الأحد، مايو 08، 2011

كذبه


في غمرة انشغالي الصباحي "سمعتُ صوتها بالصدفه تقول : "عزيزي مولود برج الثور"  ثلاثة ايام من الحظ السعيد بانتظارك...
اعجبني ما سمعت وابتسمت...فأقتربت من التلفزيون وجلست على اقرب كنبه اصغي اليها بأهتمام...كما تستمع الطالبه النجيبه لشرح درس مهم,أكملتْ قائله "لقد دخل القمر صباح اليوم الى مدار برجك ولهذا ستشهد حياتك تحسناً ملحوظاً في كافة النواحي
 ....ستسمع اخباراً سارّه مما سيغيّر حالتك النفسيه والمعنويه
وستشهد  تغييرات على وضعك المادي للاحسن....وسيكون القلب في افضل حالاته !
لذلك استغل فرصتك خلال الثلاثة ايام القادمه
ونفذ كل مشاريعك المؤجله فمن المؤكد انك ستنجح
وستحقق مكاسبا لم تتوقعها و....و.....ضحكتُ طويلاً وانا اقول كذب المنجمون ولو صدقوا
ولكن !!!!!؟؟؟؟؟
اليس من الرائع لو اسمع خبراً سارّاً الآن؟؟؟ 
     حتى لو كان .....كذبه !!!

هناك 15 تعليقًا:

  1. الخبر السار بكون جاي هيك هيك ، مش لانهم تنبأؤ فيه !
    بس النكتة بحب اعمل حركة دايما لمتابعيين الابراج ، جربي امسكي الجريدة و اقراي الابراج كل واحد محل الثاني ما راح تلاقي فرق ! و حياتك انا بدي اصير اتنبأ كمان!

    الله يسمعنا الاخبار الحلوه

    ردحذف
  2. nchallah all your days carry good news in them. It is nice to listen to that every once in a while, make you put your happy hoping hat, at least for few minutes ;)

    ردحذف
  3. كذب المنجمون ولو صدقوا لكن مع هيك لما بنسمعهم بنتمنى انوا حكيهم يكون صح خصوصا اذا كان منيح مشان هيك انا ما بحب اسمع ولا اعرف احتياطا يعني مع انوا اجتني فتر وانا بالجامعه كنت مهتمة بهاي القصص
    بس انشاللة اكييييد في خبر حلو بالثلاث ايام هدول بالأخير صعب ما يكون في ولا شي حلو بـ 3 ايام!!

    ردحذف
  4. سمعتي البرنامج اللي ورا التنبؤات على طول ؟؟؟؟
    لأ؟؟؟
    منيح خليني اخد راحتي :)

    ماااااا الك علي يمين طلع مذيع "مبتسم" و رحب فينا اشد ترحيب و حكا قرار صرف راتب شهري لستات البيوت الغير عاملات ابتداءا من اي وقت انت بدك اياه :)

    كيف بس
    خبر بجنن ما تنكري

    ان شاء الله على طول ايامك و ساعاتك و كل اوقاتك خير و فرح و سعاده تملى قلبك و ترتسم على وجهك على طول

    ملاحظه ع الهامش

    اكتر شي بحب بس يحكو عن شريك الحياة
    مشاكل مع شريك حياتك او مشاكل بالحب...انو بالله عليكم!!!!
    طب وينو؟؟؟
    و انا موافقه بنتطاوش ولا يهمكم :)

    ردحذف
  5. احيانا بنحتاج الى كل هذه الاكاذيب حتى الحياة تستمر كنت في الاردن اسمعها وكانت في وحده في العيله تحكي حرام احكيلها حرام بس احيانا السبيل الوحيد لتطلعي من الجو هو الحلم بامل كذاب !
    انا بحب اسمعهم لانه بشوف السخافه لما احاول ابحث عن الاشياء اللي بيحكوها فيني وما بلاقي في شي بيطبق علي كانه انا من برج الطنجره مش السرطان اللي ما حدا اكتشفوا لسه
    كل يوم في شي حلو ..والله يخلي كل ايامك حلوة يارب

    ردحذف
  6. نايسان
    اننا نعيش على كذبة اسمها الحياة
    كذبت الحياة ولو صدقت
    يخيب مسعانا ونعود ومعنا التندم
    فيا قلب لا تحزع اذا عضنى الاسى فانى بعد اليوم لن أتألم

    ردحذف
  7. نيسانة ...

    ان شاء الله بصير بخت برج التور سعادة على طووول
    :)
    ازا الله فتحها بوجهك بالمصاري تنسيناش
    :)

    ردحذف
  8. حبيبتي نيسان

    هأنا هنا من جديد

    الابراج ما بصدقها ولا بسمعها

    خلينا نقول" تفاءلوا خيراً تجدوه"

    " لا يغير الله ما بقوم حتى يغيروا ما بأنفسهم"
    يعني التغير يبدأمن عندنا نحنا ومن ثمَّ ينعكس على حياتنا عشان حياتي تتغير لازم أغير نفسيتي ورؤيتي للأشياء..

    نيسان صح انا ما بأمن بلابراج بس ادا صار عندك شي حلو ما تنسينا "منقول عن نادر أحمد"

    تحيتي

    ردحذف
  9. عمرى ما صدقت الابراج و الطالع

    كله نصب عزيزتى

    ردحذف
  10. غريبه كيف الحياه فيها الكذب أحلا وألذ طعماً من الواقع

    ردحذف
  11. أيامك كلها خير وسعادة وأمل إن شاء الله

    ردحذف
  12. You need to stop listening to these things because they are , as you mentioned, lies
    :)

    ردحذف
  13. صباح الخير نيساني نوارة قلبي مروحتي قنديلي بوح بساتيني
    المهم طبعا انا خلود بس متكاسله افوت واسجل قلت يلا بمر مرور كريم
    الابراج حتى لمن ما نصدقها بس بنفرح انو يمكن يكون في شي حلو عالطريق ما هو علم الغيب نحنا ما بنعرف فيه بس بنقول تفائلوا بالخير تجدوه ويمكن مرات الابراج بتزكرنا بشي كنا بدنا نعمله وناسيين مثلا عيد ميلاد صديق او لمة حلوة معزومين فيها وهيك
    حلو الواحد او الوحده تسمع خبر حلو عالصبح صحيح او مش صحيح هاد هوه بس هيك سلام

    ردحذف
  14. أحيانا بنحب نسمع الكذبة و لونّا عارفين انها كذبة
    كتير حبيت البوست

    ردحذف
  15. الفاضلة نيسان
    مساك الله بالخير

    المسألة خطيرة جداً
    فمع كونها تجرنا الى ضياع كتابة أربعين صلاة
    ندمن عليها فنستسهلها فنستمتع بها فنصدقها
    نعلم بأنها كذبة لكنها تأخذنا الى هاوية جرف هار
    أعذريني قد أجاري نفسي في كذب زميل لي يواسيني في أمر أعلم أنه كاذب فيه ولكنني أريد أن أهدأ لحظياً لأواصل المسير , لكن هؤلاء والشاشات التي تروجهم شر خطير وإثم كبير , فلا تغضبي مني سيدتي فلست أهلاً لأخاطب أمثالك من أهل الفكر والبيان , ولمنه الإخاء في الله دفعني لأقول ما أعلم بأنه حق نصت علية الآيات والأحاديث والله أعلم, قد نستهين بذنب بصغير في أعيننا كبير عند الله
    بالتفؤل نقضي على حاجتنا لكذبة تبهجنا

    الفاضلة نيسان
    لك مني محبة في الله

    ردحذف