الثلاثاء، ديسمبر 07، 2010

الواجب الاول....ذكريااااااااات

الواجب قديم  واختياري من  حبيبتنا ويسبر
أقدم ذكرى من طفولتك...
بعد الجهد والعناء  تذكرت حادثتين هم أقدم ما أذكره
الاولى ...كنت في صف البستان ...هلا صار اسمه"كيه جي بي" عفواً "كيه جي وان"
يعني عمري ما بين 3 سنوات ونصف الى اربع وكنت أرجع على البيت بالباص ....متذكره اني مره هربت من معلمة الباص وروحت على البيت مشي ...ما بعرف ليش ولا ايش اللي خطر ببالي اعمل هيك...ومع انه المسافه بين الروضه والبيت كانت أكثر من 3 كيلومتر الا اني نجحت وبعد وقت طويل في الوصول للبيت
طبعاً لما وصلت للبيت كانت الدنيا مقلوبه عليّ لانه  الساعه صارت بعد التنتين وانا المفروض اكون بالبيت بحدود الساعه 12
وبعدها تم نقلي من الروضه اياها ...الى روضة مدرسة دير اللاتين الاقرب الى بيتنا...


الثانيه
أكلت أكثر من نصف علبة الدواء الخاص بجدي رحمة الله عليه....حبوب حمرا...شكلها مغري وكأنها سمارتيس...مضغت اول حبه
ولما لقيت طعمها مر...لم ايأس وجربت التانيه على أمل ان تكون أحسن....ولما اقتنعت انه الطعم ما رح يتغير بلشت ابلعهم بلع عشان ما استطعم فيهم ولا اذكر بعدها الا اني صحيت في غرفة الطوارئ...انابيب داخله في أنفي وانا أصرخ على الممرضه اللي ماسكه ايدي حتى لا أسحب الانابيب اللي في أنفي حتى ينتهي الطبيب من غسيل معدتي
أكثر شي أذكره هو الانابيب ومدى أنزعاجي من وجودهم داخل أنفي
عمري وقتها ....كان أقل من ثلاث سنوات ...على حد ما تذكره الوالده....ما كنت وقتها  دخلت الروضه لسه


آه ما احلى الذكريااااااااات ....بس بلاش


سأمرر الواجب الى الاعزاء
يوسف ,   نور ,  و خلوووود


بأنتظار أقدم ذكرياتكم


الواجب التاني ...يتبع لاحقاً
(من كل عقلك شيشاني....أعمل واجبين بنفس الليله!!!!)

هناك 24 تعليقًا:

  1. LOOOOOOOOOOOOOOOOOOOOOOOOOOOOOOOOOOOOOOL 3al KGB 7ashashet 3laiha hay!!!!w jd zekraiatek msh t7sheesh ella shwai
    ino jd '3rebeen el a6fal,2al 7atta law 6a3mo shene3 msh mshkleh bajarreb kman marra LOOOOOOOOOOL

    w ana qarrart al3ab m3kom :)

    ردحذف
  2. الثانية خطيييرة جدا و الله يكون فى عون أهلك وقتها

    ردحذف
  3. سبحان الله كيف الأطفال ممكن تفكر، عندي نظرية إنه الإنسان ما بيتغير مع الزمن، طبعا ممكن يهذب تصرفاته لما يصير يعرف نتائج الأعمال، فهل الكلام التالي بيعبر عن شخصيتك الحالية؟
    1) "إنتي عنيدة جداً" (إصرارك ع بلع حبات الدوا حتى بعد ما اكتشفتي إنهم مش سمارتيز)،
    2) "عندك حب للإستقلالية مهما تكن النتائج" (ترويحتك مشي لوحدك).

    صح! مش هيك؟

    ممكن أضيف واحدة كمان بس بلاها لأنه الدليل عليها مش قوي.

    ردحذف
  4. هلا تحشيش....بس وقتها ...الله لا يحطك محلي
    يالله يا بطه....روقي "الجي" و اعصري "الدي "
    والعبي معنا

    للموديل القديم: جي من جمجمه ,دي من دماغ

    ردحذف
  5. تيرز ...أكيد خطيره...أنا كنت على وشك الانتحار زي ما تقولي كده

    ردحذف
  6. صالح...صحيح جداً جداً
    احكي التالته و الك أحلى صحن كعك بيتي ...عن جد تحليلاتك النفسيه لا تقل خطوره عن السياسيه ههههههههه

    ردحذف
  7. طب ما دام مصرة: كان جدك الله يرحمه كبير في عينيك، و كنتي بتحاولي تكوني مثله (جزء حب له و جزء غيرة منه).
    الدليل ع هالحكي مش قوي بس موجود بتناول الدوا.

    شغلة الكعك خايف تطلع مثل كعكات إم عمر هانم صار إلنا يمكن ثلاث سنين متشحتفين وراهن، و مش شايفين لا أحمر و لا أخضر (صحيح هذول بينحكو عن المصاري شو دخلهم بالكعك!)

    ردحذف
  8. أحسنت صالح افندي
    نعم هو كان كبير جداً وهو بمقام والدي
    بس برضو انا كنت أحب السمارتيس كتير...ههههههه

    بتستاهل الكعكات...ببعتلك اياهم مع كعكات ام عمر:)

    ردحذف
  9. يااااي اسمي مكتوب :)))

    اول ذكرى عندي شي مشابه الها بالصف الثالث "ب" :)

    كنت ماخده لعبتي معي عالمدرسه و انا مروحه مريت من قدام باب قاريبنا و اخدنا الوقت, روحّت عالبيت لقيت بابا و اخواني منتشرين بدورو علي و ما بنسى منظر ماما يومها :( كان يوم

    اما الذكرى التانيه فالحمد لله ربنا ستر ....يا الله شو بخاف من هالقصص انا ...ربنا لا يبلي حد و الحمد لله على سلامتك يا قمر :)

    ردحذف
  10. ....ولما اقتنعت انه الطعم ما رح يتغير بلشت ابلعهم بلع عشان ما استطعم فيهم
    ههههههههههههههههههههه... والله تحشيش :)

    ردحذف
  11. lol- ذكريات الطفولة غير شكل :)

    ردحذف
  12. عنيده يا بنت ,,,,بس لزيزه على طول
    كاينه تاكلي سمارتيس وانتي صغيره
    يا عم مدلله

    ردحذف
  13. رح ارجع بس بكره ان شاء الله راسي عم بيوجعني مو عارفه ليش
    سلامتي صح؟؟
    شكرا الله يسلمك

    ردحذف
  14. واحلى شي فيكي انك عامله تطبيق انو التعليق ينزل على طول بدون ما نقعد نأكد ونكتب حروف ما الها طعمه
    الله يسعدك عيوني
    ويرضى عليكي يا رب
    ويا عيوني آه يا عيوني
    ما تسيبوني مش ناقص انا غيره عليه
    ويا ظنوني آه يا ظنوني ما تسبوني مش ناقص انا حيرة عليه
    خربطنا نبلش
    تصبحي على خير عيوني برضه
    يا معلمتي انتي بتزكري
    هاي الزكريات الحلوة

    ردحذف
  15. ما احلى الذكريات التى عندما نتذكرها نظل نضحك
    على ما فعلنا
    والحمد لله انك بخير فالله حافظ دائما
    مشكورة نيسان وانا سعبدة بمعرفتك

    ردحذف
  16. الذكرى الأولى : أبييييييييييييييييييه الك...ب .. يا الله عاااااااااااد

    هيهيهيهيييييي

    تعرفي شو، كنت بدي أكتب بالواجب عندي لما شربت "كاز" و المشكلة كنت شي 10-11 سنة! و عمي أخذني على المستشفى و حاسس تماما ً معك بشغلة ال"برابيش" .. يع! أما ليش شربت كاز .. أبعرفش لووول

    *و الله كنت بدي أحكي "وااااااااااااااال، واجبين مرة وحدة، معقول!" .. بس ما خيبتي أملي :P

    عجبني كلام صالح و الله يعينه على ضياع الكعك!

    ك ج ب ... هممممممم بتمنى صالح يحللنا هاي كمان :)

    *ويسبر: ما حدا طلب منك تكتبي موشّح ! هاظا بس أنا اللي بعمل هيك لأني صغير لساتني و "غرير" أما إنت ف نانا و كبيرة و حكياتك بنعسو! :شر مستطيييييييييييييير:

    ردحذف
  17. شوهاد

    كاينه جباره أكتر مني بزماناتك بالنسبه للموقف الأول

    والموقف التاني صار مع أخوي أحمد نفسه,, بس هداك تناول دوا أعصاب لإبوي,,وما إنتبهنا عليه إلا لما كان مفعوله ماخد ف جسمه وبترنح
    الحمدلله لحقنا,,متل ما صار معك,, بس كان مأثر عليه مزبوط

    الله يخليلك ذاكرتك وترجعي تكتبلينا أشياء تانيه متل هالأكشنات هاي

    ع الهامش,, عجبني تحليل " الشخصيه" بتاع عمو صال صال اللي سامحني بالكعكات

    عن أي كعكات بتحكو,,

    بجد,, مين إم عمر؟!؟؟!؟!؟!؟

    تعديل: بتراجع عن كلمه " عجبني" لإنها إنسرقت.

    صباح الئشطه يا ئشطه..

    ردحذف
  18. According to whisper I need to tag 5 ppl, u r one of them
    The task is to mention 7 weird things abt urself when u were a child..

    ردحذف
  19. مساء الخير نيسان
    لست متفاجئة بشيء .. وكأنني اعرفكِ من وقتها ... منذ كنّا نلعب هناك في الساحة حيث صيحاتنا وضحكاتنا تعلو على أصوات معلماتنا ..
    او ربما عندما كنتِ شقية تصرين على ابتلاع الدواء وتقنعين نفسكِ أنه سمارتيس ...

    يسعد هالمساااا
    ومع اجمل الذكريات تتجدد فيّ ذكريات حديثة العهد لكن في قلبي عمرها مئــ 100ــة عام .
    دمتِ بكل خيــــر يا غالية

    ردحذف
  20. لي دعوة يا نيسان " الواجب " أذكره وأشكركِ عليه .. لست أنسى يا غالية وسألبّي الدعوة قريباً ولن أتأخر ..
    وسامحيني لكِ دعوة مني " واجب بسيط " و حلي براحتك ..

    http://alamalnour.blogspot.com/2010/12/blog-post_10.html
    مودتي

    ردحذف
  21. هههههههههه غريبة والله ,العادة الاطفال لما يذوقوا طعم مر يوقفوا بس انتي تفكير غييييييييييير وعجيبببببب خليتيني اضحك من قلب هههههههه
    يعني مضغتي الاولى والثانية طعمهم مر وفي الاخير البلع !!!!!

    ردحذف