الثلاثاء، أكتوبر 26، 2010

حياتي


كنت على موعد مع اختي الصغيره ...مريت عليها بشغلها نروح مشوارنا من هناك لان المكان أقرب  لمكان عملها
جالسه انا في انتظارها لتكمل بعض الاوراق فيرن التلفون...ترد:اهلين حياتي!!!
أرفع حواجبي وتتوسع عيوني :مين حياتك؟

على حد علمي ...أختي مش متأهله ولا وجود  في حياتها اي "حياتي" بعد!

تضحك عليّ وتكمل حديثها:مش معقول ...ما اتفقنا هيك حياتي!

وبعدين؟؟؟؟؟ ستصيبني سكته قلبيه ان لم اعرف موضوع "حياتها " الآن


وانا جالسه أغلي و أفور ...وهي تحكي بكل هدوء وتبتسم وبتكمل حديثها :طيب حياتي ..سأرد لك خبر بعد الظهر.

قبل ان احرك شفتاي لاسألها
ضحكت وهي تقول...هذا "حياتي" الفلاني ...
موظف في شركة كذا وعندنا شغل مع شركتهم و...و...وما بيهمني باقي الموضوع
المهم عرفت حياتها مين بيكون ,,,  طلع اخينا اسمه "حياتي"



على الهامش:
  يا بختو "حياتي" على هالاسم




أما أنا فحياتي ...هي


تصبحون على خير ,,,,nightyyyyyyyyy

هناك 27 تعليقًا:

  1. حياتي.....
    نازل على الانتخابات النيابية
    وفي الدائرة الثالثة كمان


    مش انا هو حياتي.....
    وتأكدوا بانفسمكم من اعلانات المرشحين

    ردحذف
  2. يوسف...يسعد مساك
    هههههههههههه
    ... المرشح للانتخابات بيكون عمو ل"حياتي" وت"حياتي"

    ردحذف
  3. اول مرة اسمع هذا الاسم

    اكيد بيحصلة مشاكل كتير بسبب اسمه

    ردحذف
  4. نيسان..
    أحكيلك شو القصة
    المرشح اللي عندكم هو مرشح نابلسي أساسا.. و بحكم إني عايش في نابلس..خليني أحكيلك إنو من الأسماء المشهورة في نابلس للجيل الماضي هي حياتي و روحي..

    في المدرسة كان النا أستاذ..استشهد ابن عمه..كان اسم ابن عمه (فلان حياتي فلان) و لما سألناه عن الموضوع حكالنا إنو عمه فعلا اسمه حياتي و والده لأستاذنا اسمه روحي

    و المشكلة هادي بتواجه سيدات بعرفهم لما يكونوا في بيئة عمل مفتوحة و بيضطروا ينادوا على بعض بصوت عالي

    تـ حياتي :)

    ردحذف
  5. صباح الفل تيرز

    انا شايفه انه بالعكس ....خصوصا لما الصبايا الحلوين يسألوه :كيفك حياتي؟ اخبارك ايه حياتي؟

    ردحذف
  6. لووووول يا حياتشي انا

    و هو اكيد مبسوط كتيير على الصبايا بتناديه حياتي ..

    ليش لأ !!

    ردحذف
  7. صباح الخير جعفر

    اسم روحي مش غريب ومتداول اكثر ...ولو لفظناه بتسكين الواو ...ما بيسبب اي احراج

    اما حياتي ...
    في عمّان الاسم"حياتي" مش معروف ...اول مره بسمعه وقت الموقف هذا اللي كتبته

    تحيّه لارواح الشهداء العطره وتحياتي لكم في نابلس وفي كل بقعه من أرضنا الطهور

    ردحذف
  8. فرتوشه يا حياتي ...مع اصدق امنياتي

    لول....أكيد هو مبسوط...مين يصحللو؟؟؟

    ردحذف
  9. بدي أغير إسمي الأصلي وأسمي حالي,, مقلب
    بتزبط فكرك؟؟

    ردحذف
  10. صباحو
    في عنا دكتور بالجامعة اسمه تركي،دائما بتخيل لا اراديا انه بيدرّس تركي لول و هو بالحقيقة بيدرّس عربي
    و بهالمناسبة بهديكم هالأغنية:
    http://www.4shared.com/audio/Ln-uAAhL/___online.htm

    ردحذف
  11. يسعد صباحك مقلب خانم
    وبندلعك,,, مقلوبه:))) ايش رأيك؟

    ردحذف
  12. rain صباح الفل
    تركي شائع بالخليج اكتر لكن عندنا برضو في كتير خصوصا بالعائلات البدويه
    الله يسامحك
    صار على بالي اكتب عن الاسماء الغريبه اللي بتمر علينا
    او انتي اكتبيلنا,,,ايش رأيك؟ بس بالعربي

    والله يسامحك كمان مره ...ما اشتغلت الاغنيه
    لكن مني الك أغنية أسامينا للسيده فيروز

    ردحذف
  13. loooooooool
    لكل من اسمه نصيب
    بس بتزبطش عليه واحد اتنين تلاتة حياتي يا حياتي
    :)

    ردحذف
  14. ههههههههههههههههه

    جد حلوه:)) أحلى شي حالة الشك اللي اختك حطتك فيها:))

    بس يعني حتى لو اتأهلت معقول تحكيلو يا حياتي؟!!

    يعني خليها علاكة حب أحسن :))

    ردحذف
  15. اول مره بسمع هالاسم
    ما بعرف ممكن بس يكون الواحد بموقف و يستخدم الاسم بفقد المعنى و بنبطل نفكر فيه... زي روحي, بعرف ناس اسمائهم روحي و عمري ما فكرت بمعنى اسمهم من قبل :)

    ملاحظه ع الهامش

    شكرا عالنصيحه....معك حق :)

    ردحذف
  16. السلام عليكم ...
    كيفك عسوله...

    اما حياتي هههههههه
    ما اعتبر الكلمه هذي كأسم كأنه ( نيك نيم ) في النت ههههههههه

    يتهنى بالاسم :D

    اتذكر مرت علي اسماء كثيره غريبه وعجيبه لكن الان مايحظرني اتذكر اسم واحد..

    وبالنسبه لاسم تركي فعلا مثل ماقلتي شائع بالخليج وكثير متداول.

    ردحذف
  17. أزال المؤلف هذا التعليق.

    ردحذف
  18. صباح الخير اصدقائي

    نمرووده:
    ...:))) صحيح ما بيزبط

    مياسي:
    أظن ان زوجة حياتي ....ح تناديه بكل الاسماء والالقاب والصفات الا اسمه
    خليها علاكه ع رأيك احسن

    طارق:
    جعفر وضح في تعليقه انه الاسم شائع في نابلس

    وفاء:
    ما انا قلت ,,,يا بختو

    ويسبر:
    منوّره يا حياتي
    بدون تشكرات يا روحي...ما النا غنى عنك يا ماما

    I am visible:
    وعليكم السلام ورحمة الله وبركاته
    الحمدلله ....مشتاقه
    لما تتذكري اكتبيلنا بوست عن الاسماء الغريبه
    عجبتني الفكره
    في عندنا بالاردن تركي وكمان في تركيه ...عن جد


    يسعد صبااااااحكم جميعاً

    ردحذف
  19. يعني ما أحلى من البوست إلا التعليقات :)))))

    *ملاحظة شبه بريئة: ليش بتغاري من أختك :]]] خلص ،،، خليها تعيش حيات"ها" <== حاس حالي إم عمر صرت! هيهيهيهيييي

    ردحذف
  20. شكلك عديتني بمشكلة التعليقات هيثم :(
    ما بعرف وين عم يختفوا!

    نيسانة،تعالي احنا التنتين نكتب عن الأسماء،ترى أنا عندي طحشة اشي تحشيش من الاخر :)))

    يسلموا عالاغنية....فيروز♥♥♥

    ردحذف
  21. raino:
    new comments r not being dlvrd to me on yr "hated by me" blog! fix it

    plzz :)

    ردحذف
  22. But how can I fix it?is there an option in the settings?and where is it?

    ehe2 ehe2
    :(

    ردحذف
  23. بالله شو ورانا هيثم
    خد راحتك مستر اتش ,,,المهم انحلت مشكلة التعليقات

    ردحذف