الأربعاء، يونيو 29، 2011

تحديث ضغط وسكري:اعتراف زي العسل


بما ان الدكتور وحل كتب عن الارز المفلفل ....بيطلعلي اكتب عن الامراض....

ارتفاع ضغط الدم:
معلومه صغيره قرأتها هــنـا مفادها ان الرجال اكثر عرضة لمرض ارتفاع ضغط الدم من النساء لأسباب عديده منها ما يتعلق بطبيعة التركيب الجيني والهورموني للرجل ومنها بيئي يتعلق بطبيعة عمل الرجل والضغوطات المحيطه....
الى هنا ينتهي الخبر ....لكن أنا عندي سبب آخر  مختلف تماما عن التحليل العلمي للمعلومه ....
وهو أن الرجل يستخدم الملح بكثره ....مش ملح الطعام المقصود هنا...الملح الرجالي اللي  بيستخدموه الرجال عادةً للتملص من بعض الخلافات والمعاتبات مثلاً

-هي : ليش ما جبت كل الاغراض اللي وصيتك عليها؟
-هو: صدقيني لفيت كل السوق وما لقيتهم!!!
بيكون هو ضيّع الورقه او نسي او اصلا ما كان سامع شو بتقولي!


- هي:لماذا لم ترد على مكالمتي لك صباحاً؟؟؟
- هو:اسف حبيبتي ....كنت في اجتماع!
-هي: طيب المكالمه التانيه؟
هو: ما شفتها.....شكلو ما في تغطيه!
اجتماع او تغطيه!!!حفظناهم هدول....ممكن تخترعوا حجه جديده؟؟؟


-هي:وينك ؟؟؟....ليش متأخر؟
-هو: عجقة سير وزحمه مش طبيعيه!
بينما هو بيكون لسه في المكتب او أذا الوقت مساءا بيكون مع اصحابه!


-هي: حبيبي ....ايش رأيك بقصة شعري الجديده؟
-هو: حلوه كتيييير....مصغريتك عشر سنوات!!! 
علما بأنه بيكون يقول لنفسه شكلك طالع متل طنجرة الضغط بهالتسريحه.

-هي:مين الاحلى ....انا وللا فلانه ؟
-هو:اكيد انتي يا حياتي!!!!شو جاب لجاب؟
الله يرحمك يا ستي....كانت تقول الكذبه بتبان من كبرها !

هذه بعض الامثله واللائحه تطول حسب المواقف .....الله يهديكم ويصلح حالكم يا رجال....انتوا اللي جبتوه لانفسكم.....ضروري الملح يعني؟؟؟
ملاحظه على هامش الموضوع:
زوجي يعاني من ارتفاع ضغط الدم من سنه تقريباً....الاسبوع الماضي وصل ل 150\120 .....الحمدلله هلا احسن ورجع للمستويات الطبيعيه ....لكن يا ترى ايش السبب لهالارتفاع المفاجئ؟؟؟؟نفسي اعرف اي كذبه؟؟؟عفواً....اي كمشة ملح اللي سببت له هالحاله؟؟؟

السكري:
 في معلومه غير مؤكده بتقول ان مرض السكري اكثر انتشاراً بين النساء عنه في الرجال!
السبب غير معروف للآن .........هل لانهم متل العسل؟؟؟
....ام لأنهم بيحبوا الحلويات بكثره وخصوصاً الكلام المعسول؟

يا ترى ما هو السبب؟ هل (توافق \ توافقين) على هذه المعلومات؟

اعترافات صالح باشا:
 
هي: ليش ما جبت كل الاغراض اللي وصيتك عليها؟
هو: هاي إللي أجاكي، عاجبك عاجبك! مش عاجبك بلاش!


هي: لماذا لم ترد على مكالمتي لك صباحاً؟؟؟
هو: كنت في اجتماع!
هي: طيب المكالمة التانية؟
هو: كان عندي شغل أهم من مكالماتك!


هي: وينك؟!.... ليش متأخر؟!
هو: بعدني بالشغل، و مش ناقصني إلا أقدملك كشف حساب!


هي: حبيبي .... إيش رأيك بقصة شعري الجديده؟
هو: ماشي حالها، و لو إنه بهالتسريحة شكلك طالع متل طنجرة الضغط!


هي: مين الأحلى... أنا وإلا فلانة؟
هو: أكيد إنتي يا حياتي!!!! هوّ في حدا بيحكي عن زيته عكر؟!


يعني هيك أحسن!؟ أي شو هالحياة من غير ملح.


و بالنسبة لسؤالك نيسان هانم عن العسل: فأكيد أنا مش متفق معاكي بهالموضوع، لأنه إللي حكي عن النساء إنهم مثل العسل أكيد غلطان، لأنهم شهد العسل. 


 بعد التصريحات الخطيره التي قدمها الباشا  صالح لا يسعني الا أن اقر واعترف أنا بدوري: 
          ما أسوأ طعم الحياة بدون رشة ملح خفيفه والكثير من العسل!!!

هناك 56 تعليقًا:

  1. ههههههههه مستحيله انت كل شي اله تفسير!
    الحمدلله ع سلامته احيانا الضغوطات النفسيه بتكون سببها ونوعية الاكل وخاصه الاكل اللي فيه دسم كتير
    هلا السكري عند النساء اكتر لانه المرأة لما بتزعل بتفش غلها بالحلو يعني كل شي مرده الى الرجل!
    الله يعينا :)

    ردحذف
  2. نيسان اتفق معك في موضوع مرض السكري بالنسبة للنساء قلباً وقالياً ، وهي ضحكتي من الدان لدان مع انو المدير قرفني بعيشتي بدو مني اشتغل شغلة لقسم تاني، بس عشان قرات اللي كتبتي وانو البنات متل العسل ماراح اطفشه عيشتو واشتغلها وانا منيحة..
    اه البنات متل العسل واللي بدو يحكي هي عنصرية اه عنصرية :)

    صباح الخير


    حنين

    ردحذف
  3. صباح الخير سوزان
    الله يسلمك يا رب ....الحمدلله هو احسن هلا...
    نعم الستات الحلوين بيفشوا غلهم بالحلويات والشكلاتات لغايه ما يدبقوا :)

    ردحذف
  4. صباح الخير حنين
    اها...شفتي كيف ان نظريتي صحيحه...وكلمه حلوه عالصبح بتخللي الستات الحلوين تشتغل وهي مبسوطه طول النهار:)

    صباحك عسل بالقشطه يا حنين

    ردحذف
  5. شريرة شريرة شرييييييييييرة!

    بيجيكي يوم! "تهديد"

    said the sokkari-man

    خخخخخخخ

    ردحذف
  6. لوما بحطو " ملح" ع " المر" من أفعالهم,, كان طلعناهم إينامو ع الشارع

    سلامته أبو العيال,, إحكيله إتكثرش ملح وحوّل ع السكر أحسنلك

    ردحذف
  7. دكتوره نيسان بيطلعلك طبعا تاخدي دور الدكتور وتجلسي خلف مكتبه وتنظري علينا
    مسموح لك اكيد مو نيسان ...ونيسانة المودونين
    بيطلعلك يا عمي واصله
    عم بمزح
    الله يسعدك
    شو هالتحليل الخطير
    والله كل يوم بيشرفني اني اكون صديقتك وكل يوم بتكبري بعيني اكتر واكتر
    يا عاقله واقعيه ماشي بنمرقها بس وحياتك عاقله وفهمانه يسلملي فهمك ما احلاه
    كلامك كله صح بصح وحكياتك بيدخلوا القلب قبل العقل كمان
    يعني عن طريق القلب بيدخلوا للعقل
    موضوع رائع وجميل

    ردحذف
  8. ممممم ممكن تحكي:

    الرجال بيجيهم الضغط من كثر الملح في كلامهم... النساء بيجيهم السكري من كثر ما بحطوا سكر في كلام الرجل

    ردحذف
  9. @أسيل

    هيك يعني!

    مااااااااااشي

    *يدرج اسماً جديدا ً في قائمة الشريرات*

    ردحذف
  10. عن أم كلثوم بنت عقبة بن أبي معيط قالت أنها سمعت النبي صلى الله عليه و سلم يقول: "ليس الكذّاب الذي يُصلح بين الناس، فيقول خيراً و يُنْمي خيراً."
    حديث صحيح رواه الشيخان و زاد مسلم:
    و قالت: "و لم أسمعه يُرَخِّص في شيء من الكذب إلا في ثلاث: الحرب، و في الإصلاح بين الناس، و في حديث الرجل امرأته و المرأة زوجها."

    و عن أسماء بنت يزيد رضي الله عنها قالت: قال رسول الله صلى الله عليه و سلم: "لا يصلح الكذب إلا في ثلاث: يحدث الرجل امرأته ليرضيها، و الكذب في الحرب، و الكذب ليصلح بين الناس." (حديث حسن، في صحيح الجامع للألباني)

    ردحذف
  11. صال صال,, إذهب من وجهي الساعه هذه

    ردحذف
  12. خلص يا جماعه!!!لا تتخانقوا...ما دام الشيخ صالح افتاها بالدليل الشرعي....كذبوا ...ارقصوا وامرحوا ....الى الامام الى الامام

    عمو صالح؟ايش بالنسبه للعسل؟:)

    ردحذف
  13. هي: ليش ما جبت كل الاغراض اللي وصيتك عليها؟
    هو: هاي إللي أجاكي، عاجبك عاجبك! مش عاجبك بلاش!


    هي: لماذا لم ترد على مكالمتي لك صباحاً؟؟؟
    هو: كنت في اجتماع!
    هي: طيب المكالمة التانية؟
    هو: كان عندي شغل أهم من مكالماتك!


    هي: وينك؟!.... ليش متأخر؟!
    هو: بعدني بالشغل، و مش ناقصني إلا أقدملك كشف حساب!


    هي: حبيبي .... إيش رأيك بقصة شعري الجديده؟
    هو: ماشي حالها، و لو إنه بهالتسريحة شكلك طالع متل طنجرة الضغط!


    هي: مين الأحلى... أنا وإلا فلانة؟
    هو: أكيد إنتي يا حياتي!!!! هوّ في حدا بيحكي عن زيته عكر؟!


    يعني هيك أحسن!؟ أي شو هالحياة من غير ملح.


    و بالنسبة لسؤالك نيسان هانم عن العسل: فأكيد أنا مش متفق معاكي بهالموضوع، لأنه إللي حكي عن النساء إنهم مثل العسل أكيد غلطان، لأنهم شهد العسل.

    ردحذف
  14. ههههههههههههههههههههههههههههههههه صالح !!!!!!!! فتحت علينا ابواب جهنّم

    بس برضه صحيح كلامك نسبيّا

    ردحذف
  15. أزال المؤلف هذا التعليق.

    ردحذف
  16. هو الزلمة يكذب على مرتوا احسن علشان يوفر مشكلة لانو الوحدة شو بدو يقنعها انو ما بحبها او هو مش مهتم فيها زي ما بتفكر لانو طبيعة الزلمة العقلية غير عن المرأه يعني الزلمة بيقدر يفكرر باكتر من موضوع مرة وحدة بينما الست بتقدر تفكر بعشرة مع بعض .. لانو الله خالقها هيك ..
    وهي بطيبعتها كتيرة غلبة و بتحبش تمرق اشي الا بطوشة وحشرية ومش عارف شو (بدون زعل)
    ... فاكذب بيعوض الله احسن الي و اريح للراس ...
    ابدا احوش شوالات ملح من هلأ

    ردحذف
  17. هي: حبيبي ....ايش رأيك بقصة شعري الجديده؟
    -هو: حلوه كتيييير....مصغريتك عشر سنوات!!!

    علما بأنه بيكون يقول لنفسه شكلك طالع متل طنجرة الضغط بهالتسريحه.

    يعني اذا كانت مش حلوه لو قال مش حلوه كمان رحل تزعل شو يعمل ؟؟؟!!!

    -هي:مين الاحلى ....انا وللا فلانه ؟
    -هو:اكيد انتي يا حياتي!!!!شو جاب لجاب؟
    الله يرحمك يا ستي....كانت تقول الكذبه بتبان من كبرها !

    طيب هي ليش تحرجه و تحرج حالها اذا عارفه انه فلانه أحلى يعني كمان عالحالتين مش خالص

    ردحذف
  18. هههههههه فتحت الحرب عليكي يا نيسونه :)
    هيثم ليش نيسونه شريره هلا اللي حكته مو صحيح !

    ردحذف
  19. نيسان حبيبتي ولا يهمك، اصلا احنا لازم نعمل للشباب عزل ويعيشوا لحالهم ويطبخ ويغسل ويجلي ويصبح بوجه مديروا وبعديها ارجعي اكتبي نفس المقال شوفي كيف راح يردوا .

    بعين بس للتذكير وعشان تصبحي وتمسي جوزك بهاي الاحاديث :) عشان تحكيلو عن انو انتي احسن نعمة، جلس رسول الله صلى الله عليه وسلم مع أصحابه في المسجد النبوي، فسألوه : ماذا تحب من دنياك يا رسول الله؟ فقال صلى الله عليه وسلم : "حبب إلي من دنياكم ثلاث : الطيب والنساء وجعلت قرة عيني في الصلاة". أخرجه النسائي رقم 3939

    وفي حديث اخر "الدنيا متاع وخيرها المرأة الصالحة" (رواه الإمام مسلم)اما بالنسبة للاخرة شوفي كم مرة ذكرت الحور العين في القران ،ولو لم نكن من احلى النعم لما جعلنا الله مكافاة المتقين في الاخرة.

    بس المشكله لو مسكلك مثنى وثلاث ورباع :(. وقتها احكيلوا الرسول ماتزوج على خديجة وهي عايشة وسيدنا ابراهيم قعد على ما اعتقد لـ 80 وما تزوج على سارة ، ولا احكيلك وقتها غيري السيرة احسن :)

    حنين

    ردحذف
  20. بصراحه و يؤسفني اني اقول انه مرات اذا ما تملحو الرجال الستات بطينو عيشتهم فااااا الملح اهون ب 100 مره من الطين :)

    ردحذف
  21. مساء الخير
    بالأخر كله ع راس آدم المسكييييين

    ردحذف
  22. دكطور طربش
    شريره!!!
    أحسن ما اكون هبله :)

    ردحذف
  23. أم عموره
    لا ما بيهون عليكي ...ينام في الشارع؟؟؟
    في بيت اهله معلش:)

    ردحذف
  24. الله يسلمك يا ام عمر ...النصيحه بجمل و يا ريت يسمع منك

    ردحذف
  25. خلووووووووود
    اول شي يسلموا على الدراقات اللي زي العسل...الليله ح انزل صورتهم على الفيسبوك
    تعيشي وتجيبي يا رب...هدول لانهم تقطيف ايديكي طلعوا عسل

    تاني شي...الله يخليلنا قلبك ويسعده ويبعد عنك وجع العقل ويديم محبتنا يا رب.

    ردحذف
  26. اسيل
    ممممممممممختصر مفيد ....يسلموا يا عسلايه محلايه.

    ردحذف
  27. صالح باشا
    استحققت رتبة الباشاويه مع تاج وسيفين ونجمه....صحتين ع قلبك

    ردحذف
  28. لونار
    لا ابواب جهنم ولا شي...اطمئن اللي حكاه صالح كل الستات عارفيته وفاهمته....بس بيطنشوا بمزاجهم:)

    ردحذف
  29. فاينل واي
    في مواقف بتحتاج رشة ملح خفيفه حتى تحلو الحياه...لكن بلاش كثرة الملح لانه الستات بتفهم وبتطنش ومش حلوه بحقه لما يسوق فيها لدرجة انه يستهبلها للمدام....الله يبعتلك بنت الحلال اللي تسر قلبك وما تخليك محتاج للملح بالمره....الا للاكل:)

    ردحذف
  30. غير معرف
    المرأه بتسأل لانه الرجل ما بيبادر لمدحها من نفسه...مرات بتكون محتاجه تسمع الكلمه الحلوه ...لكن معظم الرجال بيفضلوا يسكتوا حتى ما يعطوا الزوجه عين ...او ريق حلو او ما تدلل عليه بالطلبات ولو بيمدحها او بيثني عليها في الوقت اللي بيكون رضيان عليها مش رح يحتاج للكذب.

    ردحذف
  31. سوزان....ولا يهمك....نيسونه قدها لا تخافي عليها!

    ردحذف
  32. حنين
    الله يسعدك ويفرح قلبك هلى طول
    ...وآدم ما قدر يعيش في جنة الفردوس لحاله ولا حواء كانت ح تقدر تعيش لحاله في الجنه....
    لكن الطرفين بيكابروا وبيتكبروا ع بعض....الله يهدينا يا رب.

    بالنسبه للمثنى والثلاث والرباع....ههههههههه هاي اكبر كذبه بيحكيها الرجل بوجه مرته...للتهديد والتخويف وبس أو لاستعراض العضلات......كله حكي فراطه,,,,واللي بيكون ناوي يتني....بيعملها بدون ما يحكي ويقول:)

    ردحذف
  33. شبه إتبهدلنا كأنو!
    لووول

    @سوزان: اللي بيحكي الصح = شرييييير هالأيام!

    :P

    ---
    صالح: امض قدما ً و نحن وراءك *صوت لهتافات الحشود العظيمة*
    ما يهمك الأعداء"ات" - بغض النظر عن أسلحتهنّ

    ---

    أنا حاسس إنو نيْسانتنا حتحط إدراج معاكس، إنو أصلا ً في عندها واحد محضر من الأول :))

    ردحذف
  34. ويسبر
    حلو التخبيص بالطين برضو :)
    الذكي لازم يعرف ايمتى يملح واديش بالضبط....صدقيني ملحاتهم زياده....و مرات بيكون فيها شوية انتقاص من ذكاء حواء...اللي ما رح يعجبها الحال في الاخر مع كذبه مش بمحلها وساعتها ح تطين عيشته على الاخر:)

    ردحذف
  35. طارق
    آدم مسكين ...بكل هالحركات اللي بيعملها برضو ما بيقدر على حواء

    ردحذف
  36. طربش
    كان عندي ادراج anti حواء و ح تنبسطوا عليه وح يخلي هتافاتكم كلها لي وبيجوز ترشحوني لرئاسة جمهورية التدوين من وراه....لكن لا يزال قيد الدراسه....أه دراسه فعليه عم بطبقها حاليا:))

    ردحذف
  37. نيسانة عمري سوسنتي
    يسلملي الكلام والاسلوب الحلو
    ما الزك والز حكياتك
    مشتاقة موووووووووووت
    قربت نزلتي على عمان
    جهزيلي حالك يا البي

    ردحذف
  38. بتنور عمان بوجودك يا امل....مشتاقه وفي انتظارك ...توصلي بالسلامه ان شاء الله.

    ردحذف
  39. ما دام تحت الدراسة و شكلو فيها لجان و هيك فاااا

    ما حنشوف شي ل 2012
    :)

    ردحذف
  40. صباح الخير جميعا
    خير شو صاير ؟
    المهم كلنا بنعرف انو - سواء اعترف آدم أو لا - انو هم شاطرين بالتملص ونحنا بنمرق ع مزاجنا وانو نحنا ما بنزن بس كلو بسبب الجينات العنـ(ط)ـزية الللي بدم آدم وأنو مفكر انو الله خلقو وكسر القالب !
    طبعا مش الكل لكن الاغلب هيك..
    وأعلن تأيدي الكامل للي حكتو حنين ..(:
    وأي نعم نحنا عسل واللي عندو اعتراض يوقف حد الباب ويرفع اجرو اليمين بليز -_-
    ::
    يعطيكِ العافية ....

    ردحذف
  41. كإنه إسمي مكتوب؟ شكله مشروع ابتزاز
    ;-)

    ردحذف
  42. بس ملاحظة: ما تقنعيني إنه الصورة إللي موجودة في أعلى المدونة للترويج للموضوع في "المدونه الجماعيه .....لنكتب عن" هي لبنات محجبات.

    ردحذف
  43. هيك الملح رغم ملوحته إله فوائد حياتية

    صالح هيك أنت بتخربها

    نيسان تسلمي يا رافعة رايتنا

    سيري وإحنا معك

    ردحذف
  44. مساء الخير



    ساقول لكم ما هو وجه الشبه بين آدم وحواء

    آدم يعترف لحواء بأنها اجمل ما في هذا الكون

    وحواء كذلك تعترف بانها وحدها اجمل ما في هذا الكون

    ردحذف
  45. شكرا bullet ، طبعاً احنا احسن من شهد العسل :)

    حنين

    ردحذف
  46. لزيييييييييزة :D :D
    بس اللي لفت انتباهي يا نيسان انه اسئلة الستات هي اللي مالها طعمة و الله .. يعني شو لزمة وين لهلأ ع الطالع و النازل و شو لزمة مين احلى انا و لا البطيخة :)

    أضحك الله سنك :)

    ردحذف
  47. loooooooooooooool 7bet <3
    الحياة لا تصلح من غير ملح ولا من غير عسل :)
    عجبني كتييييييير البوست

    ردحذف
  48. هيثم
    شكلو هيك....وما بعد بعد 2012 كمان...امبارح كانت تجربه ميدانيه على الموضوع اللي ناويه اكتبه...والنتائج مخيبه للامال....فيها طفس للاوادم كتير ...عشان هيك سسسسسا أتروى....حرام والله ما بتهونوا عليي:))) عن جد ههههههههه

    ردحذف
  49. عصفورتي بوليت
    ليش مش الكل ...الكل وحياتك
    الله خلقني وكسر القالب.....الشعار الرسمي للاوادم

    زي ما قلتي...نحنا بنطنش بمزاجنا....لانه نحنا عسل وبشهده كمان....اصلي

    ردحذف
  50. والله يا صالح باشا هاي الصوره اللي طلعت معي لما حطيت في خانة البحث"معاكسة البنات المحجبات" ...
    هاي اهون شي بصراحه
    !!!!

    لا تخاف....ما في ابتزاز ولا شي
    اعترافك مقابل اعترافي....طلعنا خالصين

    ردحذف
  51. زينه
    هيني بعلمكم....اوعك تشكي لي بس تتجوزي ....:)
    اسمعي واحفظي الدروس كويس

    ردحذف
  52. يوسف
    هذه حقيقه مؤكده لا مجال للنقاش فيها يا معلم...ما احلاه آدم وهو بينكر انه حواء مش اجمل شي في الكون و بحياته كمان ....وما احلاها وهي تعترف انه في بالكون احلى منها !!!!

    ردحذف
  53. حنين
    راجعي تعليقي لبوليت ....وابتسمي من قلبك

    ردحذف
  54. هديل
    افرح الله قلبك
    لها لازمه الاسئله والاستجوابات حتى....والا شو دورنا في هالحياة اذا مرقنا كل شي بالساهل؟؟؟ هههههههههههههههه

    ردحذف
  55. هناء
    الله يسعدك يا بطه....اضحكي و تعلمي كمان:)

    ردحذف