الثلاثاء، نوفمبر 09، 2010

ديمقراطية الشبشب

مساء الخير

بمناسبة العرس الديمقراطي اللي صار في البلد اليوم ...اعيد نشر مفهومي للديمقراطيه
مش لاني افلست وبدوّر بدفاتري القديمه...لانه ما في شي جديد بيستاهل اكتبه عن الديمقراطيه اكتر من الشبشب.
الموضوع قديم من ال2009 وقد نشرته اكثر من مره...سامحوني
  ديمقراطيه الشبشب
اعزائي...مؤخراً عاد زوجي من سفر قصير لبلاد بعيده...في الجانب الآخر
من العالم...و كعادته كلما عاد من سفره....يعود محملاً بالهدايا والاغراض و الاشواق...و من اغرب ما عاد به هذه المره....شبشب...أو بابوج..."سموه ما شئتم" ولكنه شبشب بلاستيكي رخيص الثمن....مطبوع عليه من باطنه خارطة الدوله التي كان يزورها....الخارطه مفصله بولاياتها الخمسين و
مرسومه بألوان العلم...الأزرق والاحمر والابيض...!!!!!
بنجومه الخمسين....وبالحجم الكبير وواضحه جداً للعيان

حقاً دُهشت جداً منه و سألته كيف اشتريته؟
اجابني:عادي يباع في أكبر الاسواق التجاريه لديهم....ومعروض على الرفوف....والناس تلبسه في الاسواق والشارع وكل مكان...
وأضاف...والله لو كان ثمنه عشرة اضعاف السعر المعلن لاشتريته
فقط لالبسه واضع قدمي على الخارطه والعلم و امشي في الشارع
واشعر بما يُسمى بالديموقراطيه
المهم اصبح هذا الشبشب هو المفضل بالبيت....اتسابق انا و الاولاد
على استخدامه والمشي به"داخل البيت" بالطبع

اصدقائي....أنا أم ديموقراطيه واشجع اولادي دائماً على قول رأيهم بصراحه
والمشاركه في القرارات التي تهمنا كعائله.....لكن...اذا تجرأ أحدهم واعترض على طبخة اليوم


فشبشب الديمقراطيه دائماً موجود ليحل المشكله
ودمتم




هناك 15 تعليقًا:

  1. الشبشب بس داخل البيت و لا بتستعملوه بالحمام؟
    و ليش ما تحاولو تروجو لديمقراطية الشبشب للخارج؟

    ردحذف
  2. D:
    لو هالشبشب في دوله عربيه كان قامت الدنيا و ما قعدت
    انه كيف علم و خارطة الدولة تنحط على شبشب S:

    بس حبيت فكرة الديمقراطيه و حاولي تستعمليها و تستغليها اقصى استغلال ;)

    ردحذف
  3. مرحبا نيسانة،
    رأيي انه أولاً،لا أوافقكم الرأي إنه الدوس على العلم بقصد الاهانة تعبير حر عن الرأي ولا إنه اشي صح أصلاً
    إحنا بنعارض سياسة بلد،بنعارض حكومة..بنعارض سياسيين و رجال دولة..بس البلد نفسها شو دخلها؟أهلها شو دخلهم؟ليش يعني ندعس عالعلم؟شو المكسب اللي حققناه أصلاً...زكرتيني وقت الرسومات المسيئة للرسول صلى الله عليه و سلم لما كل الناس قعدت تحرق بعلم الدنمارك 0_O
    أنا صراحة انصدمت وقتها..إنه شو دخل البلد اذا فيها واحد ولا تنين أنذال طب ما احنا بلادنا كلها أنذال و ما حد بيحرق علمها لأنه اذا بدنا نبلش حرق أعلام و دعس عليها لأنه هاي البلد أو هديك فيها اشي غلط عمرنا ما رح نخلص و أصلا عمرنا ما بنستفيد!
    تاني شغلة بخصوص انهم بيبيعوا الشبشب و رسمة العلم عليه،بتزكر صحباتي الأمريكيات سألوني عن لما أسقطوا تمثال صدام حسين،إنه ليش الناس رمت اللي باجرها عليه؟
    كانوا جد مستغربين و اضطريت اشرحلهم ايش معنى الشبشب بثقافتنا و أديش هاي كانت تعبير عن الاهانة و الاحتقار
    عشان هيك همة بيبيعوا و بيلبسوا هاد الشبشب ببساطة لأنه بالنسبة الهم قطعة ملابس عليها العلم و بالعكس هاد تعبير عن الوطنية و القومية بالنسبة الهم

    ردحذف
  4. صباح الخير


    انا مابحكي بالسياسه,, بس إزا كان في هيك " شحاطه" من علم كم دوله معاديه,, خبريني من وين اجيبها

    ردحذف
  5. أنا بتذكر هذا الإدراج :)
    بس 2009؟ يمكن أنا غلطان بس بتذكر إنو كان قبل كم شهر ..

    المهمّ عقبال ما نثير نصدّر الديمقراطية و نستغني عن الاستيراد :)

    ردحذف
  6. يسعد صباحك نيسانة المدونين

    تعليقي على هذا الموضوع في المره السابقة استوحيته من الفقرة الأخيرة في هذا الادراج الرائع عندما قلت أنك أم ديمقراطيه فقلت يومها لك :

    ديمقراطية الشبشب تصلح كعنوان لغالبية المنظرين والمتفلسفين في عالمنا العربي فكم هم بارعون في إلقاء المحاضرات وعقد الندوات والمؤتمرات والاستعراض في الصحف والمجلات في أنهم أصحاب فكر ديمقراطي ويحملون رسالة مبادئه على أعناقهم ولكن وبمجرد مرور عابر سبيل يخالفهم الرأي ولو بشكل بسيط تكون النتيجة الحتمية لذلك استخدام ذلك الشبشب ليعلموهم الديمقراطية على أصولها :)

    وأنا هنا اليوم ومجددا أؤكد على فكرتي بأن الديمقراطيه في عالمنا العربي تتطلب أولا التطبيق الشخصي لمن يرفع شعارها قبل أن يضعها شعارا يتباهى فيه وبشكل ظاهري أمام الآخرين .

    كل الود

    ردحذف
  7. This is one of the best posts I ever read. Mal3oob :)

    ردحذف
  8. يعني انتي ديموقراطية على الطريقة العربية او البوشيه- من بوش- :)

    بس اوافق رين الرأي, انا مااحب فكرة الدوس على العلم- اي علم كان- و لا حرقه كمان.

    ردحذف
  9. I %100 agree with Rain
    Very well said, young lady :).
    Naysan, el'3yeb elek wel hadyeh elna ;)

    ردحذف
  10. Like usual they r trying to teach the other part of the world a lesson
    but is that really democracy
    i don't think so bcoz there is an embedded msg behind tht flip flop

    ردحذف
  11. مساء الخير نيسان
    وكل عام وانتِ والعائلة بالف خير

    واضح تماما ان اعداءنا لا يهتمون كثيرا بالدعس باقدامهم على اعلامنا طالما هم قادرين بالدوس ببساطيرهم على رؤوسنا وعلى ارضنا ورموزنا
    وكل من له قيمة بنظرنا

    اما نحن فكل ما يمكننا عمله هو ان نُقنع انفسنا باننا نرد لهم الصاع صاعين
    بان ندعس على اعلامهم او نحرقها

    شعوب وانظمة....مفلسة

    ردحذف
  12. rain,,,wafa',,,dr.N,,,yosef

    اتفق معكم برفض فكرة الدعس على العلم او احراقه...ولا اعتبرها طريقه حضاريه للتعبير عن الرأي
    لكن استغربت فكرة وجود العلم على شبشب

    شكرا " رين " للتوضيح

    هيثم
    ما شاء الله ذاكرتك تمام
    صحيح انا نشرته هون قبل اشهر لكن اساسا هو قديم من ال2009

    طارق
    لا اظن ان هناك رسائل مخفيه...اقنعني تفسير رين اكثر

    اشرف ,ليونس
    والله انا ام ديمقراطيه ...اسألوا اولادي حتى

    وحل
    ...لا ما قدرنا ...و بلاش اقول انه زوجي كان مخبي الشبشب بكيس اسود و ملفلفه بين الملابس حتى ما يتعرض للمسائله في المطار !!! مطارنا طبعاً

    ام عمر
    ...المره الجاي بحسب حسابك...بس لا تقولي مين جابلك اياه

    سوسو ...مروى
    سعيده ان عجبكم الموضوع

    يسعد مساكم اصدقائي

    ردحذف
  13. تم النشر في مدونات من أجل التغيير
    دمت بود

    ردحذف