الاثنين، يناير 21، 2013

مسلسل تركي ...اكله تركيه



بما أن السياسه التركيه دخلت في شؤوننا وعادت تركيا "لتغزل ناعم" مع العرب وتحسن علاقاتها معهم .
وبما أن البضائع التركيه احتلت اسواقنا وصارت هي النخب الاول في الاسواق فالبائع يحلف بأن بضاعته تركيه "يعني  من اجود الاصناف" واصبحت بضائعهم  تنافس البضائع الايطاليه والاسبانيه والفرنسيه.
و بما أنه المسلسلات التركيه غزت بيوتنا ,و أصبحت هي مجمّعة العائله ومدار الاحاديث و أصبح ابطالها هم فرسان احلام فتياتنا وبطلاتها هن المثل الاعلى في الجمال والاناقه ,فصار العرسان يبحثون عن عروس بمواصفات "لميس" والفتيات يحلمن بعريس مثل "مهنّد"
 و أصبح "كريم" هو مثلنا الاعلى في الشهامه والرجوله ,
وشجاعة "أسمر" وقوّته تفوقت على شجاعة عنتره العبسي وفاقت سيرة أبي زيد الهلالي شهرةً !
وبما أن الحجاب الرائج بين المحجبات هذه الايام هو موديل الحجاب التركي:



لذلك كله لا مانع ان أتناول سيرة أشهر المأكولات التركيه هنا :
1-الشاورما 
شاورما الدجاج
شاورما اللحم
أظن أنها أشهر أكله انتشرت في بلادنا ومع أني لست من المغرمين بها إلا أني أتناولها لأجل خاطر أبنائي اللذين يعشقونها ولا يمانعون من أكلها يومياً لو فتحت لهم المجال لذلك .



2-شيش كباب أو شيش طاووق
معنى ال"الشيش "في اللغه التركيه هو السيخ لذلك الشيش كباب هو اللحم المفروم والمشوي على السيخ وشيش-طاووق هو الدجاج المشوي على السيخ:)



3-شيشبرك
 معنى كلمة برك بالتركي : عجين وشيش هو سيخ الشوي لان الاكله الاصليه تحشى بقطع اللحم الصغيره المشوي على الفحم...ومن ثم تطبخ قطع العجين المحشوه باللحم في اللبن الرايب 
صحن الشيشبرك هذا كمان لأم عمر ....هي طلبته اليوم الصبح فما حد يأكل منه لو سمحتوا  والا فليتلقى عقابه منها شخصياً .

يكفي هذا الكم من المأكولات التركيه اليوم ....وصحتين وعافيه على قلوبكم ومتابعه سعيده لمسلسلاتهم أتمناها لكم :)

هناك 52 تعليقًا:

  1. الشاورما أصولها تركيه؟؟

    أنا أبتابعش أي مسلسل ولا فاهمه مين سمير من ألأسماءات

    كل اللي هاممني صحن الشوشبرك بتاعي :dream:
    إييييييييييييه وين أيامه هالصحن وين

    ردحذف
    الردود
    1. الشيشبرك مش تركي المنشأ! أرمني و الدليل في تدوينة قادمة (خذلك الكذب) + صحن واحد! مش خايفة على روحك مثلًا!
      ----
      اللحوم و مشتقاتها = برضه مش تركية المولد .. هاي من بلاد الداغستان بس الأتراك المناحيس شاطرين بالماركيتنغ و كزا
      ---------

      بصراحة لميس و مهند بعرفهم بس و الله إني ما انا متذكر شكل لميس (هسا براجع معلوماتي.. يخليلنا جوجل-الصور) أما مهند فمن كثر الغيرة فمش ممكن أنسى سحنته (مش طلع من إياهم صحيح و عايش مع (صاحبه)؟ )

      أما الباقي فولا عندي خبر عنهم
      --------
      الشاورما = مش ممكن آكلها من بعد أيام الجامعة و دخولي لعالم الطبخ السري الخاص بها.. خليني ساكت بلاش عاشقيها (الكثر) يزعلوا! بس راح أهني العشاق على أمعائهم الحديدية (دق على الخل.. قصدي الخشب)
      -------
      "لذلك كله لا مانع ان أتناول سيرة أشهر المأكولات" أنا مش متطمن -أبدًا- لهالسطر، ابدًا إتلاقن البتة ... خطييييير!

      حذف
    2. بتصدق فكرت الرد لمى أجا نوتفكشن لنيسانة؟؟
      وطلعت مغلبن حالك وإمبند الردود إلي

      يا حصرتي عليك,, الله يرحمك شو كنت أكوس ناس :(

      حذف
    3. لا حصرة و لا بطيخ

      و عرأي كيالة

      sharing is caring
      انا آي شاير
      feelings
      ما بخلي بنفسي

      حذف
    4. إسمها يوو ضولغاص يالبعيد :)

      حذف
    5. بالنسبه للمسلسلات فالمسلسل التركي الوحيد اللي تابعته من اوله لآخره هو سنوات الضياع تبع يحيى ولميس بعديها بلش نور ومهند وبصراحه قلبي الصغير ما قدر يحتمل كمية الرومانسيه والعرط فتركته ومن يومها ما تابعت اي شي تركي بس الاسماء التانيه عرفت قصصها من العيله والصاحبات ! مش بقولكم صاروا اشهر من ابو زيد الهلالي وسيرتهم في كل بيت!


      اما بالنسبه لاصول الاكلات سيد هيثم ...ايش رأيك اكتبلك عن "الجلنش"؟؟؟ وتاخذ راحتك بالتفنيد :)

      وكنت ناويه اجيب سيرة الشاورما بالعاطل وايش اللي بنسمعه عن اللي بيصير ما وراء الكواليس , بس قصرت الشر :(

      حذف
    6. أنا محروم من الجلنش
      أتزيديها على العبد الفقير المتغرب
      إبليز

      حذف
    7. يا حرووووم :(
      عموما ما عمري ذقتها بس خلود بتمدح فيها كتير فقلت اغيظك شوي بسيرتها .

      حذف
    8. أه نيسانتي حبيبت عمري إنتي
      أكتبي عن الجلنش متل ما أنا كتبت عن الكاز والحليب
      وخلينا نتثقف كمان مره :)

      حذف
  2. مش المهم طريقة لف الحجاب التركي
    و لكن المهم كمان لبس المحجات التركيات
    لانه لبسهم جد محترم عبارة عن بنطلون و جاكيت طويل ساتر
    حجابهم عملي و حلو بصراحة :)

    بالنسبة للأكل التركي و بما اني الله اكرمني الصيف الماضي و رحت تركيا فحدث عن الاكل التركي و لا حرج ×_× ما ازكاه يا خرابي شو اكلت هناك كانت سفرة للكل من للفسح رجعت عندي تخمه من الاكل
    D:

    ردحذف
    الردود
    1. أنا ليونس
      و رحت تركيا

      و شو انبسطت

      و شو واد وزني هناك (3.55598965806580568055086506805685050658058058606850 غرام)

      بس الحمد لله الحمد لله الحمد لله خلصت منهم بصعوبة

      --------
      خلص فهمنا!

      ههههههههههههه

      حذف
    2. هههههههههههههه
      خف عالمخلوقه ما صدقنا وهي ترجع تكتب ....بعدين شو دخلك انت بقصص البنات واوزانهم ؟!

      ليو ....احكي ولا يهمك وبالتفصيل الممل وعقبال عندنا يا رب اول شي اروح على تركيا وتانيا اخف :))

      حذف
    3. يختي غيران وئلود وشكله بده يطرقها عين للمسكينة

      حذف
    4. أصلاطن بطلت ألعب معك :(
      أصلاطن انت بس غيران مني :(

      و خلص اعلنت الحرب عليك

      حذف
    5. ما أحسنك يا ليووووووووووووو
      حوبك أنا <3

      حذف
    6. و لاااااااااااااااااا بتقلوا بيضة معي

      حذف
  3. تبا..
    وأنا كمان أعشق الشيشرك :)
    أم عمر ترى (sharing is caring)

    ردحذف
    الردود
    1. إنتي نفر شوف
      أنا نفر أوكل
      :)

      حذف
    2. كيكي صحتين :)
      ترى مش كتير بحبه وبتشائم منه بس الست عدوله ورطتني فيه ...خلص حروم استشيرها ايش بدي اطبخ اليوم :)

      حذف
    3. يحرامك ,, الششبرك أنا بحبوه وصارلي أكتر من سنه وشوي ما أكلته

      لوما إمي الله يخليها متدبسه بورشات البنا والتبليط صدقيني إلا دبستها فيها

      أه إستني,, حماتي فاظيه
      نيهاهاهاهاهاهااااها,,

      حذف
    4. greedy! risking a meal from 7amaty bas l mohim akel!

      حذف
  4. انا بحب الشيش طاوووق وكمان شاورما الفراخ اصل انا ماليش ف اللحم اصلا
    بس شيش برك ده نفسي اجربه ههههه
    جميل المعلومات بجد يا نيسانة

    ردحذف
    الردود
    1. نصيحه بلاش تجربي الشيشبرك وما يعجبك وتدعي علي بعدين هههههههههههههه
      انا بحب الشيش طاووق كتير كمان ....أما اللحم فحسب مرات بحبه ومرات لا :)

      حذف
  5. أختي وجارتي ونيسانة المدونين ..
    تمنيت لو أنك فصلتِ لنا كيف تصنع كل واحدة من هذه المأكولات الشهية ..
    تحيتي الطيبة لك ..

    ردحذف
    الردود
    1. اخي محمد
      والله تفصيلاتهم بتغلب اكتر من تحضيرهم على الواقع فاكتفيت بسردهم والباقي عليكم :)

      حذف
  6. لفيلي من كل صنف شوي من الموجودين فوق هدول والفاتورة على هيثم، بعدين نيسان بكفي تسرقي صور طبخات من جوجل وتحطيهم في المدونة، والله لو واحد غريب مر بفكر انك انتي عاملتيهم
    :)

    ردحذف
    الردود
    1. أيوا يا نادر

      إديلو

      و الفاتورة عليّ ما دام الطخ هيك

      حذف
    2. بس الغريب إنو ما فيه أي اعتراضات على صور النسوان ..!

      حذف
    3. هههههههههه
      مهو لما اعمل هيك اكلات ما بلحق اصورهم ...بيطيروا عالسريع :)
      وايش مفكرني يعني ؟مطعم السروات؟

      حذف
  7. الفاتورة عليكم والطخ علينا بس ازا زعلت ام عمر أنا مش مسؤول (بجلس وبعطي لمعة)

    ردحذف
  8. بدي شاااااورما :(
    شيشبرك مره وحده دقته زمااااان ومش متزكره حبيته ويلا لا :$
    مميتي ما بتحبه فاااا ما بنعمل بالبيت :)

    التركي ما الي فيه ولافيﻕقصصه بس مرة عمي اجت نامت عنا كم ليله خلتنا انتابع واحد خاوا :$ وطلع حلو و هي روحت و صرنا نحضره انا و مميتي :)

    ردحذف
    الردود
    1. ,الشيشبرك عملته مره او مرتين وكل مره تدق خناقه للسما في البيت وتشائمت منه :(
      بس هو طيب ...ماشي حاله.
      اما التركي فبطلت اتابعه من زمان لكن بسمع قصص المسلسلات من هون وهناك وكاني حاضرتهم واكتر :)

      حذف
  9. بعدين اشكمعنا ام عمر :( ما انا حكيتلك بحب التشيز كيك و ولاااا عبرتيني ابااااااه :(

    ويلا لاني ملاك يمشي عالارض بتعملي هيك

    ردحذف
    الردود
    1. لا حول و لا قوة إلا بك يا ذا الجلال و الإكرام

      في ناس عايشة أي مش بفقاعة
      عايشة بمجرة ثانية تمامًا!

      (ملاك بمشي ...) ! "مسبات و غمغمات..."

      حذف
    2. يا ملاكي :P
      بدك تشيز كيك افتراضي وللا حقيقي ؟ ايوااا حددي موقفك , يا ابيض يا اسود ؟ :)

      حذف
    3. غيره وحقد طبقي هاد إسمه :k:

      حذف
  10. نيسان هانم

    أنا شايف إنك دخلتي في موضوع عصيب جداً، مين قال إنه هاي الأكلات تركية، هو صحيح ممكن يكون إلها أصل تركي، لكن بننسى إنه فيه حضارات ثانية عندهم أكلات متشابهة!

    الحقيقة إني مش فاهم أسماء هاي الأكلات شو أصلها، هو صحيح إنه الأسماء تركية لكن ما إلها علاقة بمسميات الأتراك لنفس الأكلة (أو الأكلة المشابهة لها)، خذي عندك:

    الأتراك عندهم أكلة بتشبه الشيش برك، و صحيح إنه الكلمات تركية كما اسلفت نيسان هانم (و لو إني بأختلف معها بإنه كلمة "برك" شكلها جاية من كلمة "بُوريك" و هي أكلة تركية تُعمل من رقائق العجين و ليس العجين نفسه) لكن الأتراك لا يُطلقون ذات الاسم على أكلتهم و لكن يستخدمون اسم "مانتي".
    http://en.wikipedia.org/wiki/Manti_%28dumpling%29

    و يطلق الأتراك كلمة الشيش كباب على ما نسميه نحن "الشقف" (ما باعرف إذا كانت عندكم إلها اسما ثاني لأنه العراقيين يطلقون عليها "تكا" على ما أظن)، أما الكباب المعروف عندنا فيسميه الأتراك "كُفتة"! و بالفعل كلمة "شيش" تعني "سيخ" أما الكلمة التركية "كباب" فتعني "شواء" فتصبح الكلمتان معاً تعنيان "السيخ المشوي"! أما "شيش طاووق" فهذا الإسم بحسب ما قرأت ابتكره السائحون الأجانب لسهولة النطق لأن الأتراك يستخدمون "طاووق شيش كباب" لنفس الأكلة!
    http://mukomutfakta.blogcu.com/tavuk-sis-kebap/7505161

    أما الشورما فتحتاج إلى مقالة طويلة لشرح ما فيها من تعقيد! الأكلة القريبة منها عند الأتراك يسمونها "دُونَر" (و تعني الشيء الذي يدور)، أما كلمة "شاورما" فيبدو أنها تحريف للكلمة التركية "تشڤيرما" و تعني الشيء الذي يُقلَّب، و لكنهم يُطلقون هذا الاسم على الدجاج أو الخروف الذي يُشوى بكامله (يعني مثل شوايات الدجاج عندنا)!
    http://en.wikipedia.org/wiki/Doner_kebab
    http://en.wikipedia.org/wiki/Shawarma
    http://blog.milliyet.com.tr/kuzu-cevirme--sirik-kebabi----bacanak-kuzu-cevirme--/Blog/?BlogNo=258636


    النتيجة: الله أعلم مين أثر ع مين و مين اخترع شو، المهم أنا جعان و بدي آكل!

    ردحذف
    الردود
    1. يا عيني يا صالح باشا ..
      موسوعة بكل شي ما شاء الله :)

      متى بدك تعزمنا قلتيلّي المهم؟

      :))
      ------------
      عنا اكلة اسمها منتيش = عجين + لحمة ... تلاقح الطبخات مستمر و النتيجة إنو الفجع = عالمي المحيّا :)
      ----------
      الشورما ما فيها تعقيد سيدنا.. زي كل شي و أوزد = لا تاكل من برا و اعملها بالبيت + اعزم إم عمر عليها (اللي من برا) و لا تعطيها أي كعك اللهم صور لذيذة من شغل البيت اللي حيكون بعد الشاورما البيتية .. و سلامتكو و صحتييييييييييييين و عافية (إيه عأيام التلفزيون الأردني برمضان!)

      حذف
    2. صالح افندي
      تحليل وبالادله الويكابيديه كمان!
      أشكيك ل مهنّد ويحيى وكريم:)

      يا سيدي أكيد هالاكلات موجوده في ثقافات تانيه وعند شعوب غير الاتراك لكن حنا وصلتنا منهم فليش نوجع راسنا ونقعد نبحبش من وين جابوها...خلينا مبسوطين وناكل ونحن ساكتين احسن لنا:)
      وبصراحه لما قرات تعليقك حمدت ربي اني ما توسعت اكتر ...لسه كنت ناويه اكتب عن الدندرمه والبرغل والسلطات ...الله سترني هههههههههههههه

      حذف
    3. هيثم
      شاورما بيتيه = عيد قومي في بيتنا
      وبتطلع ازكى من اللي من السوق لكن شو تقول باللي تعوّدت معدته على الجراثيم وما بتتحسن صحته الا عليها :((

      حذف
    4. الحق على التلفزيون أنا بقول + الفيسبوك أكيد إلو دور!
      ---------
      منكن لله، يا رب يخلص المقدوس من عندكو و الزعتر المفضل ينقطع لإشعار آخر!

      و ما تلاقو بصل بالسوق إلا التركي نخب عاشر

      يا قادر يا كريم (الرابط العجيب = ؟)

      و كمان يسقط حكم الإم عمر (على البيعة هاي)

      حذف
    5. عمو صال صال,, زمان عن مداخلاتك هاي :)

      -------

      نيسانه,, بالزبط الشاورما البيتيه زااااااااااااااااكية وعرس شعبي وعرس ديكتاتوري كمان
      ههههههههه

      --------------

      هيشم
      يارب أنس يبعزك بنص عينك ماتعرف إتفتحها يجي أسبوعين وهيه إترمش لا فاتحة ولا إمسكرة
      وهــه تنشوفك بعدها

      حذف
    6. yaaaaaaaaaaaaaaah!

      mosh 6abee3y hal da3weh!

      *see u in court*
      I have witnesses

      حذف
  11. بالعكس التلفزيون علمنا كتير ...انسى اللي تعلمناه من المسلسلات التركيه ...بيكفي قناة فتافيت :)

    افهم انك مشتاق للمقدوس والزعتر...دور بالحارات اللي حواليك الا تلاقي محل تركي ببيعهم :) نحنا اكتشفنا واحد بتولوز عنده كل شي من ورق الدوالي للحلاوه للمقدوس والزعتر ...وصحتين مقدماً

    بكره بتندم على البيعه هاي وابقى قابلني :)

    ردحذف
    الردود
    1. أهو كلها موتة!
      ههههههههه
      ----
      بدك الصراحة يا نيسان كل شي موجود هون ! ما شاء الله إحنا العربان شاطرين يالحفاظ على لياقتنا الغذائية بس بصراحة أكثر أنا معنّد و مش راضي آكل إشي من هون! عناد و هبل بعيد عنك و قريب من ... + ... (العناد مو الهبل بالمناسبة)
      السوق العربي هون = هات لحق!
      ----------

      أفهم من هيك إنو سيء الذكر خالو فيس بوك هو السبب الأوحد؟

      حذف
    2. قصدك الفيسبوك ملهينا وبطلنا نطبخ من وراه ؟
      بالنسبه لي لا ...مش مغرمه في لهالدرجه بس هو اسرع واسهل
      بس مرات لما بزهق من الطبخ والجلي بتكون الشاروما السوقيه هي مخلّصي من العذاب "برغم كل بلاويها" التأمين الصحي موجود وبيغطي نتائج البلاوي هههههههههههههه
      وبلالك العناد ...قعدتكوا مطوّله ...توكل على الله :)

      حذف
    3. معناش تأمين!
      :)

      أهو كلو برتقال بنهاية المطاف ، خلص.. حبتين شجاعة و كلو بيصير تمام
      -------

      حذف
  12. شكراً للمعلومات القيّمة, معلومات جديدة بالنسبة لي :)

    ردحذف