الجمعة، يوليو 30، 2010

بحر الفوضى

السلام عليكم


رجعت من السفر من عدة ايام ...كانت رحله موفقه الى سوريا وقضيت اوقات سعيده جدا...كل شي كان في الرحله حلو...مكان اقامتنا...الاماكن اللي زرناها ...واهم شي الرفقه ...ممتازه
لكن من لما رجعت وانا غارقه في بحر من الفوضى ...ليست مجرد فوضى بيتيه عائليه منزليه ...لكن فوضى فكريه ايضاً...طبعا الفوضى البيتيه واضحه ولاداعي لشرحها ....لكن الفوضى الفكريه ناتجه عن عشرات الافكار التي تدور في عقلي وانا غير قادره على السيطره على اي منها ...ولا حتى التعبير  عنها.
خلال سفرتي  تعمدت ان لا اخذ معي اللابتوب واعتبرتها اجازه من كل شي ...من البيت والنت والتلفونات والالتزامات,
لكن اخذت معي مفكره وقلم لأسجل بعض افكاري  ومشاهداتي اواي مواقف طريفه تواجهني...للاسف ما سجلت اي شي.
ليس لقلة المواقف بل لكسلي وانشغالي بالاطايب السوريه :) ...لكن مطبوعه كلها في ذاكرتي وسأكتب عنها لاحقاً.
لما رجعت طبعاً استفقدتكم كلكم اصدقائي وصديقاتي وقرات كل ما كتب خلال غيابي لكن ايضا ...كنت عاجزه عن التعليق ....لنفس السبب...الفوضى ...علقت على شي واحد فقط هو عيد ميلاد احمد المحروق ...حبيت كتير خاطرة ويسبر الى القمر ...ولم اعلق سامحيني وي وي ...افكار اشرف كانت رائعه كالمعتاد ....لكنها زادت من فوضاي الفكريه فهربت سريعا بدون تعليق ...تفقدت اسبوعيات جبر ... و زعلت لما ما لقيتها ...و نعنشت شوي مع زريعات ام عمر وكان نفسي اشرب عندهم فنجان قهوه ...ولحقت  خسة مياسي  وتفاحة جفرا ....وتفرجت على افلام الكرتون  اللي بعتتهم وايت فريدوم لهيومه وتسليت شوي عند وفاء ودمعت  عند تيرز .... وبالرغم من اني لم ابتعد الا ايام قليله الا اني شعرت كأني غايبه من سنه!!!
اتمنى ان اكون قادره على ترتيب اموري خلال الايام القادمه وقبل رمضان ان شاء الله "اتمنى" لان هناك فوضى رمضانيه عارمه" ....اموري البيتيه ترتبت وماشي حالها ....لكن اموري العقليه ...سارحه والرب راعيها ......سامحوني كلكم ....عارفه اني وعدتكم اكتبلكم عن كتير اشياء  ولسه ما كتبت عنها ...لكن ان شاء الله بعد انتهاء شهر رمضان المبارك وعودة الاولاد الى المدارس وعودة المغتربين الى قواعدهم سالمين ....ساجمع شتات افكاري ...بعد ان انعم بقليل من الهدوء والفراغ....اللهم بلغنا رمضان يا رب واعنا على صيامه وقيامه ...وكل عام وانتم بخير "مقدما".

هناك 14 تعليقًا:

  1. تعرفي نيسان, إنت لخصتي جزء كبير من حياتي الإلكترونية! و الله :) + :(
    بتوقع كلنا بنقدر نتواصل مع سطورك اللي كتبتيها هون بشكل أو بآخر.

    الحمد لله على السلامة.

    عجبتني الفوضى "الفكرية" <=== معك كل الحق في الوصف!

    شكرا ً :)، جد.

    ردحذف
  2. عبرتي عننا كلنا في التدوينه دي , شكرا نيسان و ان شاءالله قريبا تترتب الفوضى الفكرية :)

    ردحذف
  3. i thought i am following your blog, but i was wrong !!! i think there are problem in my subscription , i didn't got your posts since very long time !! anyway, i fix it .

    so i am following you for sure now
    :)

    ردحذف
  4. هيثم و وفاء...افهم انكم غرقانين في بحر الفوضى ايضاًً...ربنا المستعان

    د.محمد...اهلا وسهلا بك ,شرفتني بوجودك

    يسعد مساكم جميعا ...عذراً صباحكم

    ردحذف
  5. نيسانة المدونين الرائعه

    في البداية الحمدلله على السلامه واشتقنالك كتيييير :)

    وثانيا كل عام وانت بألف خير بمناسبة قرب حلول شهر رمضان المبارك :)

    وثالثا سننتظر تجميعك لشتات أفكارك على أحر من الجمر ولاطولي علينا الغيبه :)

    كل الود

    ردحذف
  6. حبيبتي نيسانه المدونين...الف الحمد لله على سلامتك, اشتقنالك كتير كتير كتير

    الحمد لله انك انبسطتي و هاد اهم شي, الفوضى هاي زي ما حكو زملائي المدونين شكله الكل بعاني منها هالفتره, هيك الصيف زوبعه على رأي ماما وشوي شوي بترجع الامور بتستقر

    كتير مبسوطه انك قرأتي اللي كتبناه و مبسوطه اكتر انها عجبتك, مع انّا بنحب تعليقاتك ولكن وجودك اهم بالنسبة النا

    كل عام وانتي بالف خير و ان شاء الله ربنا يتقبّل طاعاتنا اجمعين :)

    ردحذف
  7. الحمدلله على السلامة :)
    أنا في طور تعلم السباحة فبحر الفوضى... قبل لا أغرق فيه :(

    ردحذف
  8. حمد الله على السلامة
    اهم شي انك غيرتي جو و انبسطي
    اما على الافكار و لا يهمك اكيد في بعدها ناتج منيح الك
    انا هيك بعد كل فوضى الافكار بكون في ناتج كويس

    و شكرا انك تذكرتينا :)
    و كل عام و انت بخير كمان

    ردحذف
  9. كل سنة و انتى طيبة و ان شاء الله تستمتعي برمضان

    فى الصيف كلنا انشغلنا و اعتقد اننا سننشغل اكتر عن التعليق و التدوين فى رمضان


    دمتى بخير

    ردحذف
  10. حمد الله عالسلامة وانشاء الله تنحل الأزمة الفكرية قريبا. خدي وقتك ورتبي امورك على راحتك.
    بانتظارك!

    ردحذف
  11. حمدلله ع السلامه,, ويارب تنعاد هيك عطله

    ترى سوريا بنزهقش منها

    ردحذف
  12. سوريا جميله ومسليه

    استمتعت بزيارتها لايام قليله هذا الصيف

    اهلا بعودتك

    سعيده بمروري من هنا :)

    ردحذف
  13. حمدا لله على سلامتك أخت نيسان
    وعاجبني قوي فكرة أجازة منكل حاجة دي
    فعلا مهمة
    تقبلي فائق احترامي

    ردحذف
  14. حمدلله ع سلامتك
    خدي وقتك ورتبي كل افكارك
    انا بصراحة السفر بيرجعني انسانة جديدة كثييييير
    ومليئة بافكار احسن
    تحياتي ليك
    عم تابعك

    ردحذف