الثلاثاء، سبتمبر 13، 2011

عزيزي...



عزيزي ,,,
لا تظن ان وسامتك تغريني...
أو نوع الاغاني التي تسمعها يستهويني...
ولاتعتقد ان سيارتك الرياضيه تبهرني ...
و لا تصدق ان حركاتك البهلوانيه في القياده شطاره....

فمهما كان "ستايلك" أنيقاً
ومهما كان مظهرك وسيماً
ومهما كان موديل سيارتك حديثاً

 فلن أعبّرك وأنت تأخذ مكاني على الاشارات...
 و لن أنظر اليك بأعجاب وانت طاير...
وبالتأكيد....
 لن احترمك الا اذا احترمت نفسك واحترمت حقي و حق الاخرين في الشوارع
.......



هناك 41 تعليقًا:

  1. جميلة تلك المعانى
    و انا سأخذها من الجانبان
    الجانب الرمزى و الجانب الواقعى

    لكن السلوك هو من يجبر الاخرين على احترامك لا المظهر

    تحياتى لفكرك

    ردحذف
  2. أسف على الخطأ النحوى الجانبين

    تحياتى

    ردحذف
  3. ابراهيم
    يسعد صباحك

    لا زال بعض الناس يعتقدون ان هذه المظاهر هي من تجعلهم محترمين ومهابين ....
    لذلك صنفت هذه التدوينه تحت تسمية "تخلف "
    وهي سلوكيات متعدده لا تدل الا على مقدار التخلف الذي لا نزال نعاني منه بالرغم من تطورنا الواضح بالشكل والمظهر...

    سعيده انك عممت الحاله ....وهو المقصود...

    ردحذف
  4. اذا كان هادا الشب بالذات على الاشارة بكون النا حكي تاني :)
    صباحك سكر

    ردحذف
  5. noor
    :))
    صدقيني ...
    موقفين تلاته من هالنوعيه ومش ح تطيقي تطلعي بخلقته .

    ضحكتيني .....خلص ببعتلك اياه لما يطلعلي مره تانيه:)

    ردحذف
  6. البني أدميين الوحيدين اللي ممكن أسمحلهم يتجاوز عني:

    ختيار’ ختياره
    ابوي
    إمي
    اخوي
    حدن شكله معاه حاله طارئه
    سياره إسعاف
    سياره شرطه
    سياره موستانج شيلبيه
    سياره فورد موستانج


    اما تحكيلي شب متكت,,
    أو بنت مانيكان
    ف إنسسسسسسسسسسسييييي

    لووول,, برعف بتكرهيني,, تعودت

    ردحذف
  7. فيكِ الخير ست ام عمر...عرفت كل اللي بالليسته الا "الشيلبيه"!!!مين الاخت؟

    ولو ما بدي توصايه ...بكرهك من هون للصين على رأي صاحبتك :))

    ردحذف
  8. هاااااااااااااي :dream:


    http://www.t63ys.com/pictures/pictures01/pictures-street-racing/grraf/31-07-2009/mustang-gt500-02.jpg

    ردحذف
  9. غاليتي سوسو
    والله معك حق
    فقلة هم من يحترمون حقوق الاخرين في السواقة

    السواقة هالايام اصبحت كمن في حرب
    ويا قاتل يا مقتول
    واحيانا تجدي بعض الاشخاص يتصرفون
    وكأن الشارع ملكية خاصة لهم
    فان حاولتي تجاوزهم خصوصا اذا كان الاخر دكر
    وصاحب المحاولة انثى دبت فيهم
    الحمية والنخوة والشهامة العربية
    ومستعد ان يحرق سيارته ولا يسمح لك بتجاوزه
    تعرفي لانه هذا الامر
    يؤثر على كرامته ورجولته

    كوني بخير دوما

    ردحذف
  10. لما اشتري سيارة وعليك خير ان شاء الله في القريب العاجل !! بافكر راح اسمح لهم بتجاوزي ولا لأ ؟؟!!

    بس ع فكرة في كثير من هالنوعية في مجتمعاتنا العربية وخاصة لما يكون ابوه شخص مسؤول في البلد .. بيفكر حاله ما حدا طايله .. وكأنه البلد بلد ابوه ..

    ردحذف
  11. نيسان تعالي هون على غزة وشوفي السواقة على أصولها
    السواق هون يصنف في مرتبة المحترفين من شدة ضيق الشوارع وزحمة المرور... ويُصنف كمان في مرتبة الي روحهم في مناخيرهم....

    نحنا معاناتنا أكبر وأكثر مع المستجلات " الدرجات النارية " ألي سرعتها 300 فما فوق كم في الساعة وعددها الان أكثر من عدد السكان انفسهم وحوادثها أفظع من السيارات بألف مرة _ عدد ضحايا المستجلات في شهر من شهور سنة 2010 سبع حالات موت في الشهر غير الاعاقات والعاهات_ وربنا يستر

    بالنسبة للشب الي هون بيحقله..
    على قلبنا متل العسل..هههههه
    انا راح بركن يمين وبفضيله الطريق
    ....(*__^)

    ردحذف
  12. تحيا المظاهر
    :)

    التوقيع:
    شب من إياهم

    خخخخخخخخخخخخ

    *يا رب يزبط التعليق!

    ردحذف
  13. هو اصلا بعمل هاي الحركات مشان يلفت النظر .. عقدة نقص بعيد عنك

    ردحذف
  14. Naysan, no one can say anything about driving until you try to drive in Lebanon!! After driving there, I find driving in Amman just like driving here in the States...easy and organized...lol
    @ Umm Omar; I am so in love with this car:)

    ردحذف
  15. السلام عليكم
    جميل ان نسوق معان بهذا الاسلوب الشيق الذى يجذبنا الى قراءة اطروحاتك
    دومتى متميزة

    ردحذف
  16. نيسانة

    مساء الخير

    يعني انا مرقتلك صورتي وانا شباب وقلتلك ما تنشريها.........ليش نشرتيها مع هالموضوع

    يالله هيّك سمعتيني حكي.....
    واحلى حكي

    هههههههههههه

    شو بدك احكيلك معاهم حق
    انا مش شايف الصورة مساعدة للموضوع
    على العكس تماما
    يعني لو حطتي سيارة سبور حلوة حمراء اللون ومن جوة جلد ابيض وكشف واللي فاتحة الباب أمورة
    مش كل الشباب كان قالولك
    بنمرقها
    وبنمرق ابوها كمان

    مساء الفل

    ردحذف
  17. أنا مبحبش أعدي حد بالذات لو شايف نفسه و لو عداني بجري وراه و أجيبه :)
    متهوره:))
    بس كمان إحنا بنات حلوين و شيك و هما أكيد اللي لازم يبقى عندهم ذوق:)

    ردحذف
  18. نيسانة التدوين

    مساء الخير أو بالأصح صباح الخير :)

    بعيدا عن المظاهر الكاذبة التي أصبح المجتمع مصابا بتخمة من كثرة التشبث بها ... فتدوينتك بالفعل أثارت شجوني في ظاهرة بدأت ألاحظها مؤخرا ... ألا وهي عدم مراعاة مشاعر الآخرين في أي أمر من الأمور وكأن الدنيا مسخرة لهؤلاء الأشخاص وحدهم فلا يلقون بالا إذا أدت تصرفاتهم إلى أي نوع من أنواع الأذية للآخرين وهذه الصور يمكن بكل بساطة ملاحظتها في الطرقات ، في وسائط النقل العام ، في الدوائر الحكومية أو الخاصة ، في المدارس ، في الجامعات ، ... الخ

    أفكارك وملاحظاتك في أية تدوينة تكتبينها وأسلوب صياغتك لها دوما تدل على مدى رقي ونضج قلمك الذي لطالما يشدني في أية نقطة حبر يقطرها على الورق أو بمعنى أصح على الورق الالكتروني :)

    لك مني كل الود

    ردحذف
  19. عدوله ...يا رب يتحقق الحلم...بس بتديري بالك عليها ...
    مش الاقي صورتها تاني يوم عالفيسبوك ...هي والحيط :))

    ردحذف
  20. حبيبتي امل
    اضفتي نقطه مهمه كانت غايبه عن بالي...
    سبحان الله على النخوه والحميه والكرامه اللي ما بتبان الا بهيك مواقف...
    الحمدلله اني مش مضطره اسوق الا قليلا ...ذكرتيني في هذه النوعيه ...اللي اذا بتعطيه ضوء عالي عشان يمرقك بيفكرك بتعاكسيه او اذا اعطيتيه زامور بيفكرك بتسبي عليه وبيبلش حكي طالع نازل ...
    معلش يا امول.... شوية تخلف !!!الله بيعين عليهم

    ردحذف
  21. وجع البنفسج
    ان شاء الله بتسمعينا الاخبار الطيبه عن قريب ....مباركه السياره مقدماً.
    بس حضري حالك للسواقه...
    بدك تبردي اعصابك بالفريزر قبل كل مشوار وبعد كل مشوار بدك حبتين بنادول اكسترا:)

    هدول هما اللي بحكي عنهم...بلد ابوهم...شارع ابوهم ...

    ردحذف
  22. زنزون
    :))
    انتي بتركني على جنب وبتمرقي براحتك يا بطه...وعلى اقل من مهلك ....بس انا مستعجله بيكون في وراي بالبيت هم ما يتلّم ...يعني لو جورج كلوني بحاله بدو ياخد محلي مش مستعده امرقه .....مممممممم اذا كلوني ...بفكر بالموضوع:))

    الله يحمي هالشباب من الحوادث ويعينكم على اصوات الدراجات ....ازعاج فظيع....الحمدلله لسه ما انتشروا بكثافه هون

    عقبالك يا زينه ...الاتنين سوا....السياره وصاحبها.

    ردحذف
  23. شيشاني
    الحمدلله على السلامه...
    زبط والحمدلله
    "
    من اياهم؟؟؟ لا صدقتك !
    انت مش من الفئه الضاله اياهم....لا قلبا ولا قالباً:)

    ايش اخبار باص عمان - الزرقاء؟؟
    لسه الادراج طازه ما لحقنا ننساه :))

    ردحذف
  24. هنا
    اهلا يا بطه
    ممكن يكون متل ما حكيتي....عقدة نقص ولفت للانظار...وممكن يكون قلة ذوق كمان...وممكن انانيه على مبدأ انا ومن بعدي الطوفان...على اساس انه هو شي كتير مهم واذا ما مرق بسرعه ح تخرب الدنيا وراه.

    ردحذف
  25. نيللي
    عقبالك انتي وام عمر بالسياره المطلوبه...انا لا مسامحتكم...في ببالي شي تاني!!!

    بسمع عن السواقه بلبنان انها جنونيه ...والشيشاني حكى كمان عن السواقه في السعوديه
    الحمدلله نحنا ما وصلنا لهيك مرحله ...بس الله يسترنا....
    لانه العالم سابقنا كتير ونحنا لسه بنحكي بهالاشياء اللي مفروض انها تكون بديهيه عند اقل الناس فهما وتعليما وثقافه.

    ردحذف
  26. مدونة رحلة حياة
    محمد متولي
    اهلا بك وشكرا لتشجيعك الدائم ولوجودك معنا.
    بتشرفني وبتسعدني بتعليقك كل مره.

    ردحذف
  27. أما انت يا يوسف ....
    فهذه واحده بواحده...نشرت صورتك زي ما بتنشر صورتي وانا بتمشى على شاطئ البحر مع تدويناتك السبيشل عن حواء :))

    البنت الحلوه مع السياره الحمرا مش بس بيمرقوها....وبيلحقوها كمان هههههههههه وبيعملوا جهدهم انها ما تطير منهم...

    ردحذف
  28. شيرين
    لو قلتلك ...مش ح تصدقي!
    انا بعدي الكل لما اكون مش مستعجله ....باخد يميني وبمشي ع مهلي وبستمتع بوجودي لوحدي مع اغاني المفضله.
    لكن ما بحب حد يتعدى علي او على دوري ويقعد يوزع ابتسامات عشان اعديه....لا مش انا اللي اتنازل من اول ابتسامه :)

    ردحذف
  29. اشرف
    يسعد صباحك ومساك

    ايش هالنور اللي هل علينا مره وحده:)

    بالفعل يا اشرف...قد زادت هذه التصرفات اللي بتدل على عدم مراعاة للمشاعر وجهلنا بأبسط قواعد الذوق العام وحسن التصرف بالرغم من تعلمنا ودراستنا....وهالشي زاد عن حده وبدأ يسبب لنا ضغوطات ونحنا اصلا مش ناقصنا.
    اشرف ...شكرا لكلامك الجميل ....ولا داعي للاشاده لان افكارنا متشابهه وما يضايقنا واحد واشعر في كثير مما تكتبه بأننا على نفس تردد الموجه وانما كل منا يعبر عن ما بداخله بطريقته.

    للعلم فقط....ما عندي اي ورقه ولا دفتر حقيقي...كله هون وفقط:)
    خليك منورنا...اوعى تغيب كتير

    ردحذف
  30. نيلي,, وسيارتي حبتك كمان

    نيسانه,, لا مابدي إياها حالياً,, اوكي بتمناها بس أنا مش قد سواقتها,, بتهوي إكتير وأنا أجري سخطه ع البنزين

    أنا بحكيلك بمرقها وبعطيها الأولويه ومستعد انزل أعمل شرطي مرور حوليها كمان ,, لووول

    ردحذف
  31. بالتوفيق والسداد
    تحيتي ومودتي

    ردحذف
  32. فعلا دى الحقيقة مع الاسف يا نيسان

    ومحدش بقى بيحترم اى قانون

    بجد محتاجين ثورة على النفوس والاخلاق

    ردحذف
  33. اختي نيسان يسعد مساكي
    حمى الله الوطن ارضا وشعبا من عدونا الداخلي الذي يقبع في نفوسنا نتيجة الاستهتار والا مبالاة في حياة البشر
    حقيقة ان السرعة الزائدة والتجاوزات الخاطئه تؤدي دوما لحوادث السير المرعبة مما يتسبب في وفاة واصابة العدبد من الناس وهذا ما حصل معي قبل اسبوع ونصف ولولا لطف الله سشبحانه ورعايته لاصبحت اني ومن معي في خبر كان
    كل الحب والاحترام اختنا الغالية مع تحياتي للعئلة الكريمة

    ردحذف
  34. هي عادات اكتسبناها من مسايرة التافهين
    يعني فشخره كداااااااااااابه
    لأن الكريم يكون صاحب ذووووووووق
    مهما امتلك الإنسان من بهارج الدنيا
    لازماً يطرح بجيبه حفة تراب
    تذكرة انه والفقير العدمان من تراب والى تراب
    يعني تحت لا بيقدر يرفع منخار ولا بيركب حتى حمار
    لما ربنا ينعم علينا بما يميزنا عن الاخرين
    تردد أمي لا ترفع نخشوشك (أنفك) للسماء
    اللي رزقك بيرزقهم ....
    و أستاذ لي يردد دائما : )
    قع(كن)ذرة وكل سكر
    ولا تقع سكر يأكلك الذر والناس : )

    لن نكون ملائكة ..
    ولكننا بحاجة لقرصة اذن من حين لآخر : )

    نسأل الله الهدايه والصلاح

    لك مني تحية وسلام

    ردحذف
  35. له له يا ام عمر....
    واخيرا عرفنا نقطة ضعفك:)
    كل شئٍٍ انكشفن وبااااان :)

    ردحذف
  36. محمد ملوك
    اهلا بمرورك وشكرا لك.

    ردحذف
  37. فينوس
    جبتيها بجد ... محتاجين ثوره على النفس والاخلاق.

    ردحذف
  38. نضال
    يسعد صباحك والحمدلله على سلامتك ومن كان معك.
    نعم اوافقك....عدونا الاول في دواخلنا والجاهل عدو نفسه اولا.

    دمت بخير ودير بالك وانت بالسياره ...لازم تفكر عنك وعن .....اللي بيسوقوا حواليك.

    ردحذف
  39. غريب
    :)
    ليس غريباً على هذا الغريب ان يكون بمنتهى الذوق الاخلاق عندما يكون نتاج تربيه صالحه ووالده عظيمه كوالدتك....تعطيك من خلاصة الحياة وتجاربها كل يوم ما يساوي ثقله ذهباً.
    الله يحفظهاويسعدها ويعطيها الصحه وتحياتي المحمله بالود والاحترام لها.

    لا تخاف...قرصاتي لكم بالمرصاد دائماً:))

    ردحذف
  40. عمرو يسري
    شكرا لك ولوجودك هنا.

    ردحذف