الثلاثاء، مايو 18، 2010

تلولحي يا داليه


رفع الفارس الشجاع سيفه عالياً فاهتزت الارض تحت قدميه وهللت الجموع وكبرت....فأحكم قبضته عليه ثم انهال به على قالب الكيك ابو تسع طبقات...طبقه ورا طبقه حتى انهى المهمه بنجاح وسط الزغاريد و تصفيق الحاضرين فابتسم ابتسامه عريضه وهو يحتضن عروسه ويتابع الرقص معها
معه حق يفرح ويبتسم....فهذه هي المره الاولى في حياته الذي يمسك فيها سيفا او حتى اي نوع سلاح ...سواء كان ابيض او اسود...فبعد الغاء خدمة العلم_لم يعد الشباب يفرقون بين المسدس الحقيقي ومسدس الماء
ابتسم وافرح يا عريس...ربما ستكون هذه المره الاخيره التي ستمسك فيها اي نوع من انواع الاسلحه
واي سلاح من الآن و صاعدا سيكون لفرم السلطه او تقطيع البطيخ
السنه القادمه في عرس قادم سأحرص على الجلوس بجانبك وانت تحمل طفلك او طفلتك الجديده وسأدعو الله ان تكون قد سهرت جيدا الليله التي قبلها بعد ان يكون الولد قد اخذ المطعوم الثلاثي المدعّم وسهّركم طول الليل لارتفاع حرارته بعد التطعيم
سأجلس بجانبك....وسأذكّرك ...أن تبتسم من قلبك في نفس اللحظه التي سيقوم فيها العريس الجديد بامساك سيفه
أما العروس....فلها جلسه اخرى....على روااااااااق
و تلولحي يا داليه

‏هناك 18 تعليقًا:

  1. هههههههههه خليه فرحان المسكين
    ما بعرف انها حتكون " اخر ضحكه حيضحكها بحياته "

    ملحقين عالهم و السهر...

    هلأ موضوع خدمه العلم, جد لازم يرجعوه, في شباب ما بدها غير خدمة علم علشان يصيرو رجال و يفهمو ان الحياة مش شعر ولبس و سيارة وياي وهاي وباي...

    ردحذف
  2. mar7ba
    sara7a ana darebni el `3aba2 el yoom wo ma fhemet shu el ma2sood bl post...fa msh 3aref shu beddi a3alleq...bs i like ur posts :)

    ردحذف
  3. مساء الخير نيسان
    نعم ابتسم وافرح يا عريس فهذه هي المرة الأخيرة التي تمسك فيها الأسلحة، فبعد عام أو أقل ستسحب عليك جميع أنواع الخفيفة إبتدأ بـ(الزنوبة) وجميع أنواع الأسلحة الثقيلة إبتدأ بـ مقلاية (التيفال) وانتهاء (بطنجرة االعزايم)، نعم إضحك يا عريس، فأنها الأخيرة،
    أعجبتني فكرة جلوسك إلى العروس لإسداء النصائح والإرشادات، على (رواااااااق)، وفي كل ألف نصيحة وفي كل نصيحة (ألف تعباية راس)
    روعة البوست نيسان

    ردحذف
  4. يعني يا نيسان انت طلّعت العريس مغبون، يوم عرسه فرحان وبعدين مظلوم ومقهور، اسمحيلي اخالفك بالرأي واحكيلك ما فيه زلمة مسكين، واي شي بيصير فيه بعد الزواج بيستاهله وخرجه.

    ردحذف
  5. مساء الخير ويسبر
    والله يا قمر....خدمة العلم كانت تربي الشباب وتدعكهم شوي...بيكفي الحلاقه على الصفر واول شهرين تدريب في المعسكرات...يا ريت ترجع لانو في كتير مايعين لازمهم شدّ وشدّ كتير

    ردحذف
  6. أزال المؤلف هذا التعليق.

    ردحذف
  7. بعدين معك يا مواطن؟؟؟ انت ما شاء الله عنك بس حابب ترد لي قصة الهدايا !!! مش هيك؟؟ هههههه....انا قصدي اقول انه العريس مبسوط عالسيف كأنو رايح يحرر فلسطين مع انه عارف تماما انه بعد شهر او شهرين بالكتير حتبدا المعاناه والمشاكل اللي الله يستر من اخرها لانو "معظم" مش كلهم" عرسان هالايام كل همهم العرس وتحضيراته بدون ما يفهموا مسؤولياتهم بعد العرس ...انا دقه قديمه ... بحب الاعراس القديمه وعادات الاعراس اللي نسيناها ومش عاجبتني موديلات الاعراس الجديده اللي صارت كوكتيل عربي على غربي
    ونفسي ترجع اعراس تلولحي يا داليه وسهرة الشباب والدبكات
    يسعد مساك يا مواطن....عمان في الانتظار

    ردحذف
  8. مساء النور نادر
    نسيت تقول المكنسه وعصاية القشاطه .....ههههههه...حرام عليك ...عقبال عندك يا رب ...بس بدون اسلحه....اما العروس...بدها بوست طويل عريض ...مش نصائح وتعباية راس...لا وحياتك... اول شي عرض حال ما قبل وبعد ... بعدين بتبدا النصائح...يسعد مساك

    ردحذف
  9. يسعد مساكي كيّاله
    لا تخافي ...العروس لاحقها الدور بس برضو انا متحيزه شوي لجانب العريس ...عقبالك وعقبال كل العزابيه

    ردحذف
  10. ههههههههههههه خليه يستانس ويحس انه فعلا فارس !!!

    انا في انتظار العروس >>>>>> ياليت ماتحكي كلام قنابل عن البنات هههههههههههه لازم نآزر بعض ونعاون بعض صح يانيسان ^_^

    الله يوفقك ويسعدك يارب
    ياليت تستمري في الكتابه لان مواضيعك تعجبني كثير ^_^

    ردحذف
  11. m3aki 7a2 100%
    ana b mokhi post 3n el mas2oleyyeh tab3et el zawaj wo msh bs haik ...mas2oleyyet el khelfeh wel tarbeyeh kbeereh...ya3ni ana law b 2idi ba7akem nos el 2aba2 l2nno zalmeen awladhom wo hommeh msh 7asseen
    post jameel kal 3adeh bs el wa7ad el sb7 bekoon este3abo msh wla bodd :D

    ردحذف
  12. white freedom
    صباح الخير
    لازم نآزر بعض صح...لكن الحق
    رح احكي عن العروس كتير لانهم ببالغوا كتير اكتر من العرسان

    ردحذف
  13. صباح المواطنين المغتربين
    شكلها العروس ما حضرتلك الفطور يومها؟...ههههه
    ولا يهمك ..المره الجاي افطر واشرب القهوه قبل ما توجع راسك بقصصنا

    ردحذف
  14. :))))
    سيسلّم كل أنواع الأسلحة و يعقد هدنة أقرب للاستسلام و ينغمس.... و بس :)

    تا نشوف العروس شو قصتها معك
    ;)

    ردحذف
  15. مرحبا نيسان

    أعتقد بعد قراءة هذا الإدراج النيساني ومن خلال الواقع الملموس سواء بتجربتي الشخصية أو من خلال مشاهدات عديدة لأزواج من حولي أتفق معك تماما على كل كلمة كتبتها وأقول أن زمن ( سي السيد ) قد انتهى وولى ولن يعود أبدا فقد تبدلت الأدوار في هذا الزمان الذي أصبح يعرف باسم ( ست السيدة )

    وتلولحو يا رجال تلولحو :)

    ردحذف
  16. طيب منيح منو العريس اللي قطع قالب الكيك
    لا انا العريس اللي شفتو حتى السيف ما قدر يحملوا ووقع من ايدو على الارض و قال تقيل يا جماعة طبعا منعا للحرج صارتو اهلو يزغردوا و انا حبست الضحكة لحسيت وجهي انفجر و ما قدرت اتحمل
    اما العروس كانت تواسي بالميلة اللي اتجوزتها و تقولوا معلش حياتي بعرف انو تقيل

    على فكرة الغاء خدمة العلم فكرة خاطئة بتمنى يرجعوها و انا اول وحدة رح ابلغ عن قرايبي و خواني :)

    ردحذف
  17. صباح الخير هيثم
    طبعاً رح يسلم ويستسلم...ويقول يا رب الستر ...هههههه
    اشرف....يا ريت يرجع زمن سي السيد ويرجع معه زمن الرجال الرجال...مش النص نص
    جفرا...يسعد صباحك ومرحبا فيكي بمدونتي
    وانا بتمنى ترجع خدمة العلم وويلموا كل الشباب المتسكعين في الشوارع والكافيهات...على الاقل يعلموهم يوقفوا زي العالم ...يمشوا زي الناس...ويشدوا حيلهم شوي

    ردحذف