصبحت أم.

محمد ...كل عام و انت بخير يا أمي.


صحيح قبل ما انسى ....
رح ارجع انشر كل الخواطر اللي نزلتها عالفيسبوك هون بالتتابع ان شاء الله ....راجعتلك يا حلوة و رح نرجع أيامنا الحلوة سوا :)

هناك 30 تعليقًا:

  1. كتبت تعليق طويل طيره الجوجل :(

    بطلت العب
    المهم ربنا يباركلكم فيهم و يجعلهم من الابناء البارين الصالحين :)

    ردحذف
    الردود
    1. ويسبر ولايهمك انا عارفة. اذا ما كنتي محددة ملف التعريف قبل ما تبلشيي كتابة عالموبايل ...انسي العوض بسلامتتا...صارت معي كم مرة و قهرني ...الله يسعدك يا قمرتنا

      حذف
  2. كل عام وانتِ ومحمد بألف بخير :) تدوينة جميلة تأثيرها ابتسامة عريضة من القلب برضه.
    الأمومة اشي رائع ومخيف بنفس الوقت على ما أظن .. اتذكرت هاد الفيديو
    http://www.youtube.com/watch?v=OmWW9wKC_zw
    كل عام وانتم بخير مرة تانية .. والله يخليكم لبعض

    ردحذف
    الردود
    1. روان ...احسنت التعبير هي شيء رائع و مخيف و خصوصا المرة الاولى...يا حرام البكر شو بيتعرض لمواقف...خقل تجارب الله يعينوا ههههههههههه
      الله يديم ابتسامتك الحلوة ...و تكوني دائما بخير

      حذف
  3. اول شيء لازم اسجل اعجابي بويسبر ....لانني ممكن استفيد من فكرة عمنا جوجل والطيران ...ههههههه
    تاني شيء ...اكيد فكرة العودة الى هنا فكرة جميلة وان شاء الله راجعين كلنا وعلى مهلنا وعلى راحتنا
    ثالث شيء ....مرة اخرى كل عام وانتِ والعائلة جميعا بالف خير
    والله يخليلك اياهم جميعا ويتخرجوا وتفرحي فيهم

    ردحذف
    الردود
    1. يسعد مساك ابو عمر. ..ع فكرة هاي حجه قديمه ... اخترعولكم وحدة جديده ....ههههههههههه
      ادعيلي اصمد هون من جديد و عقبال رجوع كل الاصدقاء
      و انت بالف خير يا رب.

      حذف
  4. طبعا اللي حكته ويسبر صحيح ....لانها ادخلت التعليق اولا ومن ثم طلب منها ادخال حساب الجوجل ...ولما ادخلته اعتقدت انه تم النشر ....لازم تحتاطي وتعملي كوبي بيست قبل ادخال حساب الجوجل وبعد الادخال اعادة وضع التعليق والضغط على نشر ....معلومة ويسبرية ....على طريقة معلومة روزية تبعت مزاج اف ام

    ردحذف
    الردود
    1. ميرسي للمعلومة الويسبرية:)
      بدنا وقت لنتعود على نظام الموبالات....الله يرحم حنية اللابتوب و ايامه

      حذف
    2. المفروض اني بعرف هالمشكله وكانت تواجهني اكتر شي بمدونتك ابو عمر ومدونه نادر لان الاسهاب بالتعبير بوقتها كان طويل وجد ينسم بدني عليه
      بس البعد عن هالعالم نساني القرصات الماضيه :/

      حذف
  5. بعدين حدا يقولي من وين اغير صورة المثلث واشارة التعجب ...؟؟؟؟ نسيتها
    هاي اللي بتطلع مع تعليقاتي ...!!!!

    ردحذف
    الردود
    1. مش عارفة ...عم بخاول اتذكر الطريقة....بس الاقيها حقولك ان شاءالله

      حذف
  6. 1- happy birthday ya محمد and I hope u take full advantage of the
    مغاوزة
    :)

    2- horraaaaaaaaaaaaaaaaaaay to no facebooking , or even less of it

    3- happy bday AGAIN to محمد

    4- whisper did not write a long comment, did not!
    "I can prove it"

    5- I have a theory that all women giving birth hate their "1st" midwife even if she was nice

    "I can NOT prove this one though"

    :)

    ردحذف
    الردود
    1. الحقيقة لا ....مش عم بيستفيد لغاية الان...بالعكس هو اكتر واحد بالبيت بنعتمد عليه عتالة وو طراشة تشعبط و جرات غاز و هيكا ...
      و انت بخير يا رب

      لاتحاول تشكك بمصداقية ويسبر ....لا تحاول صار بيننا عشرة و فطورات مناقيش و اشي اسمو شنكليش هههههههه

      Thats because all of them are professional slaughters especially the ones who works in government hospitals. ..they see us as pigs who is faking pain 
      بنتدلع ع رايهم

      حذف
    2. شنك ...ليش!?

      lol

      ---------
      well, they r well-trained by the "very" wonderful doctors and even better business owners

      حذف
    3. انا حكيت بلاد الفرنجه راح تغيرك بس ابدا سبحان الله الكره ما بيتنسى يا اخي اللدود طبعا :)
      لا تحاول تخرب بينا ...شفت بتويتر بس نتفق عليك شو بصير بلالك هالامور

      وسوسو بدنا نعيد هالجمعات و ناخد سيلفيات جداد مع باقي الشله :)

      حذف
    4. selfie is makrooh

      E-fatwa people mosh a7san minny!** haha

      Al-Siyam is a bless, remember that, remember

      :D

      حذف
  7. كل عام ومحمد بخير وانت بخير
    وربنا يحميلك اياه ويخليكو لبعض

    ردحذف
    الردود
    1. و انتي بالف خير يا رحاب ....تسلميلي يا رب

      حذف
  8. كل سنة و محمد و انتى بخير يا ام محمد
    قد ايه الامومة جميلة جدا
    و انا بقول لاية انتى مهما عملتى مش هتحبينى زى امى
    لانه ببساطة لو عاملتك وحش هتكهرينى
    لكن الام حتى لو ابنها عاملها وحش مش ممكن هتكرهه
    ربنا يخليلك محمد

    ردحذف
    الردود
    1. و حضرتك بالف خير يا ابو زياد
      ربنا يخليلك ايه ...ابقى دللها زي كأنك والدها حتلاقيها بتخاف عليك زي كأنها والدتك.
      ربنا يسعدك و يفرحك فيهم

      حذف
  9. كل سنة ومحمد وجميع أخوته بخير وأمن وسلامة وسعادة، وربنا يبارك في عمره ويرزقه الصحة والسعادة والنجاح طول الحياة.
    وكل عام وأنت أم عظيمة :)
    وربنا يخليكم لبعض :)

    ردحذف
    الردود
    1. ربنا يخليك يا أحمد و يسعد قلبك...دعوتك اسعدتني جدا.
      كل عام و انت بخير يا فيلسوفنا العظيم.

      حذف
  10. كل سنه وهوه سالم يختي
    وإنتي كمان سالمة

    تأنيب الظمير بس يستلبسك ما أشنعه
    ئـــي

    إم كعك العيد :)

    ردحذف
    الردود
    1. وانتي وقطاقيطك بالف خير يا اوختشي. .

      بدون ما تقولي ....الظمبر كشفك هههههههه

      حذف
  11. أخيراً .. أردت أن أقف في محطة استراحة فوجدت نفسي هنا ..
    أبارك لك بمحمد وإخوته . أسأل الله تعالى له أياماً سعيد ملؤها النجاح والرضا والخير ..
    كل التحية الطيبة .

    ردحذف
    الردود
    1. حللت اهلا ووطئت سهلا اخي محمد.
      بتعرف؟ انا كل ما يضيق خلقي من كل الامكنة ...هون ملاذي للراحة .

      الله يباركلك بولادك و بناتك و يحميهم ويسعدهم يا رب.

      حذف
  12. o I am back
    o estanno bas

    o ma fee 7ada qaddi

    wassi3 la naysan l2anha jayeh bqowwat

    etc
    etc
    .
    .
    .
    .

    wain al nas
    heheee

    ردحذف
    الردود
    1. ايوا انا راجعة بقوه ....استنوني ههههههههههههه

      حذف