الاثنين، أغسطس 16، 2010

مواقف و نتائج و قرارات


الموقف الاول:

زميلتي في العمل ...علاقتنا رسميه ولا تتجاوز حدود  صباح الخير ...في نهاية الدوام أراها تقف بانتظار سيارة اجره ...أعرض عليها توصيلها لاقرب نقطه الى بيتها  طالما طريقنا واحد ...توافق بسرور ويتكرر الموقف يومياً

النتيجه:

تتحول المبادره الى واجب  يومي و أصبح من المفترض علي ان أستأذن الزميله قبل مسؤولي المباشر عندما أريد المغادره قبل نهاية الدوام ,,,والادهى أصبح علي ان اختار الطريق الاقرب والاسرع  لأن اولاد الزميله ينتظرونها على الباب وأن أواجه التبرم والتأفف عندما أتوقف في الطريق لشراء بعض الحاجيات.

القرار:
       لا   لمبدأ التعاون بين الزملاء ... و لاحتى التعاطف ..........
 ألعب وحدك ...ترجع   راضي.

الموقف الثاني:
جارتي في البنايه ....تمر بظروف صعبه فوالدتها في المستشفى بحاله حرجه جداً ....فأعرض عليها ان تترك رضيعها عندي
حتى تتمكن من مرافقة والدتها الى ان تتحسن صحتها

النتيجه:
أصبح انا جليسة أطفال العماره ...فكل من لديها مشوار ضروري او غير ضروري او مدعوه لحضور حفل زفاف قريب من الدرجه العاشره ....أصبحت تتوجه الي لأحل مشكلة أولادها

القرار:
      لا لمبدأ الجار  للجار ...والوجه الناشف هو أحسن طريقه لمقابلة الجارات

الموقف الثالث:
صديقتي المقربه ... تشكو من اهمالها لنفسها وعدم العنايه بمظهرها ...نتيجة الارهاق والتعب الدائم في ملاحقة ومتابعة اولادها الخمسه
فأتحمس أنا وفي أقرب مناسبه  أهديها مجموعه من مستحضرات العنايه بالبشره.

النتيجه:
بعد أيام من تلقي هديتي ...أتلقى هاتف لوم وعتاب من صديقتي ...فهي تشكو الآن من أحمرار وحساسيه ببشرتها لاحد مكونات هديتي

القرار:
     لا لمبدأ الهديه مفتاح القلوب  و لا  ضروره للهديه أساساً...و إن كان لا بد    منها ...ف ناشف أحسن وأءمن

أصدقائي ...مواقف من المفترض ان تكون انسانيه ...تحولت لنتائج غير أنسانيه !!!
هل قراراتي صحيحه ؟؟؟ام بحاجه الى تعديل؟؟؟

هناك 22 تعليقًا:

  1. أزال المؤلف هذا التعليق.

    ردحذف
  2. مواقفك الأساسية صحيحة... النتائج و ردود أفعالك خطأ... طرق تفكير الناس إللي بدها تغيير

    ردحذف
  3. نيسان

    رغم ان المبادئ الجميله هي التي يجب ان تغلف حياتنا الا ان اختلاف البشر واختلاف اخلاقهم قلب كل شيء رأس على عقب

    الله يعينك على زميلاتك وجاراتك

    ويوفقك لعمل الخير

    دمتي بود وياسمين

    ردحذف
  4. كيفك نيسان؟ ضحكتيني والله..

    معك حق، أنا كنت أحزن على شاب معي بالشغل فأطعمي من سندويشتي كل يوم الصبح، بعدين البت واجب وصار لازم أعمل سندويشه إلي وسندويشه إلو!

    وفي صاحبتي من أيام الجامعة، بعد ما أنا شتغلت وهي كانت لسا بتدرس كل ما نطلع أنا ادفع الحساب كامل، الله وكيلك شتغلت وأنا لسا بحاسب عنها..

    الناس ما بينعطو وجه، بس مش عرفه بحب اساعد الناس لما يكونو محتاجين.. بس لازم تحطي حدود وما تستحي منهم..

    ردحذف
  5. ما تزعلي مني نيسانة المدونين بس الجانب التشاؤمي المظلم من هيثم هوه اللي حيعلق اليوم!

    خيرا ً تعمل شرا ً تلقى !

    90% من الناس حيوانات و 9% منهم بحاولوا يكونوا حيوانات! بظل ال 1% اللي نصهم بتأرجحوا بين الحيوانية و شبه الإنسانية.

    بتمنى جوابي يكون شاف ! و عذرا ً على اللهجة

    *إنت برأيي ما عملت غير الصواب و افتراض حسن النية بس الناس ...

    ردحذف
  6. قراراتك عقلانية بس ... يمكن احنا كمان صار مالنا خلق على شيء. انا عارفة انه لازم الخير يتقابل بخير بس احيانا ما لازم بس نتعامل مع الناس بخير و حب و مساعدة بس يمكن طولة بال. و بعدين انت عارفتهم الان: تعتقدي انوا ممكن يثمر فيهم المعروف؟ انوا ممكن احد يتغير بعد فترة ؟ و يقدر ايش نيسان بتسوي ؟ اعطيهم فرصة و اتنين و تلاتة و بعدين قولي لا . و الله باتكلم من تجربة و صدقيني اكلت على راسي كتير بس ايش الواحد يسوي. طبعك الاصيل مايقدر يرفض يقدم المعروف :)

    ردحذف
  7. المثل بقول
    (( إن كان حبيبك عسل لا تلحسو كلو ))

    وهذه هي المشكلة التي حدثت في مواقفك حيث بدأت بتقديم المساعدة وتحولت بعد ذلك إلى واجب ولكن كان من الممكن في الفترة الفاصلة مابين التحول من المساعدة إلى الواجب أن تذكري لهم هذا المثل بشكل صريح .

    الخجل من مواجهة الآخرين عندما يتمادون في متطلباتهم معنا مدعاة للإفراط أكثر في استنزافنا لتحقيق مصالحهم وهنا لابد أن يكون القرار الحاسم بإيقافهم عند حدودهم .

    نهارك سعيد

    ردحذف
  8. مشكلتنا انّا بنستحي بين ناس ما بقدّرو و للاسف مرات حتى ما بستحو وما بعرفو الحدود اللي لازم يوقفو عندها

    و للاسف النتائج بتخلينا ننحرم من الاجر و نحرم ناس محتاجين النا و من اللي بقدّرو اعمالنا

    اعتقد الواجب انك تكوني حاسمة اكتر و تبقي على عمل الخير :)

    ردحذف
  9. صحيح ناس ما بتنعطى وجه!
    علشان هيك وصلنا لمرحلة انه الجار ما بعرف جاره ولا بيسلم عليه وكل واحد مسكر على حاله الباب وما بده يختلط بحد.
    خير تعمل شر تلقى.
    خلص توبي عن مساعدة الناس، هيك احسن.

    ردحذف
  10. هلق يمكن صار لازم هالايام ما نتعمق بعلاقاتنا بالاخرين .. لآنهم بفكروكي انه انتي اكيد محتاجيتهم مقابل هالخدمة .. بعد فترة "لازم" تصيري انتي ممتنة الهم لآنك بتخدميهم هالخدمات الانسانية .. وبحملوكي جميلة لآنك مرافقتيهم .. ولو؟
    واذا قررتي الاعتراض بتصيري قليلة واجب وبتنسي العشرة !!!

    لهيك ... ما تتدخلي الا بالقريب القريب :)
    تحياتي

    ردحذف
  11. القرارات اللي اخدتيها هي الطريقة المناسبة للتخلص من العالم اللي بلا زوق
    بصراحة
    كتير من الناس ( مش كلهم ) ما بيستاهلوا اكتر من ابتسامة و صباح الخير لانو ما عندهم مبادئ اصلا لنراعيهم و نعاملهم من باب المبدا
    انا مش حقودة بس خلاصة ما اتعرضتلوا زي اللي اتعرضتيلوا انتي و اكتر كمان

    تحية و روقي

    ردحذف
  12. مساء رمضاني مبارك للجميع,,,

    صالح:
    ...لن يتغير اي شي لا الناس ولا تفكيرهم

    موود:
    ...زميلاتي ارتحت منهم ...حاليا عاطله عن العمل ...باقي عندي جاراتي:) و شوية صديقات

    blabbrgirl:
    والله شر البليه ما يضحك ...الله يعينك انتي التانيه على زملائك وصديقاتك

    هيثم:
    طول بالك يا هيثم ...رمضان كريم ,انا عندي امل في الواحد بالميه من اللي قلتهم انت


    وفاء:
    صحيح يا عزيزتي...اللي بدو يعمل معروف مش لازم ينتظر شكر من الناس ...لا تخافي...انا لا زلت كتيرة غلبه وما بقدر اشوف حدا بضيق وما اساعده لكن مش بنفس الزخم السابق الآن اقدم خدماتي على حذر


    أشرف:
    عم بحاول اعرف الحد الفاصل بين المعروف وبين الواجب ...و الخجل يمنعني احيانا من رفض طلب احدهم الى ان اورط ويصبح تكرار المعروف واجب حتمي


    ويسبر:
    مساءك فل معلمتي
    اول شي بدي احكيلك انه المشكله ما زالت موجوده
    وهذا البوست طبعته مره تانيه حرف حرف بالرغم من اني نقلته على الوردباد زي ما قلتي...حتى اني جربت انقله على الايميل ومن الايميل انسخه هون...ما زبط
    ح اكتبلك بالتفصيل ايش الرسائل اللي بتطلعلي وبعديها بيعلق الكمبيوتر وما بيرضى يشتغل الا لما اعمل ريبووت
    وتاني شي ...بحاول اكون حاسمه ...لكن بعد فوات الآوان ...صاروا يعرفوني...اني ما بحب اكسف حدا

    ردحذف
  13. برأيي قراراتك صح 100% لانو بهالزمن بطف يطلعلنا نحكي اعمل معروف و ارمي بالبحر حتى... لانو حتى المعروف صرنا نتحاسب عليه.

    ردحذف
  14. أنسه كياله:
    يا ريت اقدر اتوب ...ما بقدر...انا حنيْنه و حنيتي جايبيتلي وجع راس وتعب اعصاب

    أحمد المحروق:
    المشكله بالقريبين ...هما اللي بيزعلوا لما تعتذر لهم عن خدمه سبق انك ساعدتهم فيها...او ساعدت حدا تاني وهم لا.


    جفرا:
    رايقه وحياة عيونك ...يسعد مساكي
    لكن نتيجة هالمواقف وغيرها كتير ...اصبحت رسميه جدا ومتكلفه مع معظم اللي بعرفهم وهو بصراحه ما يضايقني لاني بطبعي مش هيك.

    يسعد مسائكم جميعاً اصدقائي ورفاقي
    ليله رمضانيه سعيده وهانئه اتمناها لكم.

    ردحذف
  15. فزلكات :
    اهلا بيك ...هالزمن صار لازم يصير المثل ...أعمل معروف و أوعى تعيده :)

    مساءك سعيد

    ردحذف
  16. خيرا تفعل شرا تلقى

    الناس هكذا مهما حاولنا ان نرضيهم او بالأحرى نحسن إليهم نرى عكس ذلك
    وذلك واضح كما قلتِ في توصيلك لزميلتك في العمل
    وكل مافعلته عين الصواب لكن المشكلة في الناس انفسهم يستغلون طيبة الانسان

    ردحذف
  17. السلام عليكم ورحمة الله وبركاته..

    الطيبه صفة حسنة ورائعه في الشخص لكن للاسف
    هذه الصفة اصبحت وسيله لاستقلال الشخص عن طريقها...

    الله يعينك ويساعدك ... كثير مريت طوال مشواري الدراسي بالاستقلال ولا زلت ...
    لكن للاسف لما اكون محتاجة لشي او معلومة ... او ..الخ
    لا الغي اي مساعدة ...

    اعجبني البوست ... ومثل مايقال ( شر البلية مايضحك )
    ضحكت بصراحه على كلامك :D

    ورمضان كريم

    ردحذف
  18. مرحبا و كل عام و انت بألف خير

    طريقتك في طرح المشاكل أعجبتني و الك كل الحق تحسي إنك إنت الغلطانة بالمبادرة الطيبة لأنه طبيعة الناس أصبحت إستغلالية

    يعني المثل اللي بقول " إعمل خير و كبه في البحر" بطل ينفع عشان هذا العمل رح يرجع و ينطلك زي المصيبة

    الله يأجرك على الخير اللي بتعمليه و يهدي الناس بلكن تربى عندهم شوي ذوق

    ردحذف
  19. مرحبا نيسانه .
    يسعدلي صباحك ومسائك وكل اوقاتك
    والله ضحكت من قلبي
    بس العيب مش فيكي العيب في الناس اللي ماعندها اي تقدير وتقابل ادبك وذوقك باحترام دون تجاوز ومبالغه
    لانو بس الشي يزيد عن حده ينقلب ضده
    ومثل ماقال اشرف (( اذا حبيبك عسل لاتلحسو كله وهما ماتركو شي هههههههه

    مبادراتك راقيه وانسانيه بككل معنى الكلمه
    بس القرار مافيكي تعمميه بس فيكي تتبعي اسلوب مع الناس توضحي من خلاله وجهة نظرك في الناس اللي ماتترك من العسل شي يعني وصليلهم رساله بشكل غير مباشر وانتي هيك سويتي اللي عليكي وبيرضيكي اكيد


    عالعموم ارضاء الناس غايه لا تدرك
    الاهم ترضي حالك وبس تحسي الكل استغلك فيكي تسكري بابك لحتى تروقي ^_*

    وهيثم ليش هالتشاؤم الدنيا حلوه بس نفهمها
    ونحنا مو قادرين لا نفهمها ولا نسايرها عالقليل ،
    نظل نواجها وهيك غلط
    مافيني انصحك لانك اكيد اعلم مني وافهم اكيد
    بس حوار وجمعنا وان شالله كلنا نقدر نتخذ قرارت مانندم عليها


    نيسانه ياعسل
    والله استمتعت كتير وانا اقراء روحك معبيه الصفحه
    جدا عبقه الله يعطيكي الصحه

    تحياتي الك واحترامي

    ردحذف
  20. white freedom


    اهلا بكِ صديقتي ....افتقدتك والله يحمينا من الاستغلال ويبعد عنا المستغلين


    i am visible
    مرحبا بكِ عزيزتي...سعيده انك ضحكتي وفعلا شر البلية مايضحك

    palestanian princess
    اهلا فيكي وانتي بألف خير يا رب
    فعلا ...انا اعمل ما يمليه علي ضميري والباقي اتركه لرب العالمين



    toota
    شكراً لكلامك اللطيف وروحك الحلوه
    خجلتيني وسعيده بكِ وبكلامك العسل
    ديري بالك على حالك وخبي عسلاتك للي بيستاهلهم وبس

    شايفه كيف هيثم متشائم؟؟؟
    لكن معذور ....لما كتب التعليق كان متضايق
    اكيد هلا هو احسن بعد ما فرح برجعة هيومه ومامتها بالسلامه
    تسلميلي انتي يا رب

    ردحذف
  21. فعلا هذه مواقف نمر بها كثيرا..أحسنت التعبير عنها.
    ربما هو فن كيف تقول لا بأدب حتى لا يعتاد أصحابك على استغلالك في الموقف الأول.

    ردحذف