الخميس، يونيو 09، 2011

المستوره (كــيــت)




كيت يا مستوره....ابارك لكِ بزواجك من الامير وليام ولو انها متأخره شوي ...لكن الاهم أريد ان اتقدم لكِ بالشكر من كل قلبي
وخصوصاً ونحن على ابواب الصيف والكثير من حفلات الخطوبه والاعراس....والعجب العجاب الذي نراه فيها ...
 
شكراً  لكِ كيت
شكراً لكِ على اختيارك لهذا الموديل المستور....الذي اتمنى ان تتسابق فتياتنا عرائس المستقبل على اختيار موديل مشابه له لحفلات زفافهم بعد أن ارهقوا اعيننا بموديلات مكشوفه مبالغ فيها مشابهه للصوره علماً بان طبيعة جسم الفتاه الشرقيه او معظمهن لا يتناسب مع الموديلات التي تعرضها عارضات الازياء...لذلك يكون المنظر العام غير متناسق بوجود بروزات ونتوءات غير مريحه للبصر


شكراً لكِ كيت .....يا مستوره


شكراً لك كيت على تسريحتك البسيطه وماكياجك الابسط واعتمادك على ابتسامتك الجميله لابراز جمالك بدلاً من اكوام مساحيق التجميل...


....بالرغم من ان أنظار العالم كله كانت موجهه عليكِ الا انك لم تفزعي كعرائسنا في المبالغه بالتسريحه التي تكون كالجبل فوق رأس العروس او الماكياج الذي يجعلها أقرب ما تكون الى لوحة زيتيه متنقله (لوحة زيتيه رديئة الذوق) للاسف!


شكراً لكٍ كيت على ثقتك بنفسك والقيام بتسريح شعرك بطريقه بسيطه وتزيين نفسك بنفسك ....بينما عرائسنا يحترن في اختيار الكوافير الاهم والاشطر و الاغلى لتسريحهن و يجعلن من مسألة الشعر والماكياج كابوساً يؤرقهن ويستمتن في تصفح كتالوجات و مجلات العرائس و زيارة الصالونات وعمل البروفات وفي الآخر يخرجن (معظمهن) بالصوره الاتيه:



شكراً لكِ كيت ....ف بسببك ربما ستغار عرائسنا من بساطتك ونرتاح من الموديلات الغريبه وتسريحات الشعر العجيبه ...وسيكون الصيف اقل حراره ...على الاقل من ناحية الاعراس.

هناك 32 تعليقًا:

  1. ضحكتيني من كل قلبي على ساعة هالصبح :) بس معك حق بكل اللي كتبتيه :)

    و البساطة برأي البسيطة مو بس بتحلى الأشياء الظاهرة كمان بتحلى النفس و الروح.

    كل المحبة،
    LioneSS

    ردحذف
  2. أنا معاك!!!!! والله مزبوط كلامك وهذا اللي بظل أحكيه للبنات اللي على وش جواز بس ما بردوا.... بس للعلم، في عندهم في بريطانيا كمان تسريحات من الآخر! شوفي هذا البوست من بلوغ تاني عن القبعات والتسريحات في نفس عؤس كيت :) تقبلي مروري

    http://3beeta.blogspot.com/2011/04/wtf-is-that-on-her-head.html

    ردحذف
  3. صباح الخير
    بوست أكتر من رائع...المشكلةأنه المكياج لا يضيف جمال بل يزيد تكلف...بس البنات عنا مهووسات بتقليد الغير...لازم فلانه هيه اللي تعمل المكياج و طبعا فلانة بتكون بنت كلب و مابترحم بالسعر...ولازم الفستان يكون موديل غير عن أي شي حدا شافه مع العلم انه الفستان لبسة وحدة وخلص...بس العقل الأعوج و الغيرة و أحيانا كتير الفشخرة و الرغبة في خرب بيت العريس أقوى من كل تدخلات العقل والمنطق...ما تخافي البنات ما رح يغيروا رأيهم بالعكس اللي شفته أنا انه بعد ما كانوا بيستنوا العرس الملكي مشان يشوفوا الفستان و المكياج و موديل الشعر و زينة الورد...و بعد الفقسة.. كل البنات طلعوا بانطباع واحد انه....ييييييييييييي شو شرشوحةهالبنت...ما بتلبقله لووووول

    ردحذف
  4. نيسان هانم، أنا هاليومين مشغول جدا و مش فاضي أحك راسي، إلا إني قررت أعلق على هذا الإدراج.

    بتعرفي إنه الدوقة كيت (طبعاً قبل ما صارت دوقة) عاشت سنتين في عمان ومع ذلك ما عملت مثل إللي بتحكي عنهم، فيه عندك تفسير لهالظاهرة الغريبه؟

    ردحذف
  5. هههههه
    ذكرتيني بوحدهحكت عن العرس:
    ييي ما أبيخها مش حلو مش عامله تسريحه!

    ردحذف
  6. Saleh
    القناعة كنز لا يفنى

    نيسانة
    موضوع حلو ، اذا حدا من معارفك بعرف كيت و عيلتها احكيلي، سمعت عندها اخت عوجه جواز
    وبصراحة الي مصلحة

    ردحذف
  7. شكرا لك عزيزتي على هذا الموضوع الجميل كفيتي ووفيتي

    ردحذف
  8. نيسونه شكلك ضد المرأة الشرقيه في كل شي :) بامزح
    هلا خليني احكي شي المشكله اللي بتحكي فيها المجتمع اللي فرضها ع العروس يعني مش البنات بس وشغلة البدلات برضو تعتمد ع الموديل تبع السنه وكيت تزوجت من امير يعني بتقدر تعارض المجتمع باي طريقه بدها إياها وما راح تعير اي اهتمام لأي ملاحظه عنا المجتمع اله صوته وقوته والي بتعارضو يتم النق عليها تيجيبوا اجلها! 

    ردحذف
  9. انو بعرف انو الناس اذواق و هالحكي الاطرم...بس جد انهم بيشنعوا عحالهم لوووول

    ردحذف
  10. انا شب وبتذكر يوم عرس اختي اصرت تعمل تسريحه بأكبر صالونات عمان. هلأ انا اختي حلوه رباني .. يعني ماشا الله عليها .. لكن تنحت زي البنات صاحباتها .. طبعا بعد ما دفع العريس مبلغ ضخم عالتسريحه طلع شكلها زي اللي فاقع بوجهها برميل دهان !! حتى العريس مسكين ضل طول العرس يتطلع فيها ويقول .. ضحكو عليه .. مش هادي اللي انا خطبتها !!

    ردحذف
  11. الف شكر ليكى

    على عرضك الطيب وملاحظتك الجميلة


    مع خالص تحياتى

    ردحذف
  12. صدقيني اجيت وكتبت تعليق عن عشر تعليقات وقلت يلا ارسل التعليق
    بس شو طلعت مو عامله ساين ان وراح التعليق وانقهرت وطلعت
    بجد موضوع الصالونات الله لا يعطيهم الا العافيه مش عارفه ليش بس العروس بتتزوء وبتجهز حالها عشان الحفله وما بتوصل عند العريس غير بيكون المكياج والشعر وكل شي رجع لوضعه الطبيعي من الرقص وطبعا تنسوووش تكييف الصالات صدقنا يعني عشان هيك لازم العروس تعمل العرس قبل بيوم وتاني يوم يكون زفه لبيت عريسها على طول
    اسمعي انا صايره احكي الي بدي ياه ولا تقولوا شو مالها خلود
    خلص ولا حد يعلق على تعليقي لأنو هاظ هوه الصحيح
    ويسلم تمتش يا نيسانتنا الحلوه
    حكيمه من يوم يومتش

    ردحذف
  13. بعدين نسيت ارد عليكي يختي
    على شو بدي اجي عندكم لا طبخه ولا نفخه كله كلام بالعظم بيوجع ...لا كعكعه ولا بيضه مسلوقه ولا من في منقوشة زعتر بس شاطرين تفتحوا نفسنا
    أمّا سمعتلك خبر ابدريش هوه صحيح والا لأ
    قال يمكن يكون جمعة مدونين في الايام الجايه وبدنا عزيمة منسف مرتب

    ردحذف
  14. ليونس
    الله يسعدك من كل قلبي...والضحكه ما تفارقك ولا يوم

    ردحذف
  15. اسيل
    اهلا بك شرفتيني
    البنات ما بيردوا ولا ح يردوا !!!
    اطلعت على اللينك .....شي بيضحك ....لاحظت القبعات الغريبه خلال متابعتي الزفاف عالتلفزيون لكن هلا اتمعنت فيهم والتعليقات اللي معهم :))

    ردحذف
  16. مواطن
    لووول ....شو شرشوحه!!!
    البنات بيفكروا ان الصالون هو اللي بيحلليهم وانه هاي ليلة العمر ولازم اكون احلى واظرف واشيك عروس.....

    لكن القصد مش خربان بيت العريس....هو غيره وتقليد اكتر ....اذا بنت عمي راحت عالصالون الفلاني لازم انا اروح على اللي افخم منه عشان اطلع احلى منها !

    ردحذف
  17. الله يعطيك العافيه ويقويك صالح افندي

    على حد علمي كيت عاشت في الاردن وهي صغيره ...ما وعيت علينا منيح....يعني ما لحقت تتشرب الصنعه ههههههههههههه....لحسن حظها

    ردحذف
  18. مياسي
    لول....كيف عروس وبلا تسريحه....دخيلك !ما بيزبط العرس الا بالتسريحه الرطل على راسها:) ما ابيخها عن جد

    ردحذف
  19. كعكي
    بدون نق....خلي العالم تترزق:)

    انا سمعت ان اخو العريس الصغير الامير هاري بيدور على عروس....وناويه ادله على عروس "شقفه" مصلحتي انا ابدى....بلكي يطلعلي حلوان بصفتي الخطابه ....شي خاتم سوليتير او طقم الماسي من تبعون اليزابيث :)

    ردحذف
  20. كريمه سندي
    اهلا بكِ عزيزتي ....نورتي

    ردحذف
  21. نيسان مستعجلة لسه ما لحقنا نقرأ بوست مبارح ونعلق عليه!!
    بتعرفي يوم ما داومنا بعد عرس المستورة كانت كيت طبعا حديث اليوم و وحدة من المستورات اللي بالشغل حكت: يييييييييه كان جابوها عنا كان حطينالها شوية مكياج!!

    ردحذف
  22. سوزانه
    ياااااااااا بيييييه على الظلم !!!

    :)
    في منه هالحكي بس مش كله....مش ضد المرأه الشرقيه ...ضد ((طريقة التفكير التقليديه )) اللي بتفكر فيها المرأه الشرقيه....بالاخر انا امرأه شرقيه قلباً وقالباً لكن بما اننا طول نهارنا بعترض على مبدأ القطيع والخرفان.....ف بتقدري تقولي انا الغنمه السوداء اللي في القطيع ...دايما سارحه لحالي وبحب احكم عقلي فيما يناسبني او لا يناسبني....ذكرتيني بوالدتي الله يخليلي اياها ...يوم خطبتي انا ما بدي اروح عالصالون وبدي اعمل شعري ومكياجي لحالي بالبيت....امي صارت تقول ييييييييييه ليش شو ناقصك انتي ما تروحي وشو بدهم يقولوا الناس؟؟؟و...و....حتى خلوني اروح غصب عني...والنتيجه اني رجعت عالبيت خليت التسريحه لانها كانت بسيطه زي ما بدي ولكن غسلت وجهي من الدهان وعملت الماكياج اللي انا متعوده عليه. ...يعني غصبوني عالصالون بس بالاخر عملت اللي بدي اياه....قويه انا مش هيك؟ههههههههه
    العرس ...خليه ....بدو تدوينه مستقله:)

    ردحذف
  23. رين
    لو الشغله اذواق ....بنقول كل واحد حر بحاله...لكن ما فيها ذوق بالمره....فيها الموديل اللي دارج...بيلبق ما بيلبق مش مهم....المهم اكون على الموديل!

    ردحذف
  24. غير معرف
    بالضبط هي الفكره اللي في بالي ....الطبيعي احلى

    مسكين العريس شو بيشوف بلاوي بالعرس:)

    ردحذف
  25. تامر نبيل
    اهلا وسهلا فيك....نورت المدونه

    ردحذف
  26. خلود
    احكي باللي قلبك ولا تخلي يا قلبي....بس دخيلك هو يوم ومش خالصين ! بدك تخليها يومين....بلاش حرام عليكِ العريس مش ناقصه.

    من وين جبتي اشاعة الجمعه؟....و اذا فيها منسف...فهذا ما بينفع الا من تحت ايديكي يا بطتنا...ذوقينا اياه....بسمع عنه كتير لكن نفسي اتعرف عليه شخصياً.

    ردحذف
  27. كيكي
    دوبك تلحقي....شكلك ما قرأتي بوست العقاب؟؟؟

    هذا اسبوع العقاب....كل يوم تدوينه جديده لمدة اسبوع
    وشكلي ح احولك اياه ...العقااب ...على الكسل التدويني:)

    الله سترها و ما أستلموها والا كان لغمطوها هههههههههه

    ردحذف
  28. تعالي هون وشوفي الميك اب و الفساتين اللي عأصولها

    اعلانات الصالونات بالجرايد بتخوف بتكون و فساتين الاعراس اشي غريب عجيب و دندشه و اشياء بتبرق و بتلمع واشي نازل من هون و اشي طالع من هون اشي غريب عجيب و السعر بكون اشي خياليو و هون بشوفو اللي عنا مش حلو بالمره يعني ما بصير تكون نص مهرجه بعرسها الوحده لأ...مهرجّه رسمي زي الصور اللي حاطتيهم :)

    ردحذف
  29. أبدعتِ نيسان
    موضوع عـ الوجع

    ردحذف
  30. *بعد تمحييييييييييييييييييص شديييييييييييييييييييييييد* + قراءة التعليقات ... أقول و بعد الاستعانة بالله

    أباااااااااااااااااااااي الغييييييييييييييييييييييييرةةةةةةةةةةةةةةةةةة

    و بس

    "ما هو ما ظل كلام!" بدون ضرب يا نيْسان... :]

    ردحذف
  31. هههههههههه
    نهفة!
    حتى لو حكيتي بيقولوا عنك يييي معقدة!
    يعني لازم تسريحة وزنها 10 كيلو + 5 كيلو مكياج + 100 كيلو للفستان= مشان يطلع جمالك من ( الوزن الثقيل) !!

    ردحذف