الأحد، ديسمبر 12، 2010

المشاغب 12\12\1996

اليوم عيد ميلاد المشاغب

المشاغب ...الثاني في الاولاد,,,الاول في الشغب والمشاكل...كل يوم مع المشاغب له مشكله جديده وطرفه جديده ودواء جديد وطبيب جديد...من أول يوم له في الدنيا ملاء البيت  بصراخه على عكس اخيه الاكبر "الهاديء"
وكانه يصر على أن يكون هو محط الانتباه والكل مشغولين فيه

لكل مرحله من مراحل طفولته نكهه مميزه وهوايه جديده ...كثير الحركه والشقاوه وبحاجه لمراقبه دائمه لانك لن تتوقع ما هي حركته التاليه 

لن اتعبكم بقصص تربيته المتعبه وخصوصاً في الست سنوات الاولى
لكن سأسرد لكم بعضاً من هواياته و نهفاته

-هوايته المفضله  
....لعب الجلول...لكن على طريقته ....الجلول لازم تكون من مرطبان الزيتون الاسود

كان كل ما غفلت عنه دقائق او انشغلت في البيت او بالتلفون ....لازم يفتح مرطبان الزيتون الاسود ,,,الاسود بالذات ...لانه مع زيت وبيزحلق اكثر...ويكمش كمشة زيتون ويلعب فيهم جلول على ارض المطبخ
وما نفع معه كل اساليب التهديد ولا التخويف وكل مره يكرر نفس اللعبه حتى خلّص مرطبان الزيتون و حرّمت أنا بعدها أكبس زيتون .....ألى ان كبر شوي وتغيرت هوايته

-هواية التسلق

الظاهر كان يومها زهقان كتير  وحب انه يتسلى شوي
حاول يعمل من مرايا السخان الشمسي ....سحسيله ويتسلق عليها










والنتيجه
اربعة عشر قطبه في رجليه التنتين ....و ابرة تيتانوس من الحجم الكبير

لاتفكروني اهملته وطلع لحالو على سطح البيت....كان برفقه السيد الوالد والحمدلله ....لكن الوالد انشغل بتفقد خزانات المياة وترك المشاغب يسرح ويمرح على كيفو
حرّم بعديها  يقرب عالسخان وحرّم التسلق وانتقل الى هوايه جديده

هواية الرسم:

أكيد مش على الورق والا الدفاتر ...الابواب والحيطان والايدي والارجل حتى يتحول الى لوحه متحركه ....بعد المفاوضات والتهديدات نجحنا في اقناعه بعدم الرسم على الحيطان ولا على جسمه  لكن تحول الى طاولة غرفة الجلوس

...كان يقلبها ويجلس عليها وهي مقلوبه رأساً على عقب ويرسم على وجهها السفلي....مش مشكله ....رضينا بهذا الحل....المهم ان تبقى الابواب نظيفه 

-نهفة ال vaseline

في ذات يوم أغبر كنت في زياره لوالدتي  وبالطبع معي الهادئ والمشاغب اما الفراشه فلم تكن قد شرفت بعد لهذه الدنيا.
كعادته ....تسلل بهدوء الى غرفة والدتي وفتح  علبة فازلين من الحجم الكبير....لا اعرف كيف تمكن من فتحها أصلاً فهو لم يتجاوز عمره السنتين يومها ...و كانت العلبة ثقيله وغطاها من النوع اللي صعب فتحه
وقام بدهن شعره ووجهه وايديه ورجليه  بعلبة الفازلين كامله....
طبعاً ....صار بدو حمام و تلييف 
المشكله صار يزحلق من ايدينا في داخل البانيو ومش عارفين نمسكه و لا نثبته حتى نقدر  نحممه واستهلكنا  عبوة شامبو بحالها حتى نقدر نشيل آثار الفازلين عن طلعته البهيه و ....يا دوب 
ضل يلمع بعدها 3 أيام  من اثر الفازلين على وجهه 


هذه بعضاً من نوادر مشاغبي الشقي هذا غير الفراطه من نوع تكسير المزهريات وصبّ الماء على التلفزيون والسباحه في صحن الملوخيه "اللي بيحبها كتير"
وكان  يُصر على اكلها لوحده بدون مساعده وطبعاً ....يسبح فيها سباحه حره على الصدر والظهر والرأس

بمناسبة الرأس...كان شعره خفيف كتير وهو بيبي ....فقمنا بحلاقة شعره على الصفر حتى  يقوى ...وظل بعديها سنه وهو أصلع :) ,,,,ولا شعره ....ومن هنا أكتسب بجداره لقب "سُنبل"  وأصبح هو سنبل العيله



كل عام وانت بخير يا مشاغب
ربي لا يحرمنا من  شغبك ابداً ابداً

هناك 20 تعليقًا:

  1. عقبال ال150سنه بصحه وعافيه ورضا منك ومن أبوه يارب
    الله يخليلك ياه,,

    شو مشاغب,, مش طبيعي هالولد,, بزكرني بزماناتي وطفولتي البريئيه

    فازلين,, لوووووووووووووووووووووووووووول,, هاي فقعت منها

    مساءك حلو ومشاكس...

    ردحذف
  2. t7sheeeesh mo'3amarato
    w LOOOOL 3al Vaseline...ebn o5ty mbari7 3melha w la'3ma6 o5to m3o kman w lisa el 2 mdab2een la hl2 HAHAHA

    allah y5aleelek yah w ye7fazo w tshofeeh 3rees ya rb
    kol 3am w howe b alf 5air
    <3

    ردحذف
  3. الله يخليلك اياه يا رب وما يحرمك منه
    يالله وين عنوان بيتكم بدي ابعتلو هدية علبة فازلين من الي بحبها قلبك
    وما تخافي..برضو علبة شامبو حجم عائلي
    :woops:

    ردحذف
  4. اما حكاية الفازلين ففظيعة هههههههههههه

    يسعده يارب

    و الف الف مبروك و كل عام و هو بخير و صحة وعافية و شفاوة و حب لكم و لاخوانه و لكل الناس اللي تحبه يارب :)

    ردحذف
  5. كل عام و هو بالف خير يا رب و عقبال ال 100 سنه يا رب

    يا الله مغامراته نفس اخوي التاني :)
    و الرسم تحت الطاولة هاد كان برضه عنّا منه كتير و جوا الخزانه كمان

    بس بحب اطمنك...كله بقلب هداوه ..... عال 30 :)

    العمر كله يا رب...و الحمد لله على سلامتك :)

    ردحذف
  6. مساء الخير
    وكل سنة وهو والعائلة جميعا بالف خير

    دوري عليه هو نسي كل هالحكايا
    ولو تسأليه بقولك مين ؟؟؟؟؟
    انا مش معقول

    HAPPY BIRTHDAY

    ردحذف
  7. Happy birthday 4 him
    Allah ykhalih o ma ye7rimek mn hal moshaghabat lol

    ردحذف
  8. حلو الطفل المشاغب.. بسلي ;)
    كل عام وهو بخير يارب .. ويخليلك اياه و يفرحك في :)

    ردحذف
  9. ان شاء الله يظل العمر كله وتشوفيه عريس وتفرحي فيه يا رب

    منيح انه كان المكتب فاضي , لأني متت ضحك لما قرأت قصة الفازلين , تخيلته وهو بزحلق بين ايديكم بالبانيو لوووووووووول

    أحلى اشي بالبوست كلّه
    "
    كل عام وانت بخير يا مشاغب
    ربي لا يحرمنا من شغبك ابداً ابداً
    "

    ردحذف
  10. دمه خفيف اوى البوست

    و الله ضحكتينى و انا اصلا كنت مضايقة اوى النهاردة

    ربنا يخليهولك و يهديه

    شفتى بقى ليه الجنة تحت اقدام الامهات


    ربنا معاكى

    ردحذف
  11. الله يحميه من شغبه ويخليلك إياه يا رب
    ما شاء الله عليه والله مبدع وانشاء الله راح يكون له مستقبل واعد وبكرة بتشوفي..
    كل عام وهو بخير

    ردحذف
  12. ههههههههههههههه قاعدة اتخيلكوهو يزحلق منك من الفازلين هههههههههههههه
    الله يحفظه ويخليه لك يااااااااااااارب والعمر كله ان شاء الله :)

    ردحذف
  13. صباح الورد والجوري
    صباح المطر والخير
    صباح فيه رضى من رب العباد
    حبيبتي سوسو ,,,,والله الي بيشوفو ما بيتوقع منو كل هالشي ,,,شو الوضع بالزبط يعني بيرد عالتلفون بكل هدوء بيفوت وبيطلع من البيت بكل هدوء ولا عمري حسيت له صوت او حركه
    ما شاء الله عليهم الله يخليلك ياهم يا رب
    بس اكتر شي قهرني بالموضوع انو غلبك وهو صغير
    حبيبة قلبي عشان هيك ربنا معطيكي هالعقل والطيبه والروقان
    الله يخليهم وتشوفيهم متل ما انتي بدك يا رب وما يلوع لك قلب على حبيب او غالي يا رب
    وينولك الي ببالك يا رب
    كله صعب والله كمان عالقطب والا على الزيتون والا على الفازلين
    وكلنا تخيلنا الوضع بالبانيو كيف كان خصوصي حبيبتي ابن سلفي مرة اجوا عنا وفقدنا الولد الي عمره أقل من سنتين ودور عليه والا هو بغرفة الولاد وفاتح علبة الفازلين الاصلي التقيل ومبلش تدهين من راسه لساسو يعني ما شاء الله صار مجلتن وامه شافت هالمنظر وصارت تضحك وانا كنت كتير مهتمه انو خلص علبة الفازلين والولاد طاير عقلهم وهمه بيصوروا فيه على المنظر وهوه زي الهبيله مبسوط على هالانجاز الرائع
    وبيوزع ابتسامات بيفكر حاله عامل شي حلو كتير
    المهم لا تقولي لي يومين ولا من اسبوع لعشرة ايام حتى راح اثر الفازلين
    بس صار صاحب بشره ناعمه وشعر دائما ملبط
    حكايته حلوة هالمهند هاد مع انو مو اشقر زي مهند هداك بس برضه اسمراني وحليوه
    سلميلي عليه وعقبال العمر كله بالصحة والعافيه يا رب
    يخليكي انتي وابوهم لهم وتعيشوا سعداء على طول

    ردحذف
  14. عنجد قد ما ضحكت :))))

    الله يخليلكم إياه و تشوفي مثل ما بتحبي و أكثر

    الشقاوة = صحة + إبداع زي ما بيقولوا (هم مين اللي بيقولوا! نفسي أعرف + أكون منهم) لوول

    يوم ميلااااااااااااااااد سعيد

    و وين صور الأشياء الزاكية .. و اللا أقلك بلااااش

    * ليش الغمز و اللمز من البابا و إنو شبه مهمل! أنا أعترض!

    ردحذف
  15. صباحك خير وثلجٌ نقي كقلبه الأبيض النقي

    قصص طريفة ,, وأنا أقول عن صغيري أنه مشاغب
    اكتشفت أن للشغب مراتب ومنازل ... وأن مشاغبي - حفظه الله - أبسط المراتب ومشاغبكِ - حماه الله - قد يكون أعلاها.

    كل عام والمشاغب الجميل بألف ألف خير
    عيد سيعد له ولكم جميعاً
    وينعاد وهو بخير ويبقى لكم ويشاغب فلولا شغبهم لن يكون لحياتنا حركة ومعنى ...
    مودتي

    ردحذف
  16. أم عموره
    الله يبارك فيكِ يا رب ....وتفرحي بعموره وبيسو

    رينو
    كمان اولاد اختك؟
    شكلو الفازلين في شي بيجذب الصغار؟

    نمروده
    لا شكراً....خبيها لعديّ ههههههه

    وفاء
    الله يبارك فيكِ ويسعدك

    سوسو
    وانتي سالمه ....اكتبيلنا عن مانو اشي

    ويسبر
    انا اللي بحب أطمنك ...هديان كتير ...بس كأنو تحول للنكد بعد الشغب

    يوسف
    وانت سالم يا رب....و اذا هو نسي...أنا شو بدو ينسيني

    طارق
    وانت سالم ...آمين

    هنا
    يا رب يعطيك من المشاغبين والمشاغبات وتتسلي :))))

    ابو زينه
    الله يسعدك ويفرحك ب زينه

    تيرز
    اضحكي ....ملعون ابو النكد

    كيكي
    ان شاء الله يا رب زي ما تقولي ....بلاش يروح تعبي عالفاضي

    وايت فريدوم
    الله يسعدك وتبقي فرحانه على طول

    خلووود
    تسلمي على هالصباح الحلو
    هلا ابو سمره هادي شوي....خصوصا قدام الضيوف
    بس في الو افلام نكد ...بتطيّر العقل...شكلهم الاطفال كلهم بيحبوا الفازلين؟ او بيحبوا الاشياء اللى بتغلب كلها؟

    هيثم
    ما في صور
    بلاش تفتح علي باب مع ام عمر...نحنا الكعك لحالو مش قادرين ننسيها الموضوع

    نعم في شوية غمز بالنسبه للبابا
    تخيل لو كنت انا مكانو هذاك الموقف ...فكرك كان بيكتفي بالغمز...منيح مني اني غمزت بس

    نور
    صباحك فل
    وانتِ بخير يا رب

    ما شاء الله عن صغيرك ...جريء وشخصيته حلوه
    الله يحفظه ويسعده

    ردحذف
  17. مسا الخير للجميع
    ولك نيسان..
    يسعدني التحليق هنا
    حقيقة لقد اضحكني مشاغبك

    ربي يحفظه ...العمر كله ان شاء الله فرح وذكريات جميلة ..وسعادة لا تنقطع..
    تحياتي لك وللجميع في اول زياراتي
    مررت هنا وسأظل...

    ردحذف
  18. صباح الخير زينه

    شكرا لدعواتك ...ويسعدني مرورك وتواجدك...يا مائة مرحبا

    ردحذف
  19. ههههههههههه الله يخلسلكم اياه يا رب
    هههههههه احلا شي لما حلقتولو وبعدها ما رضيو يطلعو شعراتو فعلا حششت على هاد الموقف هههههه

    ردحذف