الجمعة، مايو 31، 2013

أعراس 2013


مش عارفه ايش الفايده من وجود اللّوج (الكوشه) في حفلات الاعراس !
اذا كانوا العرسان  حيضلّوا يرقصوا من أول الحفله لغايه ما يروّح آخر واحد من المعازيم على بيته .المفروض يستغنوا عن الكوشه ويضعوا مكانها طاوله و كراسي للناس اللي حابه تاخد استراحه ويرجعوا عالبيست بسرعه !
ومش عارفه كمان ليش طول ما العرسان بيرقصوا, ثلاث ارباع الناس الموجودين في الحفله  بيكونوا واقفين حواليهم وبيزقفولهم و الناس اللي قاعده على الطاولات مش شايفه شي الا عن طريق شاشات العرض اللي في القاعه يعني يا اما بتفرجونا مواهبكم الفذه في الرقص يا اما بتقعدوا على كراسيكم وبتشجعوا وبتزقفوا من اماكنكم .على عيني وراسي اختك و امك وبنات عمك فرحانين بيكم...بس ليه عزمتونا؟
مش كان احسن لنا ولكم انه نضل مرتاحين في بيوتنا وبعد ما يخلص العرس تحطولنا فيديو الحفله على الفيسبوك ! ما احنا هيك هيك حنرجع نبارك لكم عالفيسبوك برضو !
وبعديها حنرجع نزوركم في البيت الجديد والهديه والنقوط من نصيبكم . 
مناسبة هذا الحديث اني بالأمس كنت مدعوه على حفل زفاف لطيف وظريف وهناك وجدت مفاجأه لطيفه ,يا للهول impossible مش مصدقه عيوني ؛ المفاجأه هي أن فستان العروس كان ...بأكمام !!! تخيّلوا ! صار لي سنين ما شفت عروس بفستان مستور ! الا مره واحده  في عرس المستوره كيت 
الحقيقه لم أصدق عيني فرحاً و دهشه عندما رأيت العروس بفستان رائع وبسيط وأنيق بأكمام طويله ومستور من جهتي  الصدر والظهر....بعدما سادت موضة الفساتين "المشلحه" بشكل مبتذل , لكن للاسف ...صديقات العروسه ما خلوش فرحتي تكمل ويا فرحه ما تمت :"( كلهم على بعض يا دوب لابسين مترين قماش !
أحلى وحده في الحفله وبصرااااااحه ...........لا مش أنا ....هي اختي الصغرى "ديما" الله يسعدها ويفرح قلبها يا رب ...كانت منوره بفستان احمر طوووويييييييل ومستوووووووور وبمنتهى الشياكه  , وما تقولوش مين يشهد للعروسه :)

هذه الخاطره برعاية موسم أعراس ال2013  اللي افتتحته رسمياً أمس و مبروك لكل اللي تزوجوا أو مخططين يتزوجوا هذا العام و عقبال عند كل العزابيه و ما تدققوش على كلامي اللي فوق وما تاخدوش فيه ارقصوا وهيّصوا زي ما بدكم واحنا عمريينا ما  شفنا والبسوا ما يحللاكم ....المهم نجوزكم ونفرح فيكم  :)" 


هذه الصوره مسروقه من تدوينة "المستوره كيت" اللي موجود رابطها ضمن التدوينه رجعتلها لانه فستان عروسة امبارح بيشبه هالموديل كتير .
و دامت الافراح حليفة دياركم العامره. 

هناك 32 تعليقًا:

  1. في دعوه وصلتنا اليوم لعرس يوم الجمعه الجاي...قلبي بيقوللي اني حأكتب عنه برضو ...الله يستر :)

    ردحذف
  2. الله يديم مواسم الافراح و تضلك تكتبيلنا كل يوم كمان :)

    عرسين انعزمنا عليهم قدرت اتهرب منهم لهلا مع اني حابه اروح كنوع من التغيير
    الله يسامحهم البنات قد ما بزيدوها باللبس حد الابتذال معك حق :$

    ردحذف
    الردود
    1. ناني :)
      انا ما بخلي عرس يعتب عليّ :) اذا ما كان في مانع ....انسي لو ما شفنا العرسان بيكفي القعده والنميمه الجانبيه ما بتتفوت ههههههههه

      حذف
  3. ana b2ool balash minha el a3ras kollha

    ردحذف
    الردود
    1. ليش يا رينو ؟ خلينا نتسلى بالعرسان هههههههههههه
      طمنيني لقيتي فستان وللا لسه ؟

      حذف
    2. لسة بس في لمبة مضوية فوق راسي :)
      تسلوا تسلوا وانا بعاني مع الكعب :(

      حذف
    3. :)هههههههه الغوى بيهدّ القوى :هيك ستي الله يرحمها كانت تقول .
      رح ابعتلك صورة عروس امبارح عالفيس ...والله ينور عليكِ يا رب ....وح تطلعي بتجنني شو ما لبستي ....القالب غالب يا بطه.

      حذف
  4. منطق برضه أروح أفراح ليه طالما بهنيهم على الفيس وبروح أزورهم بعد كده :)
    وضيفي على ده اني ممكن اكون مع العروسة عند الكوافير كمان

    عقبالك ياقمر

    ردحذف
    الردود
    1. عزيزتي موناليزا
      انتي عارفه التهاني بتشتمر اسبوع بعد الفرح ...كل ما حد من العيله نزل صورته في الفرح بنرجع نبارك ونهني :)

      عقبال عند ولادي يا حبيبتي :P

      حذف
  5. هههههههههههههههه
    إنتي نكشة
    هههههههههههههه
    بالله تكتبي عن رقصة السلو هههههههه

    ردحذف
    الردود
    1. الخير جاي عالطريق لا تخافي...جعبالي اعمل سلسلة اعراس على نمط سلسلة عرسان اللي كانوا البنات يكتبوها...لانه كل عرس في نكشات ونهفات متميزه
      عقبال ما تفرحي بالبات ان شاء الله .

      حذف
  6. انها الناسبة الوحيدة يا نيسان التى يشعر فيها العروسين بالسعادة وبعدها يدخل الهم فى الحياة لماذا لا يستغلها الاهل والخلان بالحضور والحبور
    ومبوك على الافتتاح الجديد
    الفاروق

    ردحذف
    الردود
    1. الفاروق العزيز
      والله نحنا بنحب نفرح معاهم وبيهم كمان لكن هم ما بيخلوش مجال لحدا....يعني اذا بدهم يضلوا يرقصوا من اول العرس لاخره المعازيم ايش لزومهم بهاي الحاله ؟؟؟
      الله يبارك فيك وسلامي للآل فاروق كلهم؟

      حذف
  7. " كلهم على بعض يا دوب لابسين مترين قماش "
    هاهاهاهاهاهاها تشبيه قوي صراحة

    والله انا بحس انه التقاليد اللي بالاعراس كلها منسوخة من اول واحد عمل هيك , وصارت سنّة متبّعة ويا وييييلك اذا ما عملت هيك

    ردحذف
    الردود
    1. ابو زينه حطيت ايدك على الوجع ....التقليد المتبع بكل الاعراس صار ممل زياده عن اللزوم بس هو مش اجباري ...العروسين بيقدروا يغيروا اذا بدهم .

      حذف
  8. طب كان أخرتي النق ع العرس عبيل ما بق بوقه والتكتور يتجوزو؟؟
    هيك مارح يعزمونا
    خوذيها مني :(

    ردحذف
    الردود
    1. ههههههههههه والله شكلهم حيبطلوا يعزمونا ...ما قدرتش اصبر الصراحه :)
      يا ستي اذا ما عزمونا بنروح سلبطه :)
      او بنتخيل العرس وبنكتبلهم اكيد صار معكم هيك وهيك :P

      حذف
  9. هههههههههههههههههههههههههه
    فكرتينى بيوم فرحى
    انا مش بعرف ارقص
    بس الرقص اجبارى
    الشىء العجيب ان الواحد بيقعد يختار فى الكوشة ساعة
    ربنا يديم الافراح
    و يفرحك باختك
    و اكفى القدرة على فمها
    تطلع نيسان لاختها
    عقبال ولادك

    تحياتى

    ردحذف
    الردود
    1. :)
      ههههههههههه معك حق والكوشه و زينتها بتكلف الشيء الفلاني كمان !

      المصيبه ان اغلبنا ما بيقدر يتملص من موضوع الفرح التقليدي ده مهما حاول واللي كنا نضحك عليهم بييجي يوم ويضحكوا علينا ههههههههههههههه

      تسلم يا ابراهيم كلك زوء .

      حذف
  10. ألف مبروووك للعروسين و لذويهم وللمعازيم ولنيساان
    وعقبال عند محمد يارب

    بس يعني ملحوظة على جنب
    يعني كلمة بيني وبينك وما تسمعيها لحد
    " أنتِ مو تزوجتِ ..واعملتي فرحك على كيفك؟؟
    شو بدك بأفراح العالم هاي لابسة نص متر وهاي نص شبر
    وهاي رقصت و هاي على الكوشة ما قعدت ؟؟""

    نيساااانو بجد مشتقاااااااااالك كتيررررر
    حاسة كأني كنت بقفص و هربت منه وهلا بلشت طيراان
    أو رفرفاتي كانت بمدونتك

    في انتظار تقرير فرح الجمعة





    ردحذف
    الردود
    1. اهلا اهلا بزينه حصتي الغاليه

      انا تزوجت :اينعم!
      عملت عرس: اينعمين
      على كيفي؟ لا والف لا !!
      اصلا انا كنت بحاول اتهرب من موضوع عرس الصالات وطرحت فكرة حفلة بيتيه زي حفلة الخطبه وفلوس العرس نروح فيهم شهر عسل مرتب ...لكن تقولي اني كفرت ! ما طلع بأيدي وحياتك والعيله بدها تفرح فينا واول فرحه لاهله ومن هالكلام وصار العرس اللي بدهم اياه
      ...بس ليش الحكي كنت مبسوطه و مزقططه بالعرس ههههههههههه
      بس هلا انسم بدني لما تذكرت موضوع شهر العسل :((((

      مشتقالك كتير يا غاليه...يالله طيري ورفرفي يا عصفوره.

      حذف
    2. نسيت اقولك: عقبال ما نفرح فيكِ يا بطه :)

      حذف
  11. loooooool

    Kan lazem 23zemek 3ala 3orsi

    M3 eno kan emsh mo5talat bs fostani kan be2akmam bardo w kan shabah fostan Kate :-)

    You know what?

    On Friday I and my sister attended an engagement party, and we both were thinking: what's the point of all this loud songs and dancing?

    Specially what we call the 'Arabic Dancing' paragraph... the belly dancing thing... ya3ni walla it's a show business! 2eh! lol

    It feels like a stupid ritual hehehe

    I was telling my sister, when I have kids, I will not have 'wedding parties' for them... I will only have receptions, with no songs and no dancing...

    And a BIG YES for the weddings series :-D

    Kind Regards,

    Swan Lake

    ردحذف
    الردود
    1. اهلا سوان العزيزه
      الف تحيه وسلام لسوان المستوره :) برافو عليكِ

      يختي عرس بلا غنا ورقص ما بيزبط ...اذا هما حابين يرقصوا ويفرحوا العرس عرسهم و هم يعملوا اللي بيفرحهم بس ما يتحول العرس ل show وstupid ritual زي ما قلتي .
      كل شي بالعقل حلو وخير الامور الوسط...

      عندي تدوينات قديمه عن الاعراس رح احاول ارجع انشرها من جديد واكمل عليها و ان شاء الله بتصير سلسله .
      تسلميلي يا رب.

      حذف
  12. :) العرايس صاروا يتستروا بفساتين العرس لأن الموضه "هيك صارت" :)

    مبروك للعرسان والله يستر عالمواهب اللي ما بتطلع إلا بالأفراح :)

    ردحذف
    الردود
    1. Meh!

      Ana lbest fostan bekomm 2bel ma tseer el mooda heek w 2abel 7atta el mastoura Kate ma telbest fostanha!

      Aslatan Kate 2alladatni :-p

      Swan Lake

      حذف
    2. والله يا اسيل لساتهم ...انا كتبت عن المستوره كيت قبل سنتين وقلت يا ريت العرايس يقلدوها بفستانها ومكياجها البسيط بس من وقتها لهلا حضرت $$$ ابصر كم عرس وكلهم بدون استثناء فساتين strapless ! والواحد يقول ضميره كل اللي في السوق هيك والعروس اللي بدها تتستر بتتعب كتير حتى تلاقي طلبها.

      طبعا الا في الحفلات المختلطه الكل مستر وما شاء الله عنهم عشان هيك صرت احب المختلط اكتر!

      سوان ...كمان برافو :)

      حذف
  13. "أنتِ مو تزوجتِ ..واعملتي فرحك على كيفك؟؟
    شو بدك بأفراح العالم هاي لابسة نص متر وهاي نص شبر
    وهاي رقصت و هاي على الكوشة ما قعدت ؟؟"

    بالمناسبة: أنا ما اسمعت كلمة زينة إللي حكتها بينك و بينها، بس هاي مصادفة "مقصودة" و مجرد "قص-لصق" من تعليقها ;-)

    ردحذف
    الردود
    1. اهلا وسهلا صالح باشا
      منورنا :)
      اول شي عقبال ما تفرح باولادك :)
      تاني شي بما انك متوافق مع زينه فـ
      (( انا تزوجت :اينعم!
      عملت عرس: اينعمين
      على كيفي؟ لا والف لا !!
      اصلا انا كنت بحاول اتهرب من موضوع عرس الصالات وطرحت فكرة حفلة بيتيه زي حفلة الخطبه وفلوس العرس نروح فيهم شهر عسل مرتب ...لكن تقول اني كفرت ! ما طلع بأيدي وحياتك والعيله بدها تفرح فينا واول فرحه لاهله ومن هالكلام وصار العرس اللي بدهم اياه
      ...بس ليش الحكي كنت مبسوطه و مزقططه بالعرس ههههههههههه
      بس هلا انسم بدني لما تذكرت موضوع شهر العسل :((((

      :)
      peace ya man...وما تبقاش تطول الغيبه كتير

      حذف
  14. موسم الأعراس عنا رح نفتتحوا يوم الجمعة، والله بيني وبينك ماكين هم لأنه الوضع بالزبط زي ما كتبتي يا نيسان!!
    وبصراحة كبرت عروستكم بعيني كتير الله يكتر من أمثالها ويهدي صحباتها!

    وأحلى مقطع صور الفيسبوك :) هاهاهاها...

    يلا مبارك ما عملتو وعقبال ولادك والله يبعتلك كناين بفساتين مسترة وكم :))

    ردحذف
    الردود
    1. اهلا روان
      عقبالك يا اموره يا مستوره :)...نفرح فيكِ يا رب .
      ان شاء الله يا رب ...بصراحه انا ما رح اتدخل"اذا قدرت امسك حالي" ههههههههه كل واحد يعمل اللي بيريحه ...بس رح انتقد على كيفي ما حد الو عندي :))

      حذف
  15. بسم الله الرحمن الرحيم .. لا اله الا الله
    Umzug - Umzug wien

    ردحذف