الاثنين، يونيو 13، 2011

وصفات الدهاء من مطبخ حواء

عزيزتي حواء,,,

 اقدم لكِ اليوم بعض الوصفات توصلت اليها بعد عناء سنوات من انتقادات ومشكلات 
 ونقاشات بفائده وبدون فائده,,,
هذه التدوينه مهداه الى العروسات الجدد اللواتي لم يصلن بعد الى مراحل الطبخ المتقدم و فنون الوصفات الزوجيه ....خصوصاً الى عروستنا الجميله (lioness).,,,,
ليونس....قد لا تحتاجين هذه الوصفات في البدايه لكن احتفظي بها واحفظيها جيداً سيأتي يوم وتشكريني في قلبك عليها:))




الوصفه الاولى....ملح خفيف
اطبخي له اكلاته المفضله دائماً ,,, لكن لو نسيتي طبختك يوماً على النار ولسعت شويه او زدتي كمية الملح او خربطتي المقادير بدون قصد ....ضعيها امامه مع ابتسامه وقولي : اليوم عملت الطبخه بالضبط كما تعلمتها من حماتي....الله يخليلي اياها!!!!  


النتيجه : ستمر فتره طويله قبل ان تسمعي عبارة "تعلمي الطبخ على اصوله من أمي"


الوصفه الثانيه: اتركيه على نار هادئه ....


اذا كنتي موظفه او ربة بيت ...تعبانه من الوظيفه او شغل البيت و نسيتي حالك شوي....لا بد و أن ياتي وقت وتسمعي فيه انتقاد من نوع :متى اخر مره مشطتي فيها شعرك؟ او ليش هيك وجهك باهت؟او ليش هيك اظافرك؟
لا تزعلي ولا تعصبي ولا تجادلي ....هذا حقه ...من حقه عليكِ ان يراك في ابهى صوره !!!
لكن ذكريه ...متى كانت اخر مره زرتي فيها الكوافير ومتى كانت اخر مره رحتي عملتي مساج وتنظيف بشرة لوجهك او مانيكير وبديكير!!!
واحجزي موعد في اقرب مركز تجميل (ويا ريت يكون في يوم اجازته) واطلعي من الصبح واتركي الاولاد عنده واتركي الجلي والطبخ والغسيل والغبره على حالهم ....وعودي متأخره الى البيت أو عودي بعده اذا كان يومها في الشغل !

النتيجه:
لا تخافي ....مهما كانت النتيجه فهي لصالحك ....غيرتي جو وارتحتي من شغل البيت ليوم واحد على الاقل ....و في النهايه أنتي جميله بنظره والجمال جمال الروح والقلب وليس جمال الشعر والوجه!!! (هيك  سيكون رأيه لما تسأليه بدهاء ....ايش رأيك ؟؟؟ عجبك شكلي؟؟؟).

الوصفه الثالثه ...اعطيه ملعقتين عسل على الريق!!!


اذا واجهتي انتقاداً مفاجئاً لوزنك الزائد....لا تتوتري ولا تعصبي بل وافقيه فوراً واطلبي منه ان يعطيكِ "على الاقل" قيمة اشتراكات ثلاث شهور مقدماً في النادي الرياضي وذلك حتى تتمكني من استعادة رشاقتك المفقوده ....لا تتنازلي عن الثلاث شهور فهذه اقل مده تحتاجيها لكي تخسري الوزن الزائد بعد ثلاثة احمال وثلاثة اولاد ....
هو طبعاً سيقول انتي بتقدري تخففي وزنك بالبيت بدون نادي ....اعملي حميه وستنحفي بدون نادي....ماشي....اعملي ليلتها قائمه طلبات واحرصي على اعطاءه اللائحه صباحاً وهو مغادر الى العمل ولا تنسي الابتسامه العذبه مع اللائحه والدعاء له بالرزق الوفير وهو خارج من الباب....اللائحه كالآتي:

 حليب خالي الدسم
لبنه دايت
جبنه دايت
مربى دايت
عصير طبيعي بدون سكر
خبز توست اسمر
  2 كيلو ستيك 
 صدور الدجاج  مسحبه من العظم
أرز بني
ايسكريم بدون سكر
بسكويت لايت(fat free)
 خضار طازجه(بروكلي\هليون\كرفس\فطر.....أنسي الملفوف)
 فواكه  \fresh


النتيجه:
ربما سيطنش ولن يحضر اي شيء مذكور بالقائمه ولكنه لن ينتقد وزنك ابداً بعدها!!!

الوصفه الرابعه: السعيه ....بالشطّه الحراقّه !


اذا ظبطتي زوجك يوماً متلبساً بتأمل مريام فارس على قناة انفنيتي وهي تهز وتتمايل بالفيزون الابيض الضيق  , اجلسي بجانبه بهدوء وبدون عصبيه وذكريه بالطقم الاسود الذي اشتريتيه قبل سنتين وذكريه أيضاً بأنه هو الذي اصر على اللون الاسود بالرغم من أنك احببتي اللون الابيض اكثر ...وذلك حتى تستفيدي من الطقم لكافة المناسبات (الافراح و العزاء) وانك رضختي لرغبته تضحيةً منكِ حتى تصيدوا عصفورين بحجر ولا تكسروا الميزانيه .
اما اذا  ظبطتيه وهو سرحان بنانسي عجرم على قناة ميلودي وهي تتمايل وتتغنج بفستانها الاحمر الناري ...ايضاً اجلسي بجانبه بهدوء ...واطلقي تنهيده طويله فيها حسره ولوعه وقولي بحزن:ما أجمل الفستان ...اتمنى لو اشتري واحداً مثله!!!
النتيجه:

فوراً سيغير القناه ....الى الجزيره او ربما حتى الى ... قناة اقرأ !!!
...........................

 و....
بالهناء والشفاء على قلوبكم

هناك 67 تعليقًا:

  1. ههههههههههه والله شربات وهى وصفات سهلة وسريعة لحل جميع المشكلات بس دة دليل على انك زوجة ناجحة وذكية
    حنفذ وصفاتك اذا تعرضت لاى مشكلة من النوع دة
    ربنا يكرمك حبيبتى
    تحياتى لنيسانة الجميلة

    ردحذف
  2. ههههههههههههههه حلو والله :)
    هيك يا نيسان كشفت الأسرار يا حراااااام هلا كل الرجال اللي بيجو ع مدونتك نسوانهم لازمهم اساليب جديده!
    هلا رح نشوف تعليقات الشباب وطبعا اهمها هيثم !

    ردحذف
  3. LOOOOOOOOOOOOOOOOOOOOOOOOOOOOOOL
    مش طبيعييييييييييييييي!!!!!

    ردحذف
  4. السلام عليكم
    يا حبيبي عليكم !!!!
    طيب إذا الزوج موفر كل شي و مش سائل عن المصاري ( للنادي و الدايت و إلخ ....
    و إذا كان غاض بصره عن نسوان و عن الأغاني و الكليبات
    شو وصفاتكم السحرية .
    بانتظار تعليق هيثم بما إنه مزوج ؟؟؟

    ردحذف
  5. هادي النصيحة بجمل وسعي باب البيت، جاي لعندك :)

    ردحذف
  6. بقلك ليش ما بدك تتزوج عربية...أو تتزوج من أصله. حاسس العلاقة أشبه لعلاقة المواطن بالمخابرات..

    ردحذف
  7. بوست جميل جدا ومفيد للجنسين في نفس الوقت
    بس فعلا النساء دواهي حسب العنوان انا ما جبت شيء من عندي :)ـ
    شكرا على البوست عجبني كثير

    ردحذف
  8. أنا اسمي مكتوب D:

    هالموضوع رح احتفظ فيه عندي للزمن :) بس شكلوا مش لفترة بعيده لان مشكله الطبيخ رح تبلش قريبا بإذن الله :)

    بس المشكلة حماتي مش جنبي لأتعلم منها و احكي انه تعليم حماتي ×_× بدي حل بديل ×_×


    بس هو جد مرات الواحد بحتاج لحيلة حتى يطلع من دوامة انتقادات قد يكون ما إلها داعي تضل تتكرر كتير و تجرح المشاعر بدون هالسبب الكتير كبير او المنطقي

    الله يسعدك يارب و يرضى عليك :) و يبعد عنك و عنا الانتقادات :)

    ردحذف
  9. صباح الخير لكِ نيسان ولكل حواء

    الحمد لله ان ربنا جعل من كل حواء داهيّة على طريقتها وبنكهة خاصة تنفرد بها على غيرها ...

    والحمد لله ان آدم استوعب ان حبه لحواء ... وكلمتين حلوين ...اسهل طريق لان تُغلب حواء طيبتها على دهائها

    ولكنك نسيتِ ان تحذري حواء من عواقب ممارسة دهائها في اوقات غير مناسبة ... وهنا لحرصى على صديقتي واختي وابنتي حواء ساقول لها

    اختاري الوقت المناسب دائما في علاقتك مع آدم

    زيدي له كمية الملح حين يكون ضغط دمه هابطا ...سيتحمل الاضافة وسيفسرها على انها محبة منك في اعادة ضغط دمه الى الوضع الطبيعي وسيردها لك محبة وسيوقع لك ملف طلباتك الاضافية وهو يبتسم

    اتركيه على نار هادئة حينما تجدينه كووول والا ما الفائدة ان تتركيه على نار هادئة اذا كان عم يغلي عندها فعل النار واحد ان كانت هادئة او عاصفة

    اعطيه معلقتين عسل على الريق صباحا عندما لا يجد وقتا للفطور قبل الخروج صباحا لانه امضى صباحه المبكر برفقتك وحبه لكِ يملأ البيت سعادة وفرح

    السعيه بالشطة الحراقة والبسي اجمل ما عندك واظهري جمال مظهرك واضيفي كل ما اعطاكِ اياه الله من خفة دم وجمال روح وضعيهم معا امامه وامام شاشة التلفزيون كائنة من كانت التي على الشاشة ......
    آدم لن يفكر الا بالمثل القائل
    حواء في اليد خير من الف على التلفزيون
    وعندها لن يغير التلفزيون الى محطة اخرى
    سيغلق التلفزيون ...فانتِ الاهم والاجمل بنظره والاحب الى قلبه....

    صباح الفل والياسمين
    والله يرضى عليكِ ويسعدك

    ردحذف
  10. شو في والله اذا النسوان هيك لا مانع ...
    بس النسوان لا يتمتعون بالفطنة مثل هذه الحركات ويفضلون (المدرسة القديمة) زي اعملي طوش طول نهار ... طلعي الماضي والحاضر ... ضلك ولولي لحتى تزهقية عيشتوا والنتيجة بكرهها وبيكرة الي خلفوها ... وبهرب من البيت
    صدقاً هكذا انا شخصياً لا امانع تكون هيك الزوجة ... بس ما تعيف الواحد عيشتوا ...
    لكن صدقاً التدوينة هاي من الاخر ....

    ردحذف
  11. والله ما انتي قليلة جد , بس تحشيييييييييييش البوست
    ولو اني ما فهمت شو دخل الستيك بالدايت صراحة D:

    يسلموا ايديكي
    D :D :D :D :D:

    ردحذف
  12. ومن اليوم ومن رايح بيكل المطارح
    قولي بيحبني
    طبعا هذا الحكي احتفظي فيه وزوجك على ما تعوديه ابدا لا تعطيه عين ولا تحزني عليه من ناحية الطلبات من اولها اطلبي بعين قوية ولا تقولي حرام ولا تخافي من طلباتك هوه اصلا ازا معو مصاري بيجيب وازا ما معو لا تخافي ما بيجيب الا على قد مصاريه
    بس دايمن اطلبي الي بدك ياه وزياده طبعا
    شكرا نيسانه على التدوينه الحلوة بس رح نبين هون شريرات كتير زبلاش يا ستات تبينوا كل طرقكم عشان هيك رح يصيروا يحذروا منها
    خلوووووووووود...مع تحياتي لكل آدم مسكين وطيب وحنون ......وبقله
    راتحت عليك ...كان لازم تأسى علي ما بيسوى هيك >نجوى كرم<

    ردحذف
  13. يااااااااااااااااااا للشرّ
    مع إنك حذرتينا .. بس مش هيك!

    شو ها"ظ"

    ----
    (ويا ريت يكون في يوم اجازته ! أبييييييييي منكنّ
    -----
    لبؤة: لا تردي عليها! خرابة بيوت هاي نيسانتنا
    :]]]]]
    ---

    طلب بسيط... ليش ما فيه مقاطع لعمتو ميريام و خالتو نانسي؟ من باب توضيح الصورة و تعزيز البوست مش أكثر! :) "نانا ويسبر.. خليك بعيد!"

    ردحذف
  14. هبه فاروق
    :)
    احفظي الوصفات للزوم لكن وقت تنفيذها اضيفي اليها لمساتك الخاصه ..يعني شوية فلفل زياده او اقل ....حسب الظروف....انتِ وشطارتك يا هبه

    ردحذف
  15. سوزان
    لا تخافي....طالما آدم وحواء مجتمعين ...فلن تنتهي الوصفات ...كل يوم وصفه جديده حسب الموقف وكل واحده وشطارتها...انا وضعت العناوين الرئيسيه مع شرح بسيط وانتوا عدلوا وابتكروا حسب ظروفكم.
    الشباب مساكين مصدومين مع اني حذرتهم وخصوصا هيثم:) نسي تعليقه على واقعيه لحد الملل وبيقول منتهى الشرّ.:))

    ردحذف
  16. rain
    اضحكي قد ما بدك يا حلوه....بس بليز تعلمي واحفظي ....بلييييز

    ردحذف
  17. الاربدي
    وعليكم السلام ورحمة الله وبركاته

    هذا اللي وصفته مش زوج...ممكن يكون خاطب جديد:)
    ...هذه امثله مثلاً على ما يصدر من الازواج عموما حسب ما اراه واسمعه كل يوم....ومهما كان الزوجان متفاهمان الا ويختلفوا على اشياء...فمطلوب حكمه ودهاء لمعالجة هذه المواقف بدون عصبيه وتوتر....عقبالك يا رب

    ردحذف
  18. نيللي
    اهلا وسهلا بالاحباب....لا تنسي الجمل تجيبيه معك:))

    ردحذف
  19. غير معرف
    هذه المواقف تصدر عن الزوجه العربيه لانه اللي متزوج اجنبيه ما بيسمعها هيك كلام ....بيكون شايفها ومش مصدق وبدو الرضى وبس:))

    ردحذف
  20. jaraad
    اهلا بك...سعيده ان التدوينه اعجبتك

    ردحذف
  21. ليونس
    في مثل حالتك...اي طبخه معترض عليها دغري قولي لو حماتي قريبه مني بتعلم منها بس شو اعمل انا في الغربه وما في حد يعلمني ....حزنيه عليكِ يا بطه.

    بدك تتعودي عالانتقادات ...حتى تلاقي حيله تتخلصي منها....اقولك شي: الانتقادات هاي بنظر الرجال "صراحه" ما بينزعل منها وانا عانيت من الصراحه كتير و زعلت كتير و انقهرت كتير لغايه ما وصلت لمرحلة الدهاء ...وبرضو مش دايما بنفد منها:))مرات بيرجع كيدي لنحري بتعليق اقوى من حيلتي ....الله وحده هو القوي وهو على كل شيء قدير.

    ردحذف
  22. يسعد صباحك يوسف
    شكرا لنصائحك المفيده وتحذيراتك بالنسبه للوقت...معك انا ....مش كل الاوقات مناسبه,,,
    لكن اقولك انه معظم الزوجات بيعملوا نصائحك وبيتوقعوا انه الزوج يحطها بعيونه ويغمض عليها و ما يرميها بورده لكن الزوج العربي لما يتدلل كتير ...بيفكر حاله فرعون و بييعيش الدور عالاخر وبدل الورد بيرمي دبش... عشان هيك
    لا بد من الدهاء في بعض مواقف...والدلال في مواقف اخرى!

    ردحذف
  23. فاينل واي
    الله يقدرنا ونعلم هالنسوان الاساليب الحديثه ...لانه الاساليب القديمه متعبه للطرفين ....المرأه بتفكر ان الصراخ والعياط والدموع هم الحل حتى تحل مشكله او تحصل على طلب ....كنت انا هيك زمان:) لكن التطور ضروره حتميه على مر الزمان .

    ردحذف
  24. لونار
    شو شو دخل الستيك؟!! ... بدك اياني اطبخ مقلوبه ومجدره و محاشي وورق دوالي وباميه وملوخيه وانا عامله دايت ....لازم ستيك و كل يوم كمان :))

    ردحذف
  25. صباح الفل خلووود
    ما في آدم طيب وحنون ومسكين على طول وكمان ما في حواء طيبه وحنونه ومسكينه على طول.واللي بيدق الباب بيسمع الجواب ...لما بدو يعترض وينتقد ويجادل ...لازم يلاقي الجواب!!!

    وخصوصا مني ده انا غلباااااااان ههههههههههه

    ردحذف
  26. اي شر؟؟؟ حرام عليك يا شيشاني؟؟؟

    هذا اسمه صرااااااع البقاء :))

    لا تخاف ع ليونس ...كل لبؤه ولها طرقها مع الاسد :)

    فيديو!!! اسمعهم على الراديو ....احسن لك وللبؤتك:))

    ردحذف
  27. مش طبيعية ... فظيعة :) من وين جبتي كل هل أفكار! لو أعيش طول عمري ما بيخطر ع بالي هيك :) همممم مش عارفة بشو ابدأ :))))))

    ردحذف
  28. looooooool
    3indik vision mish 6abe3eyh ,,

    hayna sajjalnahom o et3allmna 3ashan hal gesas ma tomrog 3alaina .. :D

    ta7yate naysan :)

    ردحذف
  29. يا عيني يا عيني ....خبره و المفروض الكل يستفيد منها :)

    اكتر شي عجبني...انك لازم تحتفظي بابتسامتك ....انا لو بدي اخطط و اراسم هيك و باي شي بالحياه, لانه حتى مع الاهل في خطط لازم تنحط ولكن انا من اللي قبل ما ابدا بالحكي بفقع ضحك عحالي :)

    شيشاني....اقعد قاعد بلاش ابدى احكي تلفونات

    ردحذف
  30. نيسان
    هههههههههههههه
    شو هاد
    جد روعة هالوصفات

    بس هيك صارت مكشوفة لآدم
    كنتي كتبتي فوق ممنوع مرور آدم

    ميرسي جدا على الطرق الدهائية النيسانية
    وشكرا جدا ليوسف على الردود التفصيلية
    صحيح لازم كل شي يكون بوقته

    جد بوست بيجنن

    ردحذف
  31. alirbidi
    تابع للتعليق الاول بما يخص الشيشاني....نسيت اقولك الدليل على ان الصفات اللي ذكرتها صعب تكون في رجل متزوج والدليل :(((تعليق الشيشاني)))
    هيو متزوج ومرته ما شاء الله عنها حلوه وبنت عالم وناس محترمين وقاعد بيقول وين الفيديو ؟ ولسه الشهر الماضي راجع من العمره كمان...
    :))
    شريره قال؟ ما شفت من الشر الا اذنه!!!

    ردحذف
  32. rare
    الخبره حبيبتي الخبره ....أسالي مجرب ولا تسالي حكيم!!!

    ردحذف
  33. ويسبر
    انتي شفتيني عالواقع ...بالله بيطلع معي هيك دواهي؟؟؟
    انا ما وصلت لهذه الافكار الا بعد تجارب وسنين و اقولك كمان مش عم بطبقها صح لانه متلك بيبان عليي وما بقدر اعيش الدور للاخر ...هي اعتراف صغير لكِ مخصوص..
    لكن بحاول افيدكن... لعل وعسى تحتاجوا هذه النصائح يوما ما والله لا يحيجكم لها !!!
    بالنسبه للشيشاني ....لا تخافي اخرته ييجي لعمان ونشوف المدام شخصيا وانا بعطيها دروس مجانيه حبيبتي ...فيس تو فيس احسن من التلفون:)

    ردحذف
  34. زينه الغاليه
    انتوا طبقوا نصائح يوسف بالاول ....واذا ما لقيتوا النتيجه اللي بتسعدكم بعدين طبقوا افكاري الشريره ....طبعاً لما ييجي ابن الحلال اللي امه رضيانه عليه ان شاء الله.

    ردحذف
  35. ecosan

    بتمرق عليكم باذن الله...هاي الافكار كلها مشروطه ب أذا ....يعني البادي اظلم مستر ايكوسان!!!
    تحياتي لك ولاغانيك الحلوه!

    ردحذف
  36. ههههههههه حبيت خصوصا الفستان الأحمر:)
    يسلمو إيديك:)

    ردحذف
  37. والله انا جعت من اسامي الطبخات اللي حكيتيها لووووووول

    لا يا عمي اذا هيك القصة , ستيك ستيك حتى التخمة D:

    ردحذف
  38. أمكم حواء أخرجت ابانا آدم من الجنه .....وزوجةلوط كانت هي السبب في إستحقاقها العذاب لها ولوقومها جميعا بعدم إطاعة زوجها ...امّا أمنا آسيه رحمة الله عليها فقط إستحقت قصراً بالجنة نتيجة صبرها على فرعون الكافر الذي كان يوفر لها كل وسائل الراحه
    أمّا انتم يا بنات حواء العصر الحالي فإن إبليس يتعلم منكن دروس الدهاء ولا يقدر عليها
    رجل من هالرجال الغلبانين على أمرهم

    ردحذف
  39. رنا الشعباني
    الحمدلله على السلامه ....طمنينا عنك وعن البيبي!!!
    سعيده بعودتك

    ردحذف
  40. هناء
    بس لووول؟
    الله يسعدك:)

    ردحذف
  41. الى الرجل الغلبان
    اولا اهلا وسهلا بك في مدونتي.

    ثانيا....اود ان اعرف اي صنف من الرجال أنت؟...هل أنت من صنف سيدنا آدم عليه السلام أم سيدنا لوط عليه السلام أم فرعون الكافر الذي ستدخل زوجته الجنه ان شاء الله؟؟؟

    الحمدلله ان اقتربت الساعه والحساب يوم الحساب لرب العالمين وكل من سيدخل الجنه سيدخلها برحمة الله وليس بعمله! والحمد والشكر لله رب العالمين.

    ردحذف
  42. ههههههههه
    عسل والله
    عجبني أووي وهو بيغير القناة هههههههههههه
    دا كله عشان الفستان
    دمك زي السكر بجد هههههههه

    ردحذف
  43. و بعدين مع افتراض سوء النية!
    أنا بس بدي أتنور مشان أعمم النصائح ، مش أكثر

    زهقنا من الراديو و بدنا شوية آكشن! حرام يعني!! شوووووووووو هاااااااااااااااااااظ

    وسيبر : يعني مشان قبظتي أول راتب و ما خليتي و لا مول يعتب عليك بدك تحكي تليفونات!

    و شو فيس تو فيس يا نيسان!
    إذا هذا أذن الشر فالله يعييييينّا :(

    ردحذف
  44. le jasmination
    اهلا بكِ عزيزتي ....نورتي المدونه

    ردحذف
  45. شيشاني صباح الخير

    كل كبير في الي اكبر منه ...وكل شرير فيه اللي اشرشر منه ....وبكفي نقّ نقّ نقّ على الغلبانه ... نانا ما بتبعزق فلوسها هون وهون ....هاي ام كمونه:)) بتحوّش للسياره:)

    ردحذف
  46. يا إلهي شو ضحكت!
    أم كمونة

    لووووووووووول

    ردحذف
  47. بيطلعلك تضحك!!!واخيرا قدرت تخرب العلاقات ...فيه اشرشر من هيك ؟؟؟؟

    الله يسترنا هلا من ام كمونه!!!

    ردحذف
  48. طبعا ما صدقت !!!....فرصتك الذهبيه ....

    ردحذف
  49. jafra78:
    مش عارفة اعلق عند حدا ابدا ؟؟؟؟ شكلو الخط عندي كمان مسكر

    بس هالنصائح النارية هاي الي ساعة عم اضحك
    و اتخيل (ادم) بشكل عام لما يشوفها شو رح يحكي
    :)))))))))))))

    ردحذف
  50. اهاااا وانا بقول ليش طول اليوم داني بتطن ...اتاريكم جايبين سيرتي

    شيشاني....يس نيسانه بتمون تحكي اللي بدها اياه...بطلعلهااااا ولا حموت ولا خفقع بعيد الشر عن قلبي ....شفتي يا نيسانه كيف بقومني عليكي

    اول مره بسمع بهالتعبير...ام كمونه, مع اني لا بحب الكمون ولا اللون الكموني :)

    بس علشان الكل >>>>" شيشاني" يرتاح بحب اطمنكم و اهدي بالكم...لسا ما استلمت الراتب :( و بالنسبة للتحويش فاااااااااااااا انسى غرامك راح على راي اخوي :)

    ردحذف
  51. نيسانة ...

    هاد مش مطبخ (حواء) هاد مطبخ الشر،هاد الادراج لازم تسمي كيف تتخلصين من زوجك، عسل على شطة، هيك الزلمة بصيبو تلبك معوي وسلامتك ... خلص

    حسيتك كتير شريرة بهاد الادراج، تخيلتك بعد ما خلصتي ركبتي على المكنسة وطرتي ( زي الساحرات هدول اللي في الكرتون) طبعا مع ضحكة مجلجلة ( بالله يا نيسان ما هو انتي اللي حولتي ياسمينة لعصفورة) اعترفي ... اعترفي

    لا لا هاد الادراج لازم تنزلي بعدو ادراج صلحة للشباب، او تبعتيلنا كنافة على DHL

    او اقل ما فيها تنزلي ادراج في صور كنافة
    على اساس نتحلى على الصورة( على الريحة)

    بس مالنا ومال الحكي روعة الوصفات :)

    ردحذف
  52. جفرا
    الحمدلله على السلامه....البلوجر "لاسع" ع رأي نادر :))
    والشباب انبسطوا على الوصفات.دروس مجانيه الله وكيلك.

    ردحذف
  53. ويسبر
    الله يسعدك ويفرح قلبك يا رب....بعرف انا مونتي عليكِ صدقيني ما بجيب سيرتك الابالخير ولكن شو تقولي بكيد الاعادي!!!
    ام كمونه مصطلح ستي الله يرحمها ...بمعنى الموفره المدبره....
    الله يعينه ها الراتب شو انحكى فيه بالمدونات:)))

    ردحذف
  54. نادر
    حرام عليكم...حتى انت يا نادر!!!!
    انا شريره نعم ...وممكن اكون السبب في تلوث المحيطات وثقب الاوزون لكن ياسمينه لا ...محبوبتي هاي وخصوصا لما كانت تحرد وتقلب وجهها عن سندباد:)

    شو صلحة ما صلحة؟؟؟و كنافه كمان!
    والله لازم الشباب هم اللي يحلوني و يبعتوا لي كتاب شكر على اني بوعيهم وبفطنهم...عشان يعملوا حسابهم قبل ما يحكوا كلمه للمدام:)

    ردحذف
  55. خطيرة مرررررررره على قولتهم
    مش طبيعية إنت
    صراحه لما حكيتي عن الواجب التدويني وأنا كل يوم بشوف شو بتكتبي وبقلب على ضهري من الضحك
    بس هاي المرة تفوقتي على حالك
    loooooooooool

    ردحذف
  56. ونعم النصائح يا نيسان ..

    يسلموا ايديك عليها كثير كثير ...

    ردحذف
  57. نورا
    صحتين على قلبك الضحكات....وعقبال ما تطبقي هالنصائح عمليا:)

    ردحذف
  58. وجع البنفسج
    تسلمي يا رب...جمعتك مباركه

    ردحذف
  59. زيح زيح وسع وسع للمعلمة نيسانة
    شششششششششششششششوووووووووووووو هههههههههههاااااد
    خبرة ما شاء الله

    كعكي ينحني باحترام وتواضع لنيسانة
    ازا اتجوزت اكيد رح اعمل بلوك علي مدونتك

    ردحذف
  60. كعكي!!!
    بدري عليك!!! هلا فضيت لنا بعد ما خلصت من الجاهات والاعراس!

    هههههههه والله لو تعمل حظر تجول كمان....الله ما يجيك يوم وتذوق كم كعكه من تحت ايدين المدام :))وتاكلهم وانت بتضحك .

    ردحذف
  61. كيف هاااااااااااان عليكي إتطلعي تجربتك للعموم
    " أه قصدي ليو"

    مني وعليكي,, مبحكيش عن أسراري الدهائيه مبلاش توصل المحروس بطريقه أو بأخرى وأطلع ع فاشوش ومكشوفه

    بس عن جد
    لووووووووووووووووووووووووووووووووووووووووووووول
    لوووووووووووووووووووووووووووووووووووووووووول

    تحشيش تحليلك,, ترى أنا بعملها,, لإني صرت من ظمن قائمه النساوين
    وشكلي رح بعملك بوست تكميلي ل هاد
    صبرك عليّ اعصر مخي إمنيح

    ردحذف
  62. ههههههههههه
    لا تخافي على المحروس....ما باجي نقطه في بحره....وما في ولا خطه بتزبط معو...دايما متأهب وجوابه جاهز....بلاش اقول....خليني ساكته

    ردحذف
  63. كملي البوست الله يرضى عليكي...خلي المبتدئات يستفيدوا من الخبرات :)

    ردحذف